ﻟﻮﺩﻯ ﮔﻴﺎﺭﯨﻨﯩﯔ ﺋﻪﺳﻜﻪﺭﺗﯩﺸﯩﭽﻪ، ﺋﯘ ﻳﯩﻐﯩﻨﺪﺍ ﺧﯩﺘﺎﻳﻨﯩﯔ ﺩﺍﻻﻱ ﻻﻣﺎﻧﻰ ﺋﻮﻟﯩﻤﭙﯩﻚ ﻳﯩﻐﯩﻨﯩﻐﺎ ﺋﯩﻐﯟﺍﮔﻪﺭﭼﯩﻠﯩﻚ ﻗﯩﻠﻤﺎﻗﭽﻰ، ﺗﯩﺒﻪﺗﺘﯩﻜﻰ ﻫﯚﻛﯜﻣﻪﺗﻜﻪ ﻗﺎﺭﺷﻰ ﺋﯩﺴﻴﺎﻧﻨﯩﯔ ﭘﯩﻼﻧﻠﯩﻐﯘﭼﯩﺴﻰ، ﺩﯦﮕﻪﻥ ﺋﻪﻳﯩﺒﻠﻪﺷﻠﯩﺮﯨﻨﻰ ﺗﻪﻧﻘﯩﺪﻟﯩﮕﻪﻥ.

ﺳﯚﻫﺒﻪﺗﻨﯩﯔ ﺋﯩﻜﻜﻰ ﺗﻪﺭﻩﭖ ﺋﯧﻠﯩﭗ ﺑﺎﺭﻏﺎﻥ "ﺋﻪﯓ ﻣﯘﺷﻪﻗﻘﻪﺗﻠﯩﻚ ﺳﯚﻫﺒﻪﺗﻠﻪﺭﻧﯩﯔ ﺑﯩﺮﻯ" ﺑﻮﻟﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ ﻟﻮﺩﻯ ﮔﻴﺎﺭﻯ، "ﻣﻪﻥ ﺧﯩﺘﺎﻱ ﻣﻪﺳﻠﻪﻛﺪﺍﺷﻠﯩﺮﯨﻤﻐﺎ ﺷﯘﻧﻰ ﺋﻪﺳﻜﻪﺭﺗﺘﯩﻢ، ﺋﻪﮔﻪﺭ ﺋﯘﻻﺭﻧﯩﯔ ﺳﻪﻣﯩﻤﯩﻲ ﻧﯩﻴﯩﺘﻰ ﺑﻮﻟﻤﯩﺴﺎ ﯞﺍﻗﯩﺖ ﺋﯩﺴﺮﺍﭖ ﻗﯩﻠﯩﺶ ﻫﺎﺟﻪﺗﺴﯩﺰ". ﺋﯘ، ﺋﯚﺯﯨﻨﯩﯔ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﮕﻪ ﺩﺍﻻﻱ ﻻﻣﺎﻏﺎ ﻗﺎﺭﯨﺘﯩﻠﻐﺎﻥ " ﺋﺎﺳﺎﺳﺴﯩﺰ ﺋﻪﻳﯩﺒﻠﻪﺵ ﺧﯩﺘﺎﻱ ﻫﯚﻛﯜﻣﯩﺘﯩﻨﻰ ﺩﯗﻧﻴﺎﻧﯩﯔ ﻧﻪﺯﯨﺮﯨﺪﻩ ﺋﻪﺧﻤﯩﻘﺎﻧﻪ ﺋﻮﺭﯗﻧﻐﺎ ﭼﯜﺷﯜﺭﯛﭖ ﻗﻮﻳﻤﺎﻗﺘﺎ " ﺩﯦﮕﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ.

ﻳﯧﯖﻰ ﺩﯦﻬﻠﻰ ﺋﺎﻳﺮﻭﺩﺭﻭﻣﯩﺪﺍ ﻣﯘﺧﺒﯩﺮﻻﺭﻏﺎ ﺳﯚﻫﺒﻪﺗﻨﯩﯔ ﭘﺎﺕ ﺋﺎﺭﯨﺪﺍ ﺑﯚﺳﯜﺵ ﺧﺎﺭﺍﻛﺘﯧﺮﻟﯩﻚ ﺋﯩﻠﮕﯩﺮﯨﻠﻪﺷﻜﻪ ﺋﯧﺮﯨﺸﯩﺸﯩﺪﯨﻦ ﺋﯜﻣﯩﺪ ﻛﯜﺗﻤﻪﻳﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ ﻟﻮﺩﻯ ﮔﻴﺎﺭﻯ، " ﺧﯩﺘﺎﻱ ﺳﯚﻫﺒﻪﺗﺪﺍﺷﻠﯩﺮﯨﻢ ﻣﺎﯕﺎ، ﺑﯩﺰﻧﯩﯔ ﺑﻪﺧﺘﺴﯩﺰﻟﯩﻜﯩﻤﯩﺰ 50 ﻳﯩﻠﺪﯨﻦ ﺑﯧﺮﻯ ﺩﺍﯞﺍﻣﻠﯩﺸﯩﯟﺍﺗﻘﺎﻧﻠﯩﻘﯩﻨﻰ، ﺗﯩﺒﻪﺕ ﻣﻪﺳﯩﻠﯩﺴﯩﻨﻰ ﻫﻪﻝ ﻗﯩﻠﯩﺶ ﺋﯜﭼﯜﻥ ﯞﺍﻗﯩﺖ ﻛﯧﺘﯩﺪﯨﻐﺎﻧﻠﯩﻘﯩﻨﻰ ﺋﯧﻴﺘﺘﻰ. ﻣﻪﻥ ﺑﯘﻧﯩﯖﻐﺎ ﻗﻮﺷﯘﻟﯩﻤﻪﻥ " ﺩﻩﭖ ﻛﯚﺭﺳﻪﺗﺘﻰ.

ﺷﯩﻨﺨﯘﺍ ﺋﺎﮔﯧﻨﺘﻠﯩﻘﯩﻨﯩﯔ ﺋﻪﺳﻜﻪﺭﺗﯩﺸﯩﭽﻪ، ﺧﯩﺘﺎﻱ ﺗﻪﺭﻩﭘﻨﯩﯔ ﯞﻩﻛﯩﻠﻰ، ﻛﻮﻣﭙﺎﺭﺗﯩﻴﻪ ﻣﻪﺭﻛﯩﺰﻯ ﻛﻮﻣﯩﺘﯧﺖ ﺑﯩﺮﻟﯩﻜﺴﻪﭖ ﺑﯚﻟﯜﻣﻰ ﺑﺎﺷﻠﯩﻘﻰ ﺩﯗ ﭼﯩﯖﻠﯩﻦ، ﺩﺍﻻﻱ ﻻﻣﺎﻧﯩﯔ ﺋﻮﻟﯩﻤﭙﯩﻚ ﻳﯩﻐﯩﻨﯩﻐﺎ ﺋﯩﻐﯟﺍﮔﻪﺭﭼﯩﻠﯩﻚ ﻗﯩﻠﻤﺎﻳﺪﯨﻐﺎﻧﻠﯩﻘﻰ ﺗﻮﻏﺮﯨﺴﯩﺪﺍ " ﺋﺎﺷﻜﺎﺭﺍ ﯞﻩ ﺋﯧﻨﯩﻖ" ﯞﻩﺩﻩ ﺑﯧﺮﯨﺸﯩﻨﻰ ﺗﻪﻟﻪﭖ ﻗﯩﻠﻐﺎﻥ ﺷﯘﻧﺪﺍﻗﻼ ﺳﯚﻫﺒﻪﺕ ﺋﯩﺸﯩﻜﯩﻨﯩﯔ ﺩﺍﺋﯩﻢ ﺋﻮﭼﯘﻗﻠﯩﻘﯩﻨﻰ ﺑﯩﻠﺪﯛﺭﮔﻪﻥ.