ﺭﻭﻳﺘﯧﺮﺱ ﺋﺎﮔﯧﻨﺘﻠﯩﻘﯩﻨﯩﯔ ﺋﯘﭼﯘﺭﯨﻐﺎ ﺋﺎﺳﺎﺳﻼﻧﻐﺎﻧﺪﺍ، ﻧﺎﻣﺎﻳﯩﺸﺘﺎ 562 ﻧﻪﭘﻪﺭ ﺋﺎﻳﺎﻝ ﺗﯘﺗﻘﯘﻥ ﻗﯩﻠﯩﻨﻐﺎﻥ ﺑﻮﻟﯘﭖ، ﺑﯘ ﺗﯩﺒﻪﺗﻠﯩﻜﻠﻪﺭ ﺋﯚﺯﻟﯩﺮﯨﻨﯩﯔ ﯞﻩﺗﯩﻨﯩﺪﻩ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺗﯩﺒﻪﺗﻠﻪﺭﮔﻪ ﻗﺎﺭﺍﺗﻘﺎﻥ ﺑﺎﺳﺘﯘﺭﯗﺷﻠﯩﺮﯨﻐﺎ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﮔﻪﻥ ﻫﻪﻣﺪﻩ "ﺗﯩﺒﻪﺗﻜﻪ ﺋﻪﺭﻛﯩﻨﻠﯩﻚ" ﺩﯦﮕﻪﻧﺪﻩﻙ ﺷﻮﺋﺎﺭﻻﺭﻧﻰ ﺗﻮﯞﻻﺷﻘﺎﻥ ﺷﯘﻧﯩﯖﺪﻩﻙ ﻳﯩﻐﺎ - ﺯﺍﺭﻩ ﻗﯩﻠﯩﺸﻘﺎﻥ. ﺑﯩﺮﺍﻕ ﻧﯧﭙﺎﻝ ﺳﺎﻗﭽﻰ ﺩﺍﺋﯩﺮﯨﻠﯩﺮﻯ ﺋﯘﻻﺭﻧﻰ ﭘﺎﺕ ﺋﺎﺭﯨﺪﺍ ﻗﻮﻳﯘﭖ ﺑﯧﺮﯨﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﺑﻮﻟﺴﯩﻤﯘ، ﻟﯧﻜﯩﻦ ﺧﻪﻟﻘﺌﺎﺭﺍ ﺟﻪﻣﯩﻴﻪﺗﻨﯩﯔ ﺗﻪﻧﻘﯩﺪﯨﮕﻪ ﺋﯘﭼﺮﯨﻐﺎﻥ.

ﻧﯧﭙﺎﻟﺪﺍ ﻫﺎﺯﯨﺮ 20 ﻣﯩﯖﺪﯨﻦ ﺋﺎﺭﺗﯘﻕ ﺗﯩﺒﻪﺗﻠﯩﻚ ﻳﺎﺷﺎﻳﺪﯗ. ﺋﯘﻻﺭﻧﯩﯔ ﻛﯚﭘﭽﯩﻠﯩﻜﻰ 1959 - ﻳﯩﻠﻰ ﺗﯩﺒﻪﺕ ﻗﻮﺯﻏﯩﻠﯩﯖﻰ ﺑﺎﺳﺘﯘﺭﯗﻟﻐﺎﺩﺍ ﻗﯧﭽﯩﭗ ﭼﯩﻘﻘﺎﻧﻼﺭ ﯞﻩ ﺋﯘﻻﺭﻧﯩﯔ ﺋﻪﯞﻻﺩﻟﯩﺮﻯ ﺑﻮﻟﯘﭖ، ﻧﯧﭙﺎﻝ ﺗﯩﺒﻪﺕ ﻗﺎﺭﺷﯩﻠﯩﻖ ﻫﻪﺭﯨﻜﯩﺘﯩﻨﯩﯔ ﻣﯘﻫﯩﻢ ﺑﺎﺯﯨﺴﻰ ﺑﻮﻟﻐﺎﻧﻠﯩﻘﻰ ﺋﯜﭼﯜﻥ ﺧﯩﺘﺎﻱ ﻫﯚﻛﯜﻣﯩﺘﻰ ﻧﯧﭙﺎﻝ ﺑﯩﻠﻪﻥ ﻳﺎﺧﺸﻰ ﻫﻪﻣﻜﺎﺭﻟﯩﻖ ﻣﯘﻧﺎﺳﯩﯟﯨﺘﻰ، ﻧﯧﭙﺎﻝ ﻫﯚﻛﯜﻣﯩﺘﯩﻤﯘ ﺗﯩﺒﻪﺗﻠﻪﺭﻧﯩﯔ ﺧﯩﺘﺎﻳﻐﺎ ﻗﺎﺭﺷﻰ ﻫﻪﺭﯨﻜﻪﺗﻠﯩﺮﯨﮕﻪ ﻳﻮﻝ ﻗﻮﻳﻤﺎﺳﻠﯩﻘﻘﺎ ﯞﻩﺩﻩ ﺑﻪﺭﮔﻪﻥ. ﺋﯘﻧﯩﯔ ﺋﯜﺳﺘﯩﮕﻪ ﻳﻪﻧﻪ ﻳﯧﻘﯩﻨﺪﺍ ﻣﺎﯞﭼﯩﻼﺭ ﺩﻩﭖ ﺋﺎﺗﺎﻟﻐﺎﻥ ﻛﻮﻣﭙﺎﺭﺗﯩﻴﻪ ﮔﯘﺭﯗﻫﻠﯩﺮﻯ ﻫﺎﻛﯩﻤﯩﻴﻪﺗﻜﻪ ﻗﺎﺗﻨﯩﺸﯩﺶ ﭘﯘﺭﺳﯩﺘﯩﮕﻪ ﺋﯧﺮﯨﺸﻜﻪﻥ.

ﺧﻪﯞﻩﺭﺩﻩ ﺋﯧﻴﺘﯩﻠﯩﺸﯩﭽﻪ، ﻧﺎﻣﺎﻳﯩﺶ ﻗﯩﻠﻐﺎﻥ ﺗﯩﺒﻪﺗﻠﯩﻜﻠﻪﺭ ﺋﯚﺯﻟﯩﺮﯨﻨﯩﯔ ﻧﯧﭙﺎﻝ ﻫﯚﻛﯜﻣﯩﺘﯩﮕﻪ ﻗﺎﺭﺷﻰ ﺗﯘﺭﻣﯩﻐﺎﻥ ﺋﻪﻫﯟﺍﻝ ﺋﺎﺳﺘﯩﺪﺍ ﻗﻮﻟﻐﺎ ﺋﯧﻠﯩﻨﻐﺎﻧﻠﯩﻘﯩﻨﻰ ﺑﯩﻠﺪﯛﺭﯛﺷﻜﻪﻥ. ﺷﻪﻧﺒﻪ ﻛﯜﻧﻰ ﺑﯘﻧﺪﺍﻕ ﺧﯩﻠﺪﯨﻜﻰ ﺗﯩﺒﻪﺗﻠﻪﺭﻧﻰ ﻗﻮﻟﻼﻳﺪﯨﻐﺎﻥ ﻧﺎﻣﺎﻳﯩﺶ ﭘﺎﺭﯨﮋ ﺷﻪﻫﺮﯨﺪﯨﻤﯘ ﺋﯧﻠﯩﭗ ﺑﯧﺮﯨﻠﻐﺎﻥ ﺑﻮﻟﯘﭖ، ﺑﯩﺮ ﻗﺎﻧﭽﻪ ﻳﯜﺯ ﻛﯩﺸﻰ ﻧﺎﻣﺎﻳﯩﺸﻘﺎ ﻗﺎﺗﻨﺎﺷﻘﺎﻥ.