ﺋﺎﻣﯧﺮﯨﻜﺎ ﺋﺎﯞﺍﺯﯨﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، 2000 ﺋﻪﺗﺮﺍﭘﯩﺪﯨﻜﻰ ﺭﺍﻫﯩﺐ، ﺭﺍﻫﯩﺒﻪ ﯞﻩ ﺑﺎﻟﯩﻼﺭ ﻗﺎﺗﻨﺎﺷﻘﺎﻥ ﺑﯘ ﻧﺎﻣﺎﻳﯩﺸﻘﺎ ﻧﯧﭙﺎﻝ ﻫﯚﻛﯜﻣﯩﺘﻰ ﺭﯗﺧﺴﻪﺕ ﻗﯩﻠﻐﺎﻥ.
 
ﻧﯧﭙﺎﻝ ﭼﻪﺗﺌﻪﻟﻠﻪﺭﺩﯨﻜﻰ ﺗﯩﺒﻪﺗﻠﻪﺭﻧﯩﯔ ﻣﯘﻫﯩﻢ ﺑﺎﺯﯨﻠﯩﺮﯨﺪﯨﻦ ﺑﻮﻟﯘﭖ، 20 ﻣﯩﯖﺪﯨﻦ ﺋﺎﺭﺗﯘﻕ ﺗﯩﺒﻪﺗﻠﯩﻚ ﻳﺎﺷﺎﻳﺪﯗ، ﺑﯘ ﻳﻪﺭﺩﯨﻜﻰ ﺗﯩﺒﻪﺗﻠﻪﺭ ﺑﯘ ﻳﯩﻞ 3 - ﺋﺎﻳﺪﺍ ﻟﺨﺎﺳﺎﺩﺍ ﻳﯜﺯ ﺑﻪﺭﮔﻪﻥ ﻗﺎﺭﺷﯩﻠﯩﻖ ﻫﻪﺭﯨﻜﯩﺘﯩﻨﯩﯔ ﺑﺎﺳﺘﯘﺭﯗﻟﯘﺷﻰ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺩﺍﯞﺍﻣﻠﯩﻖ ﻧﺎﻣﺎﻳﯩﺶ ﺋﯘﻳﯘﺷﺘﯘﺭﯗﭖ ﻛﻪﻟﻤﻪﻛﺘﻪ. ﻧﯧﭙﺎﻝ ﺳﺎﻗﭽﯩﻠﯩﺮﻯ ﺑﯩﺮ ﻗﺎﻧﭽﻪ ﻗﯧﺘﯩﻢ ﻧﺎﻣﺎﻳﯩﺸﭽﯩﻼﺭﻧﻰ ﺗﺎﺭﻗﯩﺘﯩﯟﻩﺗﻜﻪﻥ ﻫﻪﻣﺪﻩ ﺑﯩﺮ ﻗﯩﺴﯩﻢ ﻛﯩﺸﯩﻠﻪﺭﻧﻰ ﺗﯘﺗﻘﯘﻥ ﻗﯩﻠﻐﺎﻧﺪﯨﻦ ﻛﯧﻴﯩﻦ ﺧﻪﻟﻘﺌﺎﺭﺍ ﺟﻪﻣﯩﻴﻪﺗﻨﯩﯔ ﺗﻪﻧﻘﯩﺪﯨﮕﻪ ﺋﯘﭼﺮﯨﻐﺎﻥ ﺋﯩﺪﻯ.

ﺑﯘ ﻗﯧﺘﯩﻢ ﻧﯧﭙﺎﻝ ﺑﺎﺵ ﻣﯩﻨﯩﺴﺘﯩﺮﻯ ﺑﯧﻴﺠﯩﯖﻨﻰ ﺯﯨﻴﺎﺭﻩﺕ ﻗﯩﻠﯩﭗ، ﺋﻮﻟﯩﻤﭙﯩﻜﻨﯩﯔ ﻳﯧﭙﯩﻠﯩﺶ ﻣﯘﺭﺍﺳﯩﻤﯩﻐﺎ ﻗﺎﺗﻨﺎﺷﻘﺎﻥ. ﺗﯩﺒﻪﺗﻠﻪﺭﻧﯩﯔ ﻧﺎﺭﺍﺯﯨﻠﯩﻖ ﻧﺎﻣﺎﻳﯩﺶ ﭘﺎﺋﺎﻟﯩﻴﻪﺗﻠﯩﺮﻯ ﺋﻮﻟﯩﻤﭙﯩﻚ ﻣﯘﺭﺍﺳﯩﻤﻰ ﺟﻪﺭﻳﺎﻧﯩﺪﺍ ﺩﺍﯞﺍﻣﻠﯩﻖ ﺋﯧﻠﯩﭗ ﺑﯧﺮﯨﻠﺪﻯ.

ﻳﻪﻛﺸﻪﻧﺒﻪ ﻛﯜﻧﻰ ﺋﺎﻣﯧﺮﯨﻜﯩﻨﯩﯔ ﺧﯩﺘﺎﻳﺪﯨﻜﻰ ﺋﻪﻟﭽﯩﺨﺎﻧﯩﺴﻰ ﺋﯚﺗﻜﻪﻥ ﻫﻪﭘﺘﯩﺪﻩ ﺑﯧﻴﺠﯩﯖﺪﺍ ﺗﯩﺒﻪﺗﻠﻪﺭﻧﻰ ﻗﻮﻟﻼﭖ ﻧﺎﻣﺎﻳﯩﺶ ﻗﯩﻠﯩﭗ، ﺧﯩﺘﺎﻱ ﺳﺎﻗﭽﯩﻠﯩﺮﻯ ﺗﻪﺭﯨﭙﯩﺪﯨﻦ ﺗﯘﺗﻘﯘﻥ ﻗﯩﻠﯩﻨﻐﺎﻥ ﺳﻪﻛﻜﯩﺰ ﻧﻪﭘﻪﺭ ﺋﺎﻣﯧﺮﯨﻜﯩﻠﯩﻘﻨﻰ ﺩﻩﺭﻫﺎﻝ ﻗﻮﻳﯘﭖ ﺑﯧﺮﯨﺸﻨﻰ ﺗﻪﻟﻪﭖ ﻗﯩﻠﺪﻯ. ﺗﯩﺒﻪﺗﻠﻪﺭﻧﻰ ﻗﻮﻟﻼﭖ ﺗﯩﻨﭻ ﻧﺎﻣﺎﻳﯩﺶ ﻗﯩﻠﻐﺎﻥ ﺋﺎﻣﯧﺮﯨﻜﯩﻠﯩﻘﻼﺭﻧﻰ ﺗﯘﺗﯘﭖ ﺳﻮﻻﭖ ﻗﻮﻳﯘﺷﻰ ﺧﻪﻟﻘﺌﺎﺭﺍ ﺋﯩﻨﺴﺎﻥ ﻫﻮﻗﯘﻗﻰ ﺗﻪﺷﻜﯩﻼﺗﻠﯩﺮﻯ ﯞﻩ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﯩﻨﯩﯔ ﺗﻪﻧﻘﯩﺪﯨﮕﻪ ﺋﯘﭼﺮﯨﻐﺎﻥ ﺋﯩﺪﻯ.