ﺋﯘﻻﺭ ﺟﯜﻣﻪ ﻛﯜﻧﻰ ﺟﻪﻧﯘﺑﯩﻲ ﻓﺮﺍﻧﺴﯩﻴﯩﺪﯨﻜﻰ ﺑﯩﺮ ﺑﯘﺩﺩﺍ ﺋﯩﺒﺎﺩﻩﺗﺨﺎﻧﯩﺴﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﺪﺍ ﺋﯘﭼﺮﺍﺷﻘﺎﻥ ﺑﻮﻟﯘﭖ، ﻣﯘﺭﺍﺳﯩﻤﺪﯨﻦ ﻛﯧﻴﯩﻦ ﺋﺎﻳﺮﯨﻢ ﺳﯚﻫﺒﻪﺕ ﺋﯚﺗﻜﯜﺯﮔﻪﻥ. ﺩﺍﻻﻱ ﻻﻣﺎﻧﯩﯔ ﻓﺮﺍﻧﺴﯩﻴﯩﻠﯩﻚ ﺗﻪﺭﺟﯩﻤﺎﻧﻰ ﻣﺎﺗﻴﯘ ﺭﯨﭽﺎﺭﺩ ﻛﯚﺭﯛﺷﯜﺷﺘﯩﻦ ﻛﯧﻴﯩﻦ ﻣﯘﺧﺒﯩﺮﻻﺭﻏﺎ ﺩﺍﻻﻱ ﻻﻣﺎﻧﯩﯔ ﺟﯘﯕﮕﻮﻧﯩﯔ "ﺧﻪﻟﻘﺌﺎﺭﺍﺩﯨﻜﻰ ﺋﯩﺰﺯﻩﺕ ‏ - ﺋﺎﺑﺮﻭﻳﯩﻨﻰ ﺗﻪﻛﺮﺍﺭ ﺗﯩﻜﻠﻪﺷﻨﯩﯔ ﺑﯩﺮﺩﯨﻦ ‏ - ﺑﯩﺮﻯ ﻳﻮﻟﻰ ﺩﯦﻤﻮﻛﺮﺍﺗﯩﻴﻪ ﻳﻮﻟﯩﺪﺍ ﺋﯩﻠﮕﯩﺮﯨﻠﻪﺷﺘﯘﺭ " ﺩﻩﭖ ﺗﻪﻛﯩﺘﻠﯩﮕﻪﻧﻠﯩﻜﯩﻨﻰ ﺋﯧﻼﻥ ﻗﯩﻠﺪﻯ.

ﺩﺍﻻﻱ ﻻﻣﺎ ﺑﯘﺩﺩﺍ ﺋﯩﺒﺎﺩﻩﺗﺨﺎﻧﯩﺴﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﺪﺍ ﺳﯚﺯ ﻗﯩﻠﯩﭗ، ﺩﯨﻨﻼﺭ ﺋﻮﺗﺘﯘﺭﯨﺴﯩﺪﯨﻜﻰ ﺋﯩﺘﺘﯩﭙﺎﻗﻠﯩﻘﻨﻰ ﺳﺎﻗﻼﺵ ﯞﻩ ﻣﯘﻫﯩﺘﻨﻰ ﻗﻮﻏﺪﺍﺵ ﺗﻮﻏﺮﯨﺴﯩﺪﺍ ﺗﻮﺧﺘﺎﻟﻐﺎﻥ. ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻐﺎ ﻗﺎﺗﻨﺎﺷﻘﺎﻥ 2000 ﺩﻩﻙ ﻣﯧﻬﻤﺎﻥ ﺋﯩﭽﯩﺪﻩ ﻓﺮﺍﻧﺴﯩﻴﯩﻨﯩﯔ ﻛﯩﺸﯩﻠﯩﻚ ﻫﻮﻗﯘﻕ ﻣﯩﻨﯩﺴﺘﯩﺮﻯ ﺭﺍﻣﺎ ﻳﺎﺩﯤ ﯞﻩ ﺳﺎﺑﯩﻖ ﺑﺎﺵ ﻣﯩﻨﯩﺴﺘﯩﺮ ﺋﺎﻟﯧﻴﻦ ﺟﯘﭘﭙﯧﻼﺭ ﺑﺎﺭ ﺋﯩﺪﻯ. ﺩﺍﻻﻱ ﻻﻣﺎﻧﯩﯔ ﺑﺎﻳﺎﻧﺎﺗﭽﯩﺴﻰ، ﻓﺮﺍﻧﺴﯩﻴﻪ ﭘﺮﯦﺰﯨﺪﯦﻨﺘﯩﻨﯩﯔ ﺧﺎﻧﯩﻤﻰ ﻛﺎﺭﻻ ﺳﺎﺭﻛﻮﺯﯨﻴﻨﯩﯔ ﺩﺍﻻﻱ ﻻﻣﺎﻏﺎ ﭘﺮﯦﺰﯨﺪﯦﻨﺖ ﻧﯩﻜﻮﻻﺱ ﺳﺎﺭﻛﻮﺯﯨﻴﻨﯩﯔ ﺳﺎﻟﯩﻤﯩﻨﻰ ﻳﻪﺗﻜﯜﺯﮔﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ.

ﺧﯩﺘﺎﻱ ﻫﯚﻛﯜﻣﯩﺘﻰ ﺋﯩﻠﮕﯩﺮﻯ ﻓﺮﺍﻧﺴﯩﻴﻪ ﭘﺮﯦﺰﯨﺪﯦﻨﺘﯩﻨﻰ ﺋﺎﮔﺎﻫﻼﻧﺪﯗﺭﯗﭖ، ﺋﻪﮔﻪﺭ ﺳﺎﺭﻛﻮﺯﯨﻲ ﺩﺍﻻﻱ ﻻﻣﺎ ﺑﯩﻠﻪﻥ ﻛﯚﺭﯛﺷﺴﻪ ﺋﯩﻜﻜﻰ ﺩﯙﻟﻪﺕ ﻣﯘﻧﺎﺳﯩﯟﯨﺘﯩﺪﻩ " ﺋﯧﻐﯩﺮ ﺋﺎﻗﯩﯟﻩﺕ" ﻛﯧﻠﯩﭗ ﭼﯩﻘﯩﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ ﺋﯩﺪﻯ. ﺑﯧﻴﺠﯩﯔ ﻫﯚﻛﯜﻣﯩﺘﻰ ﭼﺎﺭﺷﻪﻧﺒﻪ ﻛﯜﻧﻰ ﻓﺮﺍﻧﺴﯩﻴﯩﻨﻰ ﺑﯘ ﺗﻮﻏﺮﯨﺴﯩﺪﺍ ﻳﻪﻧﻪ ﺑﯩﺮ ﻗﯧﺘﯩﻢ ﺋﺎﮔﺎﻫﻼﻧﺪﯗﺭﯗﭖ، ﺧﯩﺘﺎﻳﻨﯩﯔ ﺗﯩﺒﻪﺕ ﻣﻪﺳﯩﻠﯩﺴﯩﺪﯨﻜﻰ"ﺳﻪﺯﮔﯜﺭﻟﯜﻛﻰ ﯞﻩ ﻣﻪﺳﯩﻠﯩﻨﯩﯔ ﻣﯘﻫﯩﻤﻠﯩﻘﻰ" ﻏﺎ ﺟﯩﺪﺩﯨﻲ ﻗﺎﺭﺍﺷﻨﻰ ﺗﻪﻛﯩﺘﻠﯩﮕﻪﻥ.

ﭘﺮﯦﺰﯨﺪﯦﻨﺖ ﺳﺎﺭﻛﻮﺯﯨﻲ ﺧﯩﺘﺎﻱ ﻫﯚﻛﯜﻣﯩﺘﻰ ﻣﺎﺭﺕ ﺋﯧﻴﯩﺪﺍ ﻟﺨﺎﺳﺎ ﺋﯩﺴﻴﺎﻧﯩﻨﻰ ﺑﺎﺳﺘﯘﺭﻏﺎﻧﺪﯨﻦ ﻛﯧﻴﯩﻦ، ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﻰ ﺑﺎﻳﻘﯘﺕ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺋﺎﮔﺎﻫﻼﻧﺪﯗﺭﻏﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﻛﯧﻴﯩﻨﺮﻩﻙ ﺑﯘ ﻧﯩﻴﯩﺘﯩﺪﯨﻦ ﯞﺍﺯ ﻛﯧﭽﯩﭗ، ﺋﻮﻟﯩﻤﭙﯩﻜﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻐﺎ ﻗﺎﺗﻨﺎﺷﻘﺎﻥ ﺋﯩﺪﻯ. ﺩﺍﻻﻱ ﻻﻣﺎﻧﯩﯔ ﺋﯩﻜﻜﻰ ﻫﻪﭘﺘﯩﻠﯩﻚ ﻓﺮﺍﻧﺴﯩﻴﻪ ﺯﯨﻴﺎﺭﯨﺘﻰ ﺷﻪﻧﺒﻪ ﻛﯜﻧﻰ ﺋﺎﺧﯩﺮﻟﯩﺸﯩﺪﯗ. ﺋﯘ، ﭘﻪﻳﺸﻪﻧﺒﻪ ﻛﯜﻧﻰ "ﻟﯥ ﻣﻮﻧﺪﯤ " ﮔﯧﺰﯨﺘﯩﮕﻪ 14 ‏ - ﻣﺎﺭﺕ ﻟﺨﺎﺳﺎ ﯞﻩﻗﻪﺳﯩﺪﯨﻦ ﻛﯧﻴﯩﻦ ﺋﺎﺯ ﺩﯦﮕﻪﻧﺪﻩ 400 ﻧﻪﭘﻪﺭ ﺗﯩﺒﻪﺗﻨﯩﯔ ﺧﯩﺘﺎﻱ ﺑﯩﺨﻪﺗﻪﺭﻟﯩﻚ ﻗﯩﺴﯩﻤﻠﯩﺮﻯ ﺗﻪﺭﯨﭙﯩﺪﯨﻦ ﺋﯚﻟﺘﯜﺭﯛﻟﮕﻪﻧﻠﯩﻜﯩﻨﻰ ﺑﯩﻠﺪﯛﺭﮔﻪﻥ.