ﻟﯧﻜﯩﻦ ﺩﺍﻻﻱ ﻻﻣﺎ ﻧﯩﯔ ﺋﯧﻴﺘﯩﺸﯩﭽﻪ، ﻣﻪﯞﺟﯘﺕ ﺋﯩﺨﺘﯩﻼﭖ ﯞﻩ ﻛﯚﺯ ﻗﺎﺭﺍﺵ ﭘﻪﺭﻗﻠﯩﺮﯨﮕﻪ ﻗﺎﺭﯨﻤﺎﻱ، ﺳﯚﻫﺒﻪﺕ ﺟﻪﺭﻳﺎﻧﯩﺪﺍ ﻫﻪﺭ ﺋﯩﻜﻜﻰ ﺗﻪﺭﻩﭖ، ﺗﯩﺒﻪﺕ ﻣﻪﺳﯩﻠﺴﯩﻨﻰ ﻫﻪﻝ ﻗﯩﻠﯩﺶ ﺋﯜﭼﯜﻥ، ﺋﯩﻜﻜﯩﻼ ﺗﻪﺭﻩﭖ ﻗﻮﺑﯘﻝ ﻗﯩﻼﻻﻳﺪﯨﻐﺎﻥ ﺑﯩﺮ ﻳﻮﻝ ﺗﯧﭙﯩﺶ ﻫﻪﻗﻘﯩﺪﯨﻜﻰ ﺋﯩﺮﺍﺩﯨﺴﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ.

ﺗﯩﺒﻪﺕ ﺭﻭﻫﺎﻧﻰ ﺩﺍﻫﯩﺴﯩﻨﯩﯔ ﺑﯩﻠﺪﯛﺭﯛﺷﯩﭽﻪ، ﺳﯚﻫﺒﻪﺕ ﺟﻪﺭﻳﺎﻧﯩﺪﺍ، ﺩﺍﻻﻱ ﻻﻣﺎ ﺗﻪﺭﻩﭖ ﺧﯩﺘﺎﻱ ﻫﯚﻛﯜﻣﻪﺕ ﯞﻩﻛﯩﻠﻠﯩﺮﯨﮕﻪ، ﻛﯧﻠﻪﺭ ﻗﯧﺘﯩﻢ ﺋﯧﻠﯩﭗ ﺑﯧﺮﯨﻠﯩﺪﯨﻐﺎﻥ ﺭﻩﺳﻤﻰ ﺳﯚﻫﺒﻪﺗﻨﯩﯔ ﺋﺎﺳﺎﺳﯩﻲ ﺑﻮﻻﻻﻳﺪﯨﻐﺎﻥ ﻛﻮﻧﻜﺮﯨﺖ ﺗﻪﻛﻠﯩﭙﻠﻪﺭﻧﻰ ﺳﯘﻧﻐﺎﻥ . ﺋﯘﻧﯩﯔ ﺋﯧﻴﺘﯩﺸﯩﭽﻪ، ﺳﯚﻫﺒﻪﺕ ﻧﺎﻫﺎﻳﯩﺘﻰ ﻳﺎﺧﺸﻰ ﺑﯩﺮ ﺋﺎﺗﻤﻮﺳﻔﯧﺮﺍ ﺋﯩﭽﯩﺪﻩ ﺋﯚﺗﻜﻪﻥ ﺑﻮﻟﯘﭖ، ﺧﯩﺘﺎﻱ ﺗﻪﺭﻩﭖ ﺗﯩﺒﻪﺕ ﯞﻩﻛﯩﻠﻠﯩﺮﯨﮕﻪ ﻫﯚﺭﻣﻪﺕ ﺑﯩﻠﻪﻥ ﻣﯘﺋﺎﻣﯩﻠﻪ ﻗﯩﻠﻐﺎﻥ.

ﻛﯚﭘﭽﯩﻠﯩﻜﻜﻪ ﻣﻪﻟﯘﻡ ﺑﻮﻟﻐﺎﻧﺪﻩﻙ، ﺧﯩﺘﺎﻱ ﻫﯚﻛﯜﻣﯩﺘﻰ ﺗﯩﺒﻪﺗﺘﯩﻜﻰ ﺑﺎﺳﺘﯘﺭﯗﺵ ﻫﻪﺭﯨﻜﯩﺘﯩﺪﯨﻦ ﻛﯧﻴﯩﻦ، ﺧﻪﻟﻘﺌﺎﺭﺍ ﺟﺎﻣﺎﺋﻪﺗﻨﯩﯔ ﺑﻮﻟﯘﭘﻤﯘ ﺋﺎﻣﯧﺮﯨﻜﺎ ﯞﻩ ﻏﻪﺭﺏ ﺩﯙﻟﻪﺗﻠﯩﺮﯨﻨﯩﯔ ﺑﯧﺴﯩﻤﻰ ﺑﯩﻠﻪﻥ ﺗﯩﺒﻪﺕ ﻣﻪﺳﯩﻠﺴﯩﻨﻰ ﺑﯩﺮ ﺗﻪﺭﻩﭖ ﻗﯩﻠﯩﺶ ﺋﯜﭼﯜﻥ، ﺩﺍﻻﻱ ﻻﻣﺎ ﻧﯩﯔ ﯞﻩﻛﯩﻠﻠﯩﺮﻯ ﺑﯩﻠﻪﻥ ﻗﺎﻳﺘﯩﺪﯨﻦ ﺳﯚﻫﺒﻪﺕ ﺑﺎﺷﻼﺷﻨﻰ ﻗﻮﺑﯘﻝ ﻗﯩﻠﻐﺎﻥ ﺑﻮﻟﯘﭖ، ﺋﯩﻜﻜﻰ ﺗﻪﺭﻩﭖ ﺋﻮﺗﺘﯘﺭﯨﺴﯩﺪﯨﻜﻰ ﺗﯘﻧﺠﻰ ﺳﯚﻫﺒﻪﺕ ﺋﯚﺗﻜﻪﻥ ﻫﻪﭘﺘﻪ ﺋﺎﺧﯩﺮﻯ ﺧﯩﺘﺎﻳﻨﯩﯔ ﺷﯩﻨﺠﯩﻦ ﺷﻪﻫﯩﺮﯨﺪﻩ ﺋﯚﺗﻜﯜﺯﯛﻟﮕﻪﻥ ﺋﯩﺪﻯ.

ﮔﻪﺭﭼﻪ، ﺩﺍﻻﻱ ﻻﻣﺎ ﺗﻪﺭﻩﭖ ﺑﯘ ﺳﯚﻫﺒﻪﺗﻠﻪﺭﻧﯩﯔ ﺋﯚﺗﯜﻣﻠﯜﻙ ﻧﻪﺗﯩﺠﻪ ﺑﯧﺮﯨﺪﯨﻐﺎﻧﻠﯩﻘﻰ ﻫﻪﻗﻘﯩﺪﻩ ﺋﯜﻣﯩﺪﯞﺍﺭﻟﯩﻖ ﺑﺎﻳﺎﻥ ﻗﯩﻠﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﻧﯘﺭﻏﯘﻧﻠﯩﻐﺎﻥ ﻣﯘﻻﻫﯩﺰﯨﭽﯩﻠﻪﺭ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺩﺍﻻﻱ ﯞﻩﻛﯩﻠﻠﯩﺮﻯ ﺑﯩﻠﻪﻥ ﻗﺎﻳﺘﯩﺪﯨﻦ ﺳﯚﻫﺒﻪﺕ ﺑﺎﺷﻼﺷﻨﻰ ﻗﻮﺑﯘﻝ ﻗﯩﻠﻐﺎﻧﻠﯩﻘﯩﻨﻰ، ﺑﯧﻴﺠﯩﯔ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﻰ ﻫﺎﺭﭘﯩﺴﯩﺪﺍ ﺧﻪﻟﻘﺌﺎﺭﺍﺩﺍ ﺗﯩﺒﻪﺕ ﻣﻪﺳﯩﻠﺴﯩﺪﻩ ﺧﯩﺘﺎﻳﻐﺎ ﻗﺎﺭﯨﺘﯩﻠﻐﺎﻥ ﺗﻪﻧﻘﯩﺪﻟﻪﺭﻧﻰ ﭘﻪﺳﻪﻳﺘﯩﺸﻨﻰ ﻣﻪﻗﺴﻪﺕ ﻗﯩﻠﻐﺎﻥ ﺳﯩﻴﺎﺳﯩﻲ ﺑﯩﺮ ﺗﺎﻛﺘﯩﻜﺎ ﺑﻮﻟﯘﺷﻰ ﻣﯘﻣﻜﯩﻦ ﺩﻩﭖ ﻗﺎﺭﯨﻤﺎﻗﺘﺎ.