Ötken ayda yüz bergen semenyoli weqesi, yamanyar weqesi we qizilboyi weqesi eslep ötülgen uqturushta, 3 xil küchlerning ezeldinla jim turmay kelgenliki we bundin kéyinmu toxtimaydighanliqi eskertilgen. Uqturushta, aldi bilen mekteptiki oqutquchi, oqughuchilarning olimpik mezgilide rayonning bixeterlikige hesse qoshqanliqi medhiyilengen, andin ramizan we méyiplar olimpiki mezgilidimu, oxshash pidakarliq körsitishi telep qilinghan. Uqturush, nahiye we yéziliq ottura, bashlanghuch mektep we yeslilergiche xitap qilghan bolup, oqutquchi, oqughuchilarning hushyarliqni östürüshi telep qilinghan.

Uqturushta yene, oqutquchi, oqughuchilarning tughqan yoqlash, dost izdesh bahaniliri bilen ramazan mezgilide diniy paaliyetlerge qatniship qalmasliqini agahlandurghan. Rozi tutush qattiq cheklengen uqturushta, diniy zatlarning perzentlirining rozi tutup - Tutmighanliqini nuqtiliq tekshürüsh telep qilinghan.

Uqturushta, nöwette turup qoghdash wezipisi ötewatqan oqutquchi, oqughuchilar, uxlap qalmasliqqa, wezipe saitide mest bolup qalmasliqqa we weqe chiqsa qéchip ketmeslikke jiddiy bir shekilde agahlandurulghan.

Mezkur uqturush ötken ayda qeshqerde yüz bergen weqelerning qeshqer dairilirini heddidin ziyade sezgürleshtürüwetkenlikini körsetmekte. Ötken ay yüz bergen qizilboyi weqeside gumandarlarning qarshiliqigha uchrighan saqchilarning bir qismi qéchip ketken idi.

Pikir - Qarashliringizni otturigha qoyung

Pikir - Bayanliringiz tor bashqurghuchisi teripidin testiqlinishi kérek bolup, tor bette shu zaman élan qilinmaydu. Bir az waqittin kéyin, pikir - Bayanliringizning testiqlanghan yaki testiqlanmighanliqini qayta tekshürüp körüshigizni soraymiz. Pikir - Qarashliringizni töwendiki jedwel arqiliq, uyghur kona yéziqi boyiche yolliyalaysiz.

Isim (ixtiyar)

Sheher (ixtiyar)

Pikir - Qarashliringiz