ﺷﯩﻨﺨﯘﺍ ﺧﻪﯞﻩﺭ ﺋﺎﮔﯧﻨﺘﻠﯩﻘﻰ ﯞﻩ ﺧﯩﺘﺎﻱ ﺧﻪﯞﻩﺭﻟﯩﺮﻯ ﺋﺎﮔﯧﻨﺘﻠﯩﻘﯩﻨﯩﯔ ﺑﯩﻠﺪﯛﺭﯛﺷﯩﭽﻪ ﺑﯘ ﺟﯜﻣﻪ ﻛﯘﻧﻰ، ﻳﻪﺭﻟﯩﻚ ﺳﺎﻗﭽﯩﻼﺭ ﻗﻪﺷﻘﻪﺭ ﯞﯨﻼﻳﯩﺘﻰ ﺗﻪﯞﻩﺳﯩﺪﻩ ﺑﺎﺳﺘﯘﺭﯗﺵ ﻫﻪﺭﻛﯩﺘﻰ ﺋﯧﻠﯩﭗ ﺑﺎﺭﻏﺎﻥ ﺑﻮﻟﯘﭖ ﺑﯘ ﻫﻪﺭﯨﻜﻪﺗﻨﯩﯔ ﺋﻪﺳﻠﻰ ﻣﻪﻗﺴﯩﺘﻰ ﻣﯘﺷﯘ ﺋﺎﻳﻨﯩﯔ 12 - ﻛﯘﻧﻰ ﻗﻪﺷﻘﻪﺭﺩﻩ ﺋﯚﻟﺘﯜﺭﯛﻟﮕﻪﻥ 3 ﻧﻪﭘﻪﺭ ﺑﯩﺨﻪﺗﻪﺭﻟﯩﻚ ﺧﺎﺩﯨﻤﯩﻨﯩﯔ ﺩﯦﻠﻮﺳﯩﻐﺎ ﭼﯧﺘﯩﺸﻠﯩﻖ ﺩﻩﭖ ﮔﯘﻣﺎﻥ ﻗﯩﻠﯩﻨﻐﺎﻥ ﺑﯩﺮ ﮔﯘﺭﯗﭘﭙﺎ ﺑﯚﻟﮕﯜﻧﭽﯩﻠﻪﺭﻧﻰ ﻗﻮﻟﻐﺎ ﭼﯜﺷﯜﺭﯛﺵ ﺋﯩﻜﻪﻥ.

ﺷﯩﻨﺨﯘﺍ ﺧﻪﯞﻩﺭ ﺋﺎﮔﯧﻨﺘﻠﯩﻘﯩﻨﯩﯔ ﺑﯩﻠﺪﯛﺭﮔﯩﻨﯩﮕﻪ ﻗﺎﺭﯨﻐﺎﻧﺪﺍ ﺳﺎﻗﭽﯩﻼﺭ ﺑﯩﺮ ﻗﻮﻧﺎﻗﻠﯩﻖ ﺋﯧﺘﯩﺰﻟﯩﻘﯩﺪﺍ ﭘﯩﭽﺎﻕ ﺑﯩﻠﻪﻥ ﻗﻮﺭﺍﻟﻼﻧﻐﺎﻥ ﺑﯘ 9 ﻧﻪﭘﻪﺭ ﻛﯩﺸﻰ ﺑﯩﻠﻪﻥ ﺋﯘﭼﺮﯗﺷﯘﭖ ﻗﺎﻟﻐﺎﻥ ﺑﻮﻟﯘﭖ ﺑﯘ ﻛﯩﺸﯩﻠﻪﺭ ﺳﺎﻗﭽﯩﻼﺭﻧﯩﯔ "ﺗﻪﺳﻠﯩﻢ ﺑﻮﻝ" ﺩﯦﮕﻪﻥ ﺋﺎﮔﺎﻫﻼﻧﺪﯗﺭﯗﺷﯩﻐﺎ ﻗﺎﺭﺷﯩﻠﯩﻖ ﻛﯚﺭﺳﻪﺗﻜﻪﻥ ﯞﻩ ﺋﯩﻜﻜﻰ ﻧﻪﭘﻪﺭ ﺳﺎﻗﭽﯩﻨﻰ ﻳﺎﺭﯨﻼﻧﺪﯗﺭﻏﺎﻥ ﺋﯩﻜﻪﻥ.

ﺳﺎﻗﭽﯩﻼﺭ ﺑﯘﻧﯩﯖﻐﺎ ﻗﻮﺭﺍﻝ ﺑﯩﻠﻪﻥ ﺟﺎﯞﺍﭖ ﺑﻪﺭﮔﻪﻥ ﻧﻪﺗﯩﺠﯩﺪﻩ 6 ﻧﻪﭘﻪﺭ ﺋﯘﻳﻐﯘﺭ ﮔﯘﻣﺎﻧﺪﺍﺭ ﺩﻩﭖ ﻗﺎﺭﯨﻠﯩﭗ ﻧﻪﻕ ﻣﻪﻳﺪﺍﻧﺪﺍ ﺋﯧﺘﯩﭗ ﺋﯚﻟﺘﯜﺭﯛﻟﮕﻪﻥ ﯞﻩ 3 ﻧﻪﭘﯩﺮﻯ ﻳﺎﺭﯨﻼﻧﺪﯗﺭﯗﻟﻐﺎﻥ.

ﻓﺮﺍﻧﺴﯩﻴﻪ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﯩﻨﯩﯔ ﺑﯩﻠﺪﯛﺭﯛﺷﯩﭽﻪ ﺋﻮﺗﻜﻪﻥ ﺑﯩﺮ ﺋﺎﻳﺪﯨﻦ ﺑﯘﻳﺎﻥ ﺷﯩﻨﺠﺎﯕﺪﺍ ﺋﯘﻳﻐﯘﺭﻻﺭ ﺑﯩﻠﻪﻥ ﺧﯩﺘﺎﻱ ﻫﯚﻛﯜﻣﯩﺘﻰ ﺋﺎﺭﯨﺴﯩﺪﺍ ﻛﯚﭖ ﻗﯧﺘﯩﻢ ﺗﻮﻗﯘﻧﯘﺷﻼﺭ ﻳﯜﺯ ﺑﻪﺭﮔﻪﻥ ﺑﻮﻟﯘﭖ 8 - ﺋﺎﻳﻨﯩﯔ 4 - ﻛﯜﻧﻰ ﻗﻪﺷﻘﻪﺭﺩﻩ ﻳﯜﺯ ﺑﻪﺭﮔﻪﻥ ﻗﺎﻧﻠﯩﻖ ﯞﻩﻗﻪﺩﻩ 16 ﻧﻪﭘﻪﺭ ﺧﯩﺘﺎﻱ ﺳﺎﻗﭽﯩﺴﻰ ﺋﯚﻟﺘﯜﺭﯛﻟﮕﻪﻥ.

ﻗﻪﺷﻘﻪﺭﺩﻩ ﻳﯜﺯ ﺑﻪﺭﮔﻪﻥ ﯞﻩﻗﻪﺩﯨﻦ 6 ﻛﯘﻥ ﻛﯩﻴﯩﻦ، ﻛﯘﭼﺎﺩﺍ ﺑﯩﺮ ﻧﻪﭘﻪﺭ ﺑﯩﺨﻪﺗﻪﺭﻟﯩﻚ ﺧﺎﺩﯨﻤﯩﻨﯩﯔ ﺋﯚﻟﺘﯜﺭﯛﻟﯜﺵ ﻫﺎﺩﯨﺴﯩﺴﻰ ﻣﻪﻳﺪﺍﻧﻐﺎ ﻛﻪﻟﮕﻪﻥ.
 
8 - ﺋﺎﻳﻨﯩﯔ 12 - ﻛﯜﻧﻰ ﻗﻪﺷﻘﻪﺭﻧﯩﯔ ﻳﺎﻣﺎﻧﻴﺎﺭ ﻳﯧﺰﯨﺴﯩﺪﯨﻜﻰ ﺗﻪﻛﺸﯜﺭﯛﺵ ﭘﻮﻧﻜﯩﺘﯩﺪﺍ ﻣﻪﺯﻛﯜﺭ ﭘﻮﻧﻜﯩﺘﺘﺎ ﺋﯩﺸﻠﻪﻳﺪﯨﻐﺎﻥ 3 ﻧﻪﭘﻪﺭ ﺑﯩﺨﻪﺗﻪﺭﻟﯩﻚ ﺧﺎﺩﯨﻤﻰ ﭘﯩﭽﺎﻕ ﺑﯩﻠﻪﻥ ﺋﯚﻟﺘﯜﺭﯛﻟﮕﻪﻥ ﯞﻩ ﺑﯩﺮ ﻧﻪﭘﯩﺮﻯ ﺋﯧﻐﯩﺮ ﺩﻩﺭﯨﺠﯩﺪﻩ ﻳﺎﺭﯨﺪﺍﺭ ﺑﻮﻟﻐﺎﻥ.

ﺑﯘ ﭼﺎﺭﺷﻪﻧﺒﻪ ﻛﯘﻧﻰ ﺑﻮﻟﺴﺎ ﻗﻪﺷﻘﻪﺭﺩﻩ ﻗﻮﻧﺎﻗﻠﯩﻘﺘﺎ ﮔﯘﻣﺎﻧﻠﯩﻖ ﻛﯩﺸﯩﻠﻪﺭﻧﻰ ﺋﯩﺰﺩﻩﯞﺍﺗﻘﺎﻥ ﺋﯩﻜﻜﻰ ﻧﻪﭘﻪﺭ ﺳﺎﻗﭽﻰ ﻛﯩﻤﻠﯩﻜﻰ ﻧﺎﻣﻪﻟﯘﻡ ﻛﯩﺸﯩﻠﻪﺭ ﺗﻪﺭﯨﭙﯩﺪﯨﻦ ﺋﯚﻟﺘﯜﺭﯛﻟﺪﻯ.

ﭼﻪﺗﺌﻪﻟﻠﯩﻚ ﻣﯘﺗﻪﺧﻪﺳﯩﺴﻠﻪﺭﻧﯔ ﺗﻪﻫﻠﯩﻞ ﻗﯩﻠﯩﺸﯩﭽﻪ ﻳﯧﻘﯩﻨﺪﯨﻼ ﺋﺎﺧﯩﺮﻻﺷﻘﺎﻥ ﺧﻪﻟﻘﺎﺭﺍ ﺋﻮﻟﯩﻤﭙﯩﻚ ﻳﯩﻐﯩﻨﯩﻨﯩﯔ ﺋﺎﻟﺪﻯ ﻛﻪﻳﻨﯩﺪﻩ ﺋﯘﻳﻐﯘﺭ ﻣﯘﺳﺘﻪﻗﯩﻠﭽﯩﻠﯩﺮﻯ ﺋﯚﺯﻟﯩﺮﯨﻨﯩﯔ ﻣﯘﺳﺘﻪﻗﯩﻠﻠﯩﻖ ﺩﺍﯞﺍﺳﯩﻨﻰ ﺩﯗﻧﻴﺎﻏﺎ ﺗﻮﻧﯘﺷﺘﯘﺭﯨﯟﯦﻠﯩﺶ ﺋﯜﭼﯜﻥ ﭘﺎﺋﺎﻟﯩﻴﻪﺗﻠﯩﺮﯨﻨﯩﯔ ﻗﻪﺩﯨﻤﯩﻨﻰ ﺗﯧﺨﯩﻤﯘ ﺗﯩﺰﻟﻪﺗﻜﻪﻥ ﺋﯩﻜﻪﻥ.

ﻣﻪﺯﻛﯘﺭ ﺋﺎﮔﯧﻨﺘﻠﯩﻘﻨﯩﯔ ﺑﯩﻠﺪﯗﺭﮔﯩﻨﯩﮕﻪ ﻗﺎﺭﯨﻐﺎﻧﺪﺍ ﺷﯩﻨﺠﺎﯕﺪﯨﻜﻰ ﻣﯘﺳﯘﻟﻤﺎﻥ ﺋﯘﻳﻐﯘﺭﻻﺭ ﺋﻮﻥ ﻧﻪﭼﭽﻪ ﻳﯩﻠﻼﺭﺩﯨﻦ ﺑﯩﺮﻯ ﺩﺍﯞﺍﻣﻠﯩﺸﯩﯟﺍﺗﻘﺎﻥ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯧﻐﯩﺮ ﺯﯗﻟﻤﯩﺪﺍ ﻗﯩﻴﻨﺎﻟﻤﺎﻗﺘﺎ ﺋﯩﻜﻪﻥ.