ﺋﺎﭘﺘﻮﻧﻮﻡ ﺭﺍﻳﻮﻧﻨﯩﯔ ﻣﯘﺋﺎﯞﯨﻦ ﺭﻩﺋﯩﺴﻰ ﺧﯘ ﯞﯦﻲ ﺟﯜﻣﻪ ﻛﯜﻧﻰ ﺳﯧﻨﺘﻪﺑﯩﺮ ﺋﯧﻴﯩﺪﺍ ﺋﯧﭽﯩﻠﯩﺪﯨﻐﺎﻥ ﺋﯜﺭﯛﻣﭽﻰ ﻳﻪﺭﻣﻪﻧﻜﯩﺴﻰ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺋﯚﺗﻜﯜﺯﮔﻪﻥ ﻣﯘﺧﺒﯩﺮﻻﺭﻧﻰ ﻛﯜﺗﯜﯞﯦﻠﯩﺶ ﻳﯩﻐﯩﻨﯩﺪﺍ ﺭﺍﻳﻮﻧﺪﺍ ﻳﯜﺯ ﺑﻪﺭﮔﻪﻥ ﻳﯧﻘﯩﻨﻘﻰ ﯞﻩﻗﻪﻟﻪﺭﻧﻰ ﺋﯩﻤﺎ ﻗﯩﻠﯩﭗ، " ﺑﯘ ﺗﯜﺭﺩﯨﻜﻰ ﻫﻪﺭﯨﻜﻪﺗﻠﻪﺭ ﺋﺎﺯ ﺳﺎﻧﺪﯨﻜﻰ ﺋﺎﻳﺮﯨﻢ ﺑﯩﺮ ﻗﯩﺴﯩﻢ ﺷﻪﺧﺴﻠﻪﺭﻧﯩﯔ ﻗﯩﻠﻤﯩﺸﻰ، ﺑﯘﻧﯩﯔ ﭘﯜﺗﯜﻥ ﺭﺍﻳﻮﻧﻐﺎ ﻛﯚﺭﺳﯩﺘﯩﺪﯨﻐﺎﻥ ﺗﻪﺳﯩﺮﻯ ﻧﺎﻫﺎﻳﯩﺘﻰ ﻛﯩﭽﯩﻚ " ﺩﻩﭖ ﻛﯚﺭﺳﻪﺗﺘﻰ.

ﻳﯩﻐﯩﻨﺪﺍ ﺋﯘﻳﻐﯘﺭ ﺋﯧﻠﯩﻨﯩﯔ ﺗﺎﺭﯨﺨﺘﯩﻜﻰ ﺋﻪﯓ ﻳﺎﺧﺸﻰ ﺩﻩﯞﺭﯨﺪﻩ ﺗﯘﺭﯗﯞﺍﺗﻘﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ ﺧﯘ ﯞﯦﻲ، ﺧﻮﺗﻪﻧﺪﻩ ﻳﯜﺯ ﺑﻪﺭﮔﻪﻥ ﺋﺎﻳﺎﻟﻼﺭ ﻧﺎﻣﺎﻳﯩﺸﯩﻨﯩﯔ ﻣﻪﻣﻠﯩﻜﻪﺕ ﺋﯩﭽﻰ ﯞﻩ ﺳﯩﺮﺗﯩﺪﯨﻜﻰ ﺋﯜﭺ ﺧﯩﻞ ﻛﯜﭼﻠﻪﺭ ﺗﻪﺭﯨﭙﯩﺪﯨﻦ ﺋﯘﻳﯘﺷﺘﯘﺭﯗﻟﻐﺎﻧﻠﯩﻘﯩﻨﻰ ﻳﻪﻧﻪ ﺗﻪﻛﺮﺍﺭﻟﯩﺪﻯ. ﻳﯩﻐﯩﻨﺪﺍ " ﺷﯩﻨﺠﺎﯓ ﻣﻪﺑﻠﻪﻍ ﺳﯧﻠﯩﺶ ﯞﻩ ﺳﻮﺩﺍ ﻗﯩﻠﯩﺸﻘﺎ ﻧﺎﻫﺎﻳﯩﺘﻰ ﺑﯩﺨﻪﺗﻪﺭﻟﯩﻚ ﺟﺎﻱ " ﺩﻩﭖ ﺗﻪﻛﯩﺘﻠﯩﮕﻪﻥ ﺧﯩﺘﺎﻱ ﺧﻪﻟﻖ ﻗﯘﺭﯗﻟﺘﯩﻴﯩﻨﯩﯔ ﻣﯘﺋﺎﯞﯨﻦ ﺭﻩﺋﯩﺴﻰ ﺋﯩﺴﻤﺎﺋﯩﻞ ﺗﯩﻠﯩﯟﺍﻟﺪﻯ، "ﺧﻪﻟﻖ ﻣﯘﻗﯩﻤﻠﯩﻘﻨﯩﯔ ﮔﯜﻟﻠﯩﻨﯩﺶ، ﻗﺎﻻﻳﻤﯩﻘﺎﻧﭽﯩﻠﯩﻘﻨﯩﯔ ﺑﺎﻻﻳﻰ - ﺋﺎﭘﻪﺕ ﺋﯩﻜﻪﻧﻠﯩﻜﯩﻨﻰ ﺑﯩﻠﯩﺪﯗ " ﺩﻩﭖ ﺳﯚﺯﻟﯩﺪﻯ.

ﺧﯩﺘﺎﻱ ﻫﯚﻛﯜﻣﯩﺘﻰ ﻳﯧﻘﯩﻨﺪﺍ ﺋﯘﻳﻐﯘﺭﻻﺭﻧﯩﯔ ﭘﺎﻛﯩﺴﺘﺎﻧﺪﯨﻜﻰ ﮔﯘﺭﯗﻫﻼﺭ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ ﺑﯩﺮ ﺋﺎﻳﺮﯗﭘﯩﻼﻥ ﭘﺎﺭﺗﻠﯩﺘﯩﺶ ﯞﻩﻗﻪﺳﯩﻨﻰ ﺷﯘﻧﺪﺍﻗﻼ ﺋﯜﺭﯛﻣﭽﯩﺪﻩ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﮕﻪ ﻫﯘﺟﯘﻡ ﻗﯩﻠﯩﺸﻨﻰ ﻧﯩﺸﺎﻥ ﻗﯩﻠﻐﺎﻥ ﺑﯩﺮ "ﺗﯧﺮﺭﻭﺭﻟﯘﻕ" ﮔﯘﺭﯗﻫﻨﻰ ﭘﺎﺵ ﻗﯩﻠﻐﺎﻧﻠﯩﻘﯩﻨﻰ ﺋﯧﻼﻥ ﻗﯩﻠﻐﺎﻥ ﺋﯩﺪﻯ. ﺑﯩﺮﻟﻪﺷﻤﻪ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﻰ ﺧﯘ ﯞﯦﻰ ﯞﻩ ﺗﯩﻠﯩﯟﺍﻟﺪﯨﻼﺭﻧﯩﯔ ﺋﺎﺧﺒﺎﺭﺍﺕ ﺋﯧﻼﻥ ﻗﯩﻠﯩﺶ ﻳﯩﻐﯩﻨﻰ ﻫﻪﻗﻘﯩﺪﯨﻜﻰ ﺧﻪﯞﯨﺮﯨﺪﻩ، ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﻳﯘﻗﯩﺮﯨﻘﻰ" ﺗﯧﺮﺭﻭﺭﻟﯘﻕ" ﯞﻩﻗﻪﻟﻪﺭﮔﻪ ﺋﺎﺋﯩﺖ ﻣﺎﺩﺩﻯ ﭘﺎﻛﯩﺘﻼﺭﻧﻰ ﺋﯧﻼﻥ ﻗﯩﻠﯩﭗ ﺑﺎﻗﻤﯩﻐﺎﻧﻠﯩﻘﯩﻨﻰ ﻳﺎﺯﺩﻯ.