ﺧﯩﺘﺎﻱ ﺋﺎﺧﺒﺎﺭﺍﺕ ﯞﺍﺳﺘﯩﻠﯩﺮﻯ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﺋﻪﻣﮕﻪﻙ ﯞﻩ ﺋﯩﺠﺘﯩﻤﺎﺋﯩﻲ ﻛﺎﭘﺎﻟﻪﺕ ﺋﯩﺪﺍﺭﯨﺴﻰ ﺩﯦﻬﻘﺎﻧﻼﺭ ﺧﯩﺰﻣﯩﺘﻰ ﺑﺎﺷﻘﺎﺭﻣﯩﺴﯩﻨﯩﯔ ﻣﯘﺩﯨﺮﻯ ﯞﯗﻧﯩﯔ ﺳﯚﺯﯨﻨﻰ ﻧﻪﻗﯩﻞ ﻛﻪﻟﺘﯜﺭﯛﭖ، ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻥ ﻫﯚﻛﯜﻣﯩﺘﯩﻨﯩﯔ 12 ‏ - ﻣﺎﻱ ﻳﻪﺭ ﺗﻪﯞﺭﻩﺷﺘﻪ ﺋﺎﭘﻪﺗﻜﻪ ﺋﯘﭼﺮﯨﻐﺎﻥ ﮔﻪﻧﺴﯘ ﺩﯦﻬﻘﺎﻧﻠﯩﺮﯨﻨﻰ ﺋﯘﻳﻐﯘﺭ ﺋﯧﻠﯩﮕﻪ ﻳﯚﺗﻜﻪﭖ ﺋﯩﺸﻘﺎ ﺋﻮﺭﯗﻧﻼﺷﺘﯘﺭﯨﺪﯨﻐﺎﻧﻠﯩﻘﯩﻨﻰ، ﺑﯘﻻﺭﺩﯨﻦ ﺑﺎﺷﻘﺎ ﻳﻪﻧﻪ، ﺋﯩﺸﻠﻪﭘﭽﯩﻘﯩﺮﯨﺶ ﻗﯘﺭﯗﻟﯘﺵ ﺋﺎﺭﻣﯩﻴﯩﺴﻰ ﻣﻪﺧﺴﯘﺱ ﮔﻪﻧﺴﯘ ﺩﯦﻬﻘﺎﻧﻠﯩﺮﻯ ﺋﯜﭼﯜﻥ 200 ﻣﯩﯔ ﻛﯩﺸﯩﻠﯩﻚ ﭘﺎﺧﺘﺎ ﺗﯧﺮﯨﺶ ﺋﯩﺶ ﺋﻮﺭﻧﻰ ﻫﺎﺯﯨﺮﻟﯩﻐﺎﻧﻠﯩﻘﯩﻨﻰ ﺋﯧﻼﻥ ﻗﯩﻠﺪﻯ.

ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺋﯘﻳﻐﯘﺭ ﺋﯩﻠﯩﺪﯨﻜﻰ ﺋﻪﻣﮕﻪﻙ ﻛﯜﭼﻠﯩﺮﯨﻨﻰ ﺋﯧﺸﯩﻨﭽﺎ ﺋﻪﻣﮕﻪﻙ ﻛﯜﭼﻰ ﺳﯜﭘﯩﺘﯩﺪﻩ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﻳﯚﺗﻜﻪﺵ ﺳﯩﻴﺎﺳﯩﺘﻰ، ﯞﻩﺗﻪﻥ ﺋﯩﭽﻰ ﯞﻩ ﺳﯩﺮﺗﯩﺪﯨﻜﻰ ﺋﯘﻳﻐﯘﺭﻻﺭﻧﯩﯔ ﻗﺎﺗﺘﯩﻖ ﻧﺎﺭﺍﺯﯨﻠﯩﻘﯩﻨﻰ ﻗﻮﺯﻏﯩﻐﺎﻥ ﻣﯘﻫﯩﻢ ﻣﻪﺳﯩﻠﯩﻠﻪﺭﺩﯨﻦ ﺑﯩﺮﻯ ﺑﻮﻟﯘﭖ، ﺭﺍﺩﯨﺌﻮﻣﯩﺰ ﻣﯘﺧﺒﯩﺮﻟﯩﺮﻯ ﻫﻪﺗﺘﺎ ﻫﯚﻛﯜﻣﻪﺗﻨﯩﯔ ﻣﻪﺯﻛﯜﺭ ﺳﯩﻴﺎﺳﯩﺘﯩﮕﻪ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﮔﻪﻥ ﺩﯦﻬﻘﺎﻧﻼﺭﻧﯩﯔ ﺋﺎﻻﻗﯩﺪﺍﺭ ﺧﺎﺩﯨﻤﻨﻰ ﭘﯩﭽﺎﻕ ﺳﯧﻠﯩﭗ ﺯﻩﺧﻤﯩﻠﻪﻧﺪﯛﺭﮔﻪﻧﻠﯩﻜﯩﺪﯨﻦ ﺧﻪﯞﻩﺭﺩﺍﺭ ﺑﻮﻟﻐﺎﻥ ﺋﯩﺪﻯ.

ﭼﻪﺗﺌﻪﻟﻠﻪﺭﺩﻩ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺋﯘﻳﻐﯘﺭ ﺳﯩﻴﺎﺳﻪﺗﭽﯩﻠﯩﺮﻯ، ﻫﯚﻛﯜﻣﻪﺗﻨﯩﯔ ﻳﺎﺵ ﺋﯘﻳﻐﯘﺭ ﻗﯩﺰ ‏ - ﭼﻮﻛﺎﻧﻼﺭﻏﺎ ﺋﯚﺯ ﻳﯘﺭﺗﯩﺪﺍ ﺋﯩﺶ ﺋﯩﻤﻜﺎﻧﻰ ﻫﺎﺯﯨﺮﻻﭖ ﺑﻪﺭﻣﻪﻱ،ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﺋﻪﻛﯩﺘﯩﯟﺍﺗﻘﺎﻥ ﺑﯩﺮ ﭘﻪﻳﺘﺘﻪ، ﺋﺎﭘﻪﺗﻜﻪ ﻳﺎﺭﺩﻩﻡ ﺑﯧﺮﯨﺶ ﺩﯦﮕﻪﻥ ﺑﺎﻫﺎﻧﻪ ﺑﯩﻠﻪﻥ 300 ﻣﯩﯖﺪﯨﻦ ﺋﺎﺭﺗﯘﻕ ﺧﯩﺘﺎﻱ ﺩﯦﻬﻘﺎﻧﻨﻰ ﺋﯘﻳﻐﯘﺭ ﺋﯧﻠﯩﮕﻪ ﺋﻮﺭﯗﻧﻼﺷﺘﯘﺭﯗﺷﻰ، ﻳﻪﺭﻟﯩﻚ ﺋﯘﻳﻐﯘﺭ ﺧﻪﻟﻘﯩﻨﯩﯔ ﺗﯧﺨﯩﻤﯘ ﭼﻮﯓ ﻧﺎﺭﺍﺯﯨﻠﯩﻘﻠﯩﺮﯨﻐﺎ ﻳﻮﻝ ﺋﺎﭼﯩﺪﯗ ﺩﯦﻴﯩﺸﻤﻪﻛﺘﻪ.