ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﻰ ﺋﻪﺯﺍﻟﯩﺮﻯ ﺩﯦﻤﻮﻛﺮﺍﺗﭽﻰ ﺑﯩﻞ ﺩﯦﻼﻫﻪﻧﺖ ﯞﻩ ﺟﯘﻣﻬﯘﺭﯨﻴﻪﺗﭽﻰ ﺩﺍﻧﺎ ﺭﻭﺭﺍﺑﺎﺧﻪﺭ ﺋﻪﭘﻪﻧﺪﯨﻠﻪﺭ ﭼﺎﺭﺷﻪﻧﺒﻪ ﻛﯜﻧﻰ ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﻰ ﺗﺎﺷﻘﻰ ﻣﯘﻧﺎﺳﯩﯟﻩﺗﻠﻪﺭ ﻛﻮﻣﯩﺘﯧﺘﯩﺪﺍ ﺋﯚﺗﻜﯜﺯﯛﻟﮕﻪﻥ ﮔﯘﯞﺍﻫﻠﯩﻘﺘﯩﻦ ﺋﯚﺗﯜﺵ ﻳﯩﻐﯩﻨﯩﺪﺍ، ﺋﺎﻣﯧﺮﯨﻜﺎ ﻫﯚﻛﯜﻣﯩﺘﯩﻨﯩﯔ ﮔﯜﻩﻧﺘﺎﻧﺎﻣﻮﺩﯨﻜﻰ ﺋﯘﻳﻐﯘﺭﻻﺭﺩﯨﻦ ﺗﯜﺭﻣﯩﺪﻩ ﺋﯘﭼﺮﯨﻐﺎﻥ ﺋﻪﻫﯟﺍﻟﻼﺭ ‏ - ﺋﺎﺯﺍﺑﻼﺭ ﺋﯜﭼﯜﻥ ﻛﻪﭼﯜﺭﯛﻡ ﺳﻮﺭﺍﭖ، ﺋﯘﻻﺭﻏﺎ ﺗﯚﻟﻪﻡ ﺗﯚﻟﯩﺸﻰ ﻛﯧﺮﻩﻛﻠﯩﻜﯩﻨﻰ ﺑﯩﻠﺪﯛﺭﺩﻯ.

ﻳﯩﻐﯩﻨﺪﺍ، ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﻰ ﺗﺎﺷﻘﻰ ﻣﯘﻧﺎﺳﯩﯟﻩﺗﻠﻪﺭ ﻛﻮﻣﯩﺘﯧﺘﻰ ﺋﻪﺯﺍﻟﯩﺮﻯ، ﺋﺎﻣﯧﺮﯨﻜﺎ ﺋﻪﺩﻟﯩﻴﻪ ﻣﯩﻨﺴﺘﯩﺮﻟﯩﻘﯩﻨﯩﯔ ﺑﺎﺵ ﺗﻪﭘﺘﯩﺸﻰ ﮔﯧﻠﻪﻥ ﻓﺎﻳﯩﻨﺪﯨﻦ، ﺧﯩﺘﺎﻱ ﻫﯚﻛﯜﻣﻪﺕ ﺧﺎﺩﯨﻤﻠﯩﺮﯨﻨﯩﯔ ﮔﯜﻩﻧﺘﺎﻧﺎﻣﻮ ﺗﯜﺭﻣﯩﺴﯩﮕﻪ ﻛﯩﺮﯨﺸﯩﮕﻪ ﻧﯧﻤﻪ ﺋﯜﭼﯜﻥ ﺭﯗﺧﺴﻪﺕ ﺑﯧﺮﯨﻠﮕﻪﻧﻠﯩﻜﯩﻨﻰ ﺳﻮﺭﯨﻐﺎﻥ. ﺋﯘﻻﺭ ﺑﻮﻟﯘﭘﻤﯘ ﺋﺎﻣﯧﺮﯨﻜﺎ ﻫﻪﺭﺑﯩﻲ ﺧﺎﺩﯨﻤﻠﯩﺮﯨﻨﯩﯔ، ﺧﯩﺘﺎﻱ ﺑﯩﺨﻪﺗﻪﺭﻟﯩﻚ ﺧﺎﺩﯨﻤﻠﯩﺮﯨﻨﯩﯔ ﮔﯜﻩﻧﺘﺎﻧﺎﻣﻮﺩﺍ ﺗﯘﺗﯘﭖ ﺗﯘﺭﯗﻟﯘﯞﺍﺗﻘﺎﻥ ﺋﯘﻳﻐﯘﺭﻻﺭﻧﻰ ﺳﻮﺭﺍﻕ ﻗﯩﻠﯩﺸﯩﻐﺎ ﻳﺎﺭﺩﻩﻡ ﻗﯩﻠﻐﺎﻧﻠﯩﻘﯩﻨﻰ ﻗﺎﺗﺘﯩﻖ ﺋﻪﻳﯩﺒﻠﯩﮕﻪﻥ.

ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﻰ ﺋﻪﺯﺍﺳﻰ ﺩﺍﻧﺎ ﺭﻭﺭﺍﺑﺎﺧﻪﺭ ﺋﺎﻣﯧﺮﯨﻜﺎ ﻫﻪﺭﺑﯩﻲ ﺧﺎﺩﯨﻤﻠﯩﺮﯨﻨﯩﯔ ﺑﯘ ﻫﻪﺭﯨﻜﯩﺘﯩﻨﻰ ﻛﯜﻟﻜﯩﻠﯩﻚ ﺩﻩﭖ ﻛﯚﺭﺳﯩﺘﯩﭗ، ﮔﯜﻩﻧﺘﺎﻧﺎﻣﻮﺩﺍ ﺗﯘﺗﯘﭖ ﺗﯘﺭﯗﻟﯘﯞﺍﺗﻘﺎﻥ ﺋﯘﻳﻐﯘﺭﻻﺭﻧﻰ ﺩﻩﺭﻫﺎﻝ ﻗﻮﻳﯘﭖ ﺑﯧﺮﯨﺸﻰ ﯞﻩ ﺋﺎﻣﯧﺮﯨﻜﯩﻐﺎ ﺋﻮﺭﯗﻧﻼﺷﺘﯘﺭﯗﺷﻰ ﻛﯧﺮﻩﻛﻠﯩﻜﯩﻨﻰ ﺗﻪﻛﯩﺘﻠﯩﮕﻪﻥ.