ﺋﺎﻣﯧﺮﯨﻜﺎ ﺟﯘﻣﻬﯘﺭﯨﻴﻪﺗﭽﯩﻠﻪﺭ ﭘﺎﺭﺗﯩﻴﯩﺴﻰ ﯞﻩﻛﯩﻠﻠﻪﺭ ﻗﯘﺭﯗﻟﺘﯩﻴﻰ ﺋﺎﭘﻪﺕ ﺳﻪﯞﻩﺑﯩﺪﯨﻦ ﭘﺎﺋﺎﻟﯩﻴﻪﺗﻠﯩﺮﯨﻨﻰ ﻗﯩﺴﻘﺎﺭﺗﺘﻰ

ﻣﯘﺧﺒﯩﺮﯨﻤﯩﺰ ﺟﯜﻣﻪ ﺧﻪﯞﯨﺮﻯ

2008-09-01

2008 - ﻳﯩﻠﻠﯩﻖ ﺋﺎﻣﯧﺮﯨﻜﺎ ﺟﯘﻣﻬﯘﺭﯨﻴﻪﺗﭽﯩﻠﻪﺭ ﭘﺎﺭﺗﯩﻴﯩﺴﻰ ﯞﻩﻛﯩﻠﻠﻪﺭ ﻗﯘﺭﯗﻟﺘﯩﻴﻰ ﺋﺎﺧﺒﺎﺭﺍﺕ ﻣﻪﺭﻛﯩﺰﯨﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، 1 - ﺳﯧﻨﺘﻪﺑﯩﺮ ﺩﯛﺷﻪﻧﺒﻪ ﻛﯜﻧﻰ ﺋﯧﭽﯩﻠﯩﺶ ﺋﺎﻟﺪﯨﺪﺍ ﺗﯘﺭﻏﺎﻥ ﻣﻪﺯﻛﯘﺭ ﻗﯘﺭﯗﻟﺘﺎﻱ، ﺋﺎﻣﯧﺮﯨﻜﯩﻨﯩﯔ ﺟﻪﻧﯘﺑﻰ ﺭﺍﻳﻮﻧﻠﯩﺮﯨﻐﺎ ﺗﻪﻫﺪﯨﺖ ﺳﯧﻠﯩﯟﺍﺗﻘﺎﻥ، ﺷﯩﺪﺩﻩﺗﻠﯩﻚ ﺩﯦﯖﯩﺰ ﺩﻭﻟﻘﯘﻧﻰ ﻗﯘﻳﯘﻥ ﺋﺎﭘﯩﺘﻰ ﺳﻪﯞﻩﺑﯩﺪﯨﻦ ﺑﯘ ﻛﯜﻧﯩﮕﻪ ﺋﻮﺭﯗﻧﻼﺷﺘﯘﺭﯗﻟﻐﺎﻥ ﺑﯩﺮ ﻗﯩﺴﯩﻢ ﭘﺎﺋﺎﻟﯩﻴﻪﺗﻠﯩﺮﯨﻨﻰ ﻗﯩﺴﻘﺎﺭﺗﯩﺪﯨﻐﺎﻧﻠﯩﻘﯩﻨﻰ ﺟﺎﻛﺎﺭﻟﯩﻐﺎﻥ.

ﺟﯘﻣﻬﯘﺭﯨﻴﻪﺗﭽﯩﻠﻪﺭ ﭘﺎﺭﺗﯩﻴﯩﺴﻰ ﻧﺎﻣﺰﺍﺗﻰ ﺟﻮﻥ ﻣﯧﻜﻜﯧﻴﯩﻨﻨﯩﯔ ﺑﺎﺭﻟﯩﻖ ﻳﯩﻐﯩﻦ ﯞﻩ ﺑﺎﺷﻘﺎ ﭘﺎﺋﺎﻟﯩﻴﻪﺗﻠﯩﺮﯨﻨﯩﯔ ﺩﯨﺮﯦﻜﺘﻮﺭﻯ ﺭﯨﻚ ﺩﯦﻴﯟﯨﺴﻨﯩﯔ ﺑﺎﻳﺎﻧﺎﺗﯩﻐﺎ ﻗﺎﺭﯨﻐﺎﻧﺪﺍ، ﻫﺎﺯﯨﺮ ﻣﻪﺯﻛﯘﺭ ﭘﺎﺭﺗﯩﻴﻪ ﻣﯧﻜﺴﯩﻜﺎ ﻗﻮﻟﺘﯘﻗﯩﻐﺎ ﺟﺎﻳﻼﺷﻘﺎﻥ ﺷﯩﺘﺎﺗﻼﺭﺩﯨﻜﻰ ﭘﯘﻗﺮﺍﻻﺭﻧﯩﯔ ﺑﯩﺨﻪﺗﻪﺭﻟﯩﻜﯩﻨﻰ ﯞﻩ ﺋﯘﻻﺭﻏﺎ ﻳﺎﺭﺩﻩﻡ ﺑﯧﺮﯨﺸﻨﻰ ﺋﺎﻟﺪﯨﻨﻘﻰ ﺋﻮﺭﯗﻧﻐﺎ ﻗﻮﻳﯩﺪﯨﻐﺎﻧﻠﯩﻘﯩﻨﻰ، ﻣﯘﺷﯘﻧﺪﺍﻕ ﺑﯩﺮ ﭘﻪﻳﺘﺘﻪ ﺳﯩﻴﺎﺳﯩﻲ ﺗﻪﺑﺮﯨﻜﻠﻪﺵ ﻣﯘﺭﺍﺳﯩﻤﯩﻨﯩﯔ ﺯﯙﺭﯛﺭ ﺋﻪﻣﻪﺳﻠﯩﻜﯩﻨﻰ ﺑﯩﻠﺪﯛﺭﮔﻪﻥ.

ﻫﺎﺯﯨﺮ ﺋﺎﻣﯧﺮﯨﻜﺎ ﺟﯘﻣﻬﯘﺭﯨﻴﻪﺗﭽﯩﻠﻪﺭ ﭘﺎﺭﺗﯩﻴﯩﺴﻰ ﯞﻩﻛﯩﻠﻠﻪﺭ ﻗﯘﺭﯗﻟﺘﯩﻴﻰ ﺋﺎﭘﻪﺗﻜﻪ ﺋﯘﭼﺮﯨﻐﺎﻥ ﺭﺍﻳﻮﻧﻼﺭ ﺧﯩﺰﻣﻪﺕ ﮔﯘﺭﯗﭘﭙﯩﺴﻰ ﯞﻩ ﺋﯩﻨﻔﻮﺭﻣﺎﺗﺴﯩﻴﻪ ﻣﻪﺭﻛﯩﺰﻯ ﺗﻪﺷﻜﯩﻠﻠﯩﮕﻪﻥ ﺑﻮﻟﯘﭖ، ﺋﯘﻻﺭ ﻣﯧﻜﺴﯩﻜﺎ ﻗﻮﻟﺘﯘﻗﯩﻐﺎ ﺟﺎﻳﻼﺷﻘﺎﻥ ﻟﯘﻳﯩﺴﯩﻴﺎﻧﺎ، ﺗﯧﻜﺴﺎﺱ، ﻣﯩﺴﺴﯩﺴﺴﯩﭙﻰ، ﺋﺎﻻﺑﺎﻣﺎ ﯞﻩ ﻓﻠﻮﺭﯨﺪﺍ ﺷﯩﺘﺎﺗﻠﯩﺮﯨﺪﯨﻦ ﻛﻪﻟﮕﻪﻥ ﯞﻩﻛﯩﻠﻠﻪﺭﺩﯨﻦ ﺋﺎﭘﻪﺕ ﺳﻪﯞﻩﺑﯩﺪﯨﻦ ﻳﯘﺭﺗﻠﯩﺮﯨﻐﺎ ﻗﺎﻳﺘﯩﺸﻨﻰ ﺗﻪﻟﻪﭖ ﻗﯩﻠﯩﺪﯨﻐﺎﻧﻼﺭﻧﻰ ﺗﻮﺷﯘﻳﺪﯨﻐﺎﻥ ﻣﻪﺧﺴﯘﺱ ﺋﺎﻳﺮﻭﭘﯩﻼﻥ ﺋﺎﺟﺮﺍﺗﻘﺎﻥ.

ﻣﻪﻟﯘﻡ ﺑﻮﻟﯘﺷﯩﭽﻪ ﻫﺎﺯﯨﺮ ﻣﻪﺯﻛﯘﺭ ﺭﺍﻳﻮﻧﻼﺭﺩﯨﻦ ﺋﯩﻜﻜﻰ ﻣﯩﻠﻴﻮﻧﻐﺎ ﻳﯧﻘﯩﻦ ﺋﺎﺩﻩﻡ ﺗﺎﺭﻗﺎﻗﻼﺷﺘﯘﺭﯗﺷﻘﺎ ﺑﺎﺷﻠﯩﻐﺎﻥ. ﺟﯘﻣﻬﯘﺭﯨﻴﻪﺗﭽﯩﻠﻪﺭ ﭘﺎﺭﺗﯩﻴﯩﺴﻰ ﯞﻩﻛﯩﻠﻠﻪﺭ ﻗﯘﺭﯗﻟﺘﯩﻴﻰ ﻣﯩﻨﻨﯧﺴﻮﺗﺎ ﺷﺘﺎﺗﻨﯩﯔ ﺳﯩﻨﺖ ﭘﺎﺋﯘﻝ ﺷﻪﻫﯩﺮﯨﺪﻩ 1 - ﺋﺎﯞﻏﯘﺳﺖ ﺋﯧﭽﯩﻠﯩﺪﯨﻐﺎﻥ ﺑﻮﻟﯘﭖ، ﺋﻪﺳﻠﻰ ﻛﯜﻧﺘﻪﺭﺗﯩﭙﻰ ﺑﯘﻳﯩﭽﻪ ﺑﯘ ﻛﯜﻧﻰ ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﻗﯘﺭﯗﻟﺘﺎﻳﺪﺍ ﻧﯘﺗﯘﻕ ﺳﯚﺯﻟﯩﻤﻪﻛﭽﻰ ﺋﯩﺪﻯ.

ﺋﻪﻣﻤﺎ ﭘﺮﯦﺰﯨﺪﯦﻨﺖ ﺑﯘﺵ ﺋﯚﺯﯨﻨﯩﯔ ﻗﯘﺭﯗﻟﺘﺎﻳﻐﺎ ﻗﺎﺗﻨﺎﺷﻤﺎﻳﺪﯨﻐﺎﻧﻠﯩﻘﯩﻨﻰ ﺟﺎﻛﺎﺭﻟﯩﻐﺎﻧﺪﯨﻦ ﻛﯩﻴﯩﻦ ﺋﺎﭘﻪﺕ ﺭﺍﻳﻮﻧﻰ ﺗﯧﻜﺴﺎﺱ ﺷﺘﺎﺗﯩﻐﺎ ﻳﻮﻝ ﺋﺎﻟﻐﺎﻥ.