ﺧﻪﯞﻩﺭﺩﻩ ﻛﯚﺭﺳﯩﺘﯩﻠﯩﺸﯩﭽﻪ، ﻛﯘﺭﺳﻨﻰ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﺗﺎﺷﻘﻰ ﺳﻮﺩﺍ ﻧﺎﺯﺍﺭﯨﺘﻰ ﺋﯜﺳﺘﯩﮕﻪ ﺋﺎﻟﻐﺎﻥ ﺑﻮﻟﯘﭖ، ﻛﯘﺭﺱ 16 - ﺋﯩﻴﯘﻥ ﺋﯜﺭﯛﻣﭽﯩﺪﻩ ﺑﺎﺷﻼﻧﻐﺎﻥ.

ﻣﻪﻟﯘﻡ ﺑﻮﻟﯩﺸﭽﻪ، ﺑﯘ ﺷﯘ ﺧﯩﻠﺪﯨﻜﻰ ﻛﯘﺭﺳﻼﺭﻧﯩﯔ ﺋﯜﺭﯛﻣﭽﯩﺪﻩ ﺗﯘﻧﺠﻰ ﻗﺎﺭﺍﺭ ﺋﯧﭽﯩﻠﯩﺸﻰ ﺑﻮﻟﯘﭖ، ﻛﯘﺭﺳﻘﺎ ﺷﺎﯕﺨﻪﻱ ﻫﻪﻣﻜﺎﺭﻟﯩﻖ ﺗﻪﺷﻜﯩﻼﺗﯩﻐﺎ ﺋﻪﺯﺍ ﺩﯙﻟﻪﺗﻠﻪﺭﺩﯨﻦ ﻛﻪﻟﮕﻪﻥ 19 ﻧﻪﭘﻪﺭ ﻫﯚﻛﯜﻣﻪﺕ ﺋﻪﻣﻪﻟﺪﺍﺭﻯ ﻗﺎﺗﻨﺎﺷﻘﺎﻥ.

ﺧﻪﯞﻩﺭ ﻗﯩﻠﯩﻨﯩﺸﯩﭽﻪ، ﻣﻪﺯﻛﯘﺭ ﻛﯘﺭﺳﺎﻧﺘﻼﺭﻏﺎ ﭘﯧﺪﺍﮔﻮﮔﯩﻜﺎ ﺋﯘﻧﯩﯟﯦﺮﺳﯩﺘﯧﺘﻰ، ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﺋﯩﺠﺘﯩﻤﺎﺋﯩﻲ ﭘﻪﻧﻠﻪﺭ ﺋﺎﻛﺎﺩﯦﻤﯩﻴﯩﺴﻰ، ﺩﯨﻨﯩﻲ ﯞﻩ ﻣﯩﻠﻠﻲ ﺋﯩﺸﻼﺭ ﻛﻮﻣﯩﺘﯧﺘﻰ ﻗﺎﺗﺎﺭﻟﯩﻖ ﺋﻮﺭﮔﺎﻧﻼﺭﺩﯨﻦ ﻛﻪﻟﮕﻪﻥ ﻣﯘﺗﻪﺧﻪﺳﺴﯩﺴﻠﻪﺭ ﺩﻩﺭﺱ ﺋﯚﺗﻜﻪﻥ ﻫﻪﻣﺪﻩ ﺧﯩﺘﺎﻳﻨﯩﯔ ﻣﯩﻠﻠﯩﻲ ﯞﻩ ﺩﯨﻨﯩﻲ ﺋﯩﺸﻼﺭﻧﻰ ﺑﺎﺷﻘﯘﺭﯗﺷﻘﺎ ﺋﺎﻻﻗﯩﺪﺍﺭ ﺑﯩﺮ ﻗﯩﺴﯩﻢ ﺳﯩﻴﺎﺳﻪﺕ ﻫﻪﻣﺪﻩ ﭼﻪﺗﺌﻪﻟﻠﯩﻜﻠﻪﺭﻧﯩﯔ ﺩﯨﻨﯩﻲ ﭘﺎﺋﺎﻟﯩﻴﻪﺗﻠﯩﺮﯨﻨﻰ ﺑﺎﺷﻘﯘﺭﯗﺷﻘﺎ ﺋﺎﻻﻗﯩﺪﺍﺭ ﺑﻪﻟﮕﯩﻠﯩﻤﯩﻠﻪﺭﺩﯨﻦ ﻟﯩﻜﺴﯩﻴﻪ ﺳﯚﺯﻟﯩﮕﻪﻥ.

ﺷﺎﯕﺨﻪﻱ ﻫﻪﻣﻜﺎﺭﻟﯩﻖ ﺗﻪﺷﻜﯩﻼﺗﻰ ﺧﯩﺘﺎﻳﻨﯩﯔ ﺗﻪﺷﻪﺑﺒﯘﺳﻰ ﺑﯩﻠﻪﻥ 2001 - ﻳﯩﻠﻰ 15 - ﺋﯩﻴﯘﻥ ﺭﻩﺳﻤﯩﻲ ﻗﯘﺭﯗﻟﻐﺎﻥ ﺑﻮﻟﯘﭖ، ﺑﻪﺯﯨﻠﻪﺭ ﺋﯘﻧﻰ ﺋﺎﺳﯩﻴﺎﺩﯨﻜﻰ ﺷﯩﻤﺎﻟﯩﻲ ﺋﺎﺗﻼﻧﺘﯩﻚ ﺋﻪﻫﺪﻯ ﺗﻪﺷﻜﯩﻼﺗﻰ ﺩﻩﭖ ﻗﺎﺭﺍﻳﺪﯨﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﻳﻪﻧﻪ ﺑﻪﺯﯨﻠﻪﺭ ﻫﺎﺯﯨﺮﭼﻪ ﺑﯘ ﺗﻪﺷﻜﯩﻼﺗﻨﯩﯔ ﺋﺎﺳﺎﺳﻠﯩﻖ ﻧﯩﺸﺎﻧﻰ ﺋﻮﺗﺘﯘﺭﺍ ﺋﺎﺳﯩﻴﺎﺩﺍ ﺳﯩﻴﺎﺳﯩﻲ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺋﯘﻳﻐﯘﺭﻻﺭﻧﻰ ﭼﻪﻛﻠﻪﺷﻜﻪ ﻗﺎﺭﯨﺘﯩﻠﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﻣﻪﻛﺘﻪ.