ﺋﺎﻣﯧﺮﯨﻜﺎ ﺋﺎﻟﻲ ﺳﻮﺕ ﻣﻪﻫﻜﯩﻤﯩﺴﻰ 6 ‏ - ﺋﺎﻳﺪﯨﻜﻰ ﻗﺎﺭﺍﺭﯨﺪﺍ ﮔﯜﻩﻧﺘﺎﻧﺎﻣﻮﺩﯨﻜﻰ ﺗﯘﺗﻘﯘﻧﻼﺭﻧﯩﯔ ﺋﺎﻣﯧﺮﯨﻜﺎ ﻓﯧﺪﯦﺮﺍﻝ ﺳﻮﺕ ﻣﻪﻫﻜﯩﻤﯩﻠﯩﺮﯨﮕﻪ ﺋﻪﺭﺯ ﻗﯩﻠﯩﺶ ﻫﻮﻗﯘﻗﻰ ﺑﺎﺭﻟﯩﻘﯩﻨﻰ ﻫﯚﻛﯜﻡ ﻗﯩﻠﻐﺎﻥ. ﺋﺎﻟﯩﻲ ﺳﻮﺗﻨﯩﯔ ﻣﻪﺯﻛﯘﺭ ﻗﺎﺭﺍﺭﯨﻐﺎ ﺋﺎﺳﺎﺳﻪﻥ ﯞﺍﺷﯩﻨﮕﺘﻮﻥ ﺭﺍﻳﻮﻧﯩﺪﯨﻜﻰ ﺑﯩﺮ ﻓﯧﺪﯦﺮﺍﻝ ﺋﻪﺭﺯﯨﻴﻪﺕ ﺳﻮﺗﻰ ﮔﯜﻩﻧﺘﺎﻧﺎﻣﻮﺩﯨﻜﻰ ﺋﯘﻳﻐﯘﺭ ﺗﯘﺗﻘﯘﻧﻰ ﭘﻪﺭﻫﺎﺕ ﺧﯘﺯﻩﻳﻔﺎﻧﯩﯔ ﺋﻪﺭﺯﯨﻨﻰ ﻛﯚﺭﯛﭖ ﭼﯩﻘﯩﭗ، ﮔﯜﻩﻧﺘﺎﻧﺎﻣﻮ ﻫﻪﺭﺑﯩﻲ ﻛﻮﻟﻠﯩﮕﯩﻴﯩﺴﯩﻨﯩﯔ ﺋﯘﻧﯩﯔ ﻫﻪﻗﻘﯩﺪﯨﻜﻰ ﻗﺎﺭﺍﺭﯨﻨﻰ ﺋﺎﻏﺪﯗﺭﻏﺎﻥ ﺋﯩﺪﻯ.

ﺋﻪﺭﺯﯨﻴﻪﺕ ﺳﻮﺗﻰ ﭘﻪﺭﻫﺎﺗﻨﻰ " ﺩﯛﺷﻤﻪﻥ ﺟﻪﯕﭽﯩﺴﻰ ﺋﻪﻣﻪﺱ،" ﺩﻩﭖ ﻗﺎﺭﯨﻐﺎﻥ ﺷﯘﻧﺪﺍﻗﻼ ﺋﯘﻧﯩﯔ ﻗﻮﻳﯘﭖ ﺑﯧﺮﯨﻠﯩﺸﯩﻨﻰ ﻳﺎﻛﻰ ﺑﺎﺷﻘﺎ ﺑﯩﺮ ﺟﺎﻳﻐﺎ ﺋﻮﺭﯗﻧﻼﺷﺘﯘﺭﯗﻟﯘﺷﯩﻨﻰ ﺗﻪﻟﻪﭖ ﻗﯩﻠﻐﺎﻥ ﺋﯩﺪﻯ. ﺋﺎﻟﯩﻲ ﺳﻮﺗﻨﯩﯔ ﺗﯘﺗﻘﯘﻧﻼﺭ ﻫﻮﻗﯘﻗﯩﻐﺎ ﺩﺍﺋﯩﺮ ﻗﺎﺭﺍﺭﻯ ﺑﯘﺵ ﻫﯚﻛﯜﻣﯩﺘﯩﺪﻩ ﮔﯜﻩﻧﺘﺎﻧﺎﻣﻮﺩﯨﻜﻰ 270 ﻧﻪﭘﻪﺭ ﺗﯘﺗﻘﯘﻧﻨﻰ ﻗﺎﻧﺪﺍﻕ ﺑﯩﺮ ﺗﻪﺭﻩﭖ ﻗﯩﻠﯩﺶ ﺗﻮﻏﺮﯨﺴﯩﺪﯨﻜﻰ ﻣﯘﻧﺎﺯﯨﺮﯨﮕﻪ ﺳﻪﯞﻩﺏ ﺑﻮﻟﺪﻯ.

ﺋﺎﻗﺴﺎﺭﺍﻳﻨﯩﯔ ﺑﺎﻳﺎﻧﺎﺗﭽﯩﺴﻰ ﺩﺍﻧﺎ ﭘﻪﺭﯨﻨﻮ ﺧﺎﻧﯩﻢ، ﭘﺮﯦﺰﯨﺪﯦﻨﺖ ﺑﯘﺷﻨﯩﯔ ﺋﺎﻟﯩﻲ ﺳﻮﺕ ﻗﺎﺭﺍﺭﯨﻐﺎ ﺑﻮﻟﻐﺎﻥ ﻧﺎﺭﺍﺯﯨﻠﯩﻘﯩﻨﻰ ﻣﯘﻧﺪﺍﻕ ﻳﻪﺗﻜﯜﺯﯛﺩﯗ، " ﻣﻪﻥ ﺷﯘﻧﻰ ﺋﯧﻴﺘﺎﻻﻳﻤﻪﻧﻜﻰ، ﺋﺎﺭﯨﻤﯩﺰﺩﺍ ﻫﯧﭽﻜﯩﻢ ﺧﺎﻟﯩﺪ ﺷﻪﻳﺦ ﻣﯘﻫﻪﻣﻤﻪﺗﻨﯩﯔ ﻣﻪﻫﻪﻟﻠﯩﻤﯩﺰﺩﻩ ﻛﯧﺘﯩﯟﺍﺗﻘﺎﻧﻠﯩﻘﯩﻨﻰ ﻛﯚﺭﯛﺷﻨﻰ ﺧﺎﻟﯩﻤﺎﻳﺪﯗ". ﺧﺎﻟﯩﺪ ﺷﻪﻳﺦ ﻣﯘﻫﻪﻣﻤﻪﺩ ﮔﯜﻩﻧﺘﺎﻧﺎﻣﻮﺩﯨﻜﻰ ﺋﻪﯓ ﺧﻪﺗﻪﺭﻟﯩﻚ ﺋﯘﻧﺴﯜﺭﻻﺭﻧﯩﯔ ﺑﯩﺮﻯ، ﺩﻩﭖ ﻗﺎﺭﯨﻠﯩﯟﺍﺗﻘﺎﻥ ﻛﯩﺸﻰ ﺑﻮﻟﯘﭖ، ﺗﯧﮕﻰ ‏ - ﺗﻪﻛﺘﻰ ﻳﻪﻣﻪﻧﻠﯩﻚ ﺑﯘ ﺗﯘﺗﻘﯘﻥ 11 ‏ - ﺳﯧﻨﺘﻪﺑﯩﺮ ﯞﻩﻗﻪﺳﯩﻨﯩﯔ ﭘﯩﻼﻧﻠﯩﻐﯘﭼﯩﺴﻰ، ﺩﻩﭖ ﻗﺎﺭﺍﻟﻤﺎﻗﺘﺎ.

ﺋﺎﻣﯧﺮﯨﻜﺎ ﻓﯧﺪﯦﺮﺍﻝ ﺋﻪﺭﺯﯨﻴﻪﺕ ﺳﻮﺗﻰ " ﭘﻪﺭﻫﺎﺕ - ﮔﯧﻴﺘﯩﺲ" ﺋﻪﺭﺯﯨﺪﻩ ﭘﻪﺭﻫﺎﺗﻨﻰ ﻗﻮﻳﯘﭖ ﺑﯧﺮﯨﺸﻜﻪ ﺑﯘﻳﺮﯨﻐﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﺋﯘﻧﻰ ﻗﻪﻳﻪﺭﮔﻪ ﻗﻮﻳﯘﭖ ﺑﯧﺮﯨﺸﻨﻰ ﺗﯩﻠﻐﺎ ﺋﺎﻟﻤﯩﻐﺎﻥ. ﺋﯘﻧﯩﯔ ﻗﻪﻳﻪﺭﮔﻪ ﻗﻮﻳﯘﭖ ﺑﯧﺮﯨﻠﯩﺸﻰ ﻳﻪﻧﯩﻼ ﻫﯚﻛﯜﻣﻪﺗﻨﯩﯔ ﺋﯩﺨﺘﯩﻴﺎﺭﯨﺪﯨﻜﻰ ﻣﻪﺳﯩﻠﻪ ﺋﯩﻜﻪﻧﻠﯩﻜﻰ ﺋﯩﻠﮕﯩﺮﻯ ﺳﯜﺭﯛﻟﮕﻪﻥ.