ﺋﯩﮕﯩﻠﯩﺸﯩﻤﯩﺰﮔﻪ ﻗﺎﺭﯨﻐﺎﻧﺪﺍ ﺧﯩﺘﺎﻱ، ﺭﯗﺳﯩﻴﻪ، ﻫﯩﻨﺪﻭﻧﯧﺰﯨﻴﻪ ﯞﻩ ﯞﯦﻴﺘﻨﺎﻣﻼﺭ ﻣﻪﺯﻛﯘﺭ ﻻﻳﯩﻬﯩﻨﯩﯔ ﺧﻪﯞﭘﺴﯩﺰﻟﯩﻚ ﻛﯧﯖﯩﺸﯩﺪﻩ ﻣﯘﺯﺍﻛﯩﺮﻩ ﻗﯩﻠﯩﻨﯩﺸﯩﻨﻰ ﺑﻪﻙ ﺗﻮﻏﺮﺍ ﺗﺎﭘﻤﺎﻱ ﺋﯚﺯ ﭘﯩﻜﺮﯨﺪﻩ ﻗﺎﻟﻐﺎﻥ، ﻟﯧﻜﯩﻦ ﺋﺎﻣﯧﺮﯨﻜﯩﻨﯩﯔ ﻗﻮﻟﻠﯩﺸﯩﺪﯨﻜﻰ ﻣﻪﺯﻛﯘﺭ ﻻﻳﯩﻬﻪ ﺋﺎﯞﺍﺯﻏﺎ ﻗﻮﻳﯘﻟﻐﺎﻧﺪﺍ ﻛﯧﯖﻪﺷﺘﯩﻜﻰ 15 ﺩﯙﻟﻪﺗﻨﯩﯔ ﻫﻪﻣﻤﯩﺴﻰ ﻗﻮﻟﻼﭖ ﺑﯩﻠﻪﺕ ﺗﺎﺷﻠﯩﻐﺎﻥ.

ﺏ ﺩ ﺕ ﺑﺎﺵ ﻛﺎﺗﯩﭙﻰ ﺑﺎﻥ ﻛﯩﻤﯘﻥ، ﺋﺎﻳﺎﻟﻼﺭﻏﺎ ﻗﺎﺭﯨﺘﯩﻠﻐﺎﻥ ﺯﻭﺭﺍﯞﺍﻧﻠﯩﻘﻨﯩﯔ ﺗﻮﻗﯘﻧﯘﺷﺘﯩﻦ ﻛﯧﻴﯩﻦ ﺋﻪﺳﻠﯩﮕﻪ ﻛﯧﻠﯩﺶ ﺑﺎﺳﻘﯘﭼﯩﺪﺍ ﺗﯘﺭﯗﯞﺍﺗﻘﺎﻥ ﺩﯙﻟﻪﺗﻠﻪﺭﺩﻩ "ﺋﯩﭙﺎﺩﯨﻠﯩﮕﯜﺳﯩﺰ ﺩﻩﺭﯨﺠﯩﺪﻩ " ﺋﯧﻐﯩﺮ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ. ﺏ ﺩ ﺕ ﻧﯩﯔ ﻛﯧﻠﻪﺭ ﺋﺎﻱ ﺋﯧﻼﻥ ﻗﯩﻠﯩﺪﯨﻐﺎﻥ ﺗﻪﻛﺸﯜﺭﯛﺵ ﺩﻭﻛﻼﺗﻰ ﺑﺎﺳﻘﯘﻧﭽﯩﻠﯩﻖ ﻣﻪﺳﯩﻠﯩﺴﯩﮕﻪ ﺑﯧﻐﯩﺸﻼﻧﻐﺎﻥ ﺑﻮﻟﯘﭖ، ﺩﻭﻛﻼﺗﺘﺎ ﺑﺎﺳﻘﯘﻧﭽﯩﻠﯩﻘﻘﺎ ﻗﺎﻧﺪﺍﻕ ﺗﺎﻗﺎﺑﯩﻞ ﺗﯘﺭﯗﺵ ﻣﻪﺳﯩﻠﯩﺴﻰ ﺋﻮﺗﺘﯘﺭﯨﻐﺎ ﻗﻮﻳﯩﻠﯩﺪﯗ. ﻛﯩﺸﯩﻠﯩﻚ ﻫﻮﻗﯘﻗﻰ ﺗﻪﺷﻜﯩﻼﺗﻠﯩﺮﻯ ﺧﻪﯞﭘﺴﯩﺰﻟﯩﻚ ﻛﯧﯖﯩﺸﯩﻨﯩﯔ ﻣﻪﺯﻛﯘﺭ ﻗﺎﺭﺍﺭﯨﻨﻰ ﺗﺎﺭﯨﺨﯩﻲ ﺋﻪﻫﻤﯩﻴﻪﺗﻜﻪ ﺋﯩﮕﻪ، ﺩﻩﭖ ﻗﺎﺭﯨﻤﺎﻗﺘﺎ.

ﻗﺎﺭﺍﺭ ﻻﻳﯩﻬﯩﺴﯩﺪﻩ ﻣﯘﻧﺪﺍﻕ ﺩﻩﻳﺪﯗ،" ﺟﯩﻨﺴﯩﻲ ﺯﻭﺭﺍﯞﺍﻧﻠﯩﻖ ﺋﯘﺭﯗﺵ ﺟﻪﺭﻳﺎﻧﯩﺪﯨﻜﻰ ﺑﯩﺮ ﺗﺎﻛﺘﯩﻜﺎ. ﺋﯘﻧﯩﯔ ﻣﻪﻗﺴﯩﺘﻰ ﻗﺎﺭﺷﻰ ﺗﻪﺭﻩﭘﻨﯩﯔ ﺭﻭﻫﯩﻨﻰ ﺳﯘﻧﺪﯗﺭﯗﺵ، ﺑﻮﻳﺴﯘﻧﺪﯗﺭﯗﺵ، ﻗﻮﺭﻗﯘﺗﯘﺵ، ﻗﺎﭼﯘﺭﯗﺵ، ﻣﻪﻟﯘﻡ ﺑﯩﺮ ﺋﯧﺘﻨﯩﻚ ﮔﯘﺭﯗﭘﭙﺎ ﻳﺎﻛﻰ ﻣﯩﻠﻠﯩﻲ ﻗﻪﯞﻣﻨﻰ ﺑﺎﺷﻘﺎ ﺟﺎﻳﻐﺎ ﻛﯚﭼﯜﺷﻜﻪ ﻣﻪﺟﺒﯘﺭﻻﺷﺘﯘﺭ". ﺑﺎﻥ ﻛﯩﻤﯘﻥ، " ﺋﺎﻳﺎﻟﻼﺭ ﯞﻩ ﻗﯩﺰﻻﺭﻏﺎ ﻗﺎﺭﯨﺘﯩﻠﻐﺎﻥ ﺑﯘ 'ﺳﺎﺩﺍﺳﯩﺰ ﺋﯘﺭﯗﺵ'ﻗﺎ ﻗﺎﻧﺪﺍﻕ ﺗﺎﻗﺎﺑﯩﻞ ﺗﯘﺭﯗﺷﺘﺎ ﺩﯙﻟﻪﺗﻠﻪﺭﻧﯩﯔ ﻛﯜﭺ ﭼﯩﻘﯩﺮﯨﺸﯩﻐﺎ ﺗﻮﻏﺮﺍ ﻛﯧﻠﯩﺪﯗ " ﺩﻩﭖ ﻛﯚﺭﺳﻪﺗﺘﻰ.

ﺏ ﺩ ﺕ ﻗﺎﺭﺍﺭ ﻻﻳﯩﻬﯩﺴﯩﺪﻩ ﻳﻪﻧﻪ، ﺟﯩﻨﺴﯩﻲ ﺯﻭﺭﺍﯞﺍﻧﻠﯩﻘﻨﯩﯔ " ﻗﻮﺭﺍﻟﻠﯩﻖ ﺗﻮﻗﯘﻧﯘﺷﻨﻰ ﻛﯜﭼﻪﻳﺘﯩﭙﻼ ﻗﺎﻟﻤﺎﻱ، ﺧﻪﻟﻘﺌﺎﺭﺍ ﺑﯩﺨﻪﺗﻪﺭﻟﯩﻚ ﯞﻩ ﺗﯩﻨﭽﻠﯩﻘﻨﯩﯔ ﺋﻪﺳﻠﯩﮕﻪ ﻛﯧﻠﯩﺸﯩﮕﻪ ﺗﻮﺳﺎﻟﻐﯘ ﺑﻮﻟﯩﺪﯨﻐﺎﻧﻠﯩﻘﻰ" ﻧﻰ ﺗﻪﻛﯩﺘﻠﯩﮕﻪﻥ.