ﺧﻪﯞﻩﺭﻟﻪﺭﮔﻪ ﻗﺎﺭﯨﻐﺎﻧﺪﺍ، ﺧﯩﺘﺎﻱ ﺩﺍﺋﯩﺮﯨﻠﯩﺮﻯ، ﺧﯩﺘﺎﻳﺪﺍ ﺯﯨﻴﺎﺭﻩﺗﺘﻪ ﺑﻮﻟﯘﯞﺍﺗﻘﺎﻥ ﻓﺮﺍﻧﻚ ﯞﻭﻟﻒ ﯞﻩ ﻛﯩﺮﺳﺘﻮﻓﯧﺮ ﺳﯩﻤﯩﺘﻨﯩﯔ ﺧﯩﺘﺎﻱ ﻛﯩﺸﯩﻠﯩﻚ ﻫﻮﻗﯘﻕ ﭘﺎﺋﺎﻟﯩﻴﻪﺗﭽﯩﻠﯩﺮﻯ ﺑﯩﻠﻪﻥ ﺋﯘﭼﺮﯨﺸﯩﺸﯩﻐﺎ ﺗﻮﺳﻘﯘﻧﻠﯘﻕ ﻗﯩﻠﻐﺎﻥ.

ﻓﺮﺍﻧﻚ ﯞﻭﻟﻒ ﯞﻩ ﻛﯩﺮﺳﺘﻮﻓﯧﺮ ﺳﻪﻳﺸﻪﻧﺒﻪ ﻛﯜﻧﻰ ﺑﯧﻴﺠﯩﯖﺪﯨﻜﻰ ﺋﺎﻣﯧﺮﯨﻜﺎ ﺋﻪﻟﭽﯩﺨﺎﻧﯩﺴﯩﺪﺍ ﺋﯚﺗﻜﯜﺯﯛﻟﮕﻪﻥ ﻣﯘﺧﺒﯩﺮﻻﺭﻧﻰ ﻛﯜﺗﯩﯟﯦﻠﯩﺶ ﻳﯩﻐﯩﻨﯩﺪﺍ ﺑﻪﺭﮔﻪﻥ ﺑﺎﻳﺎﻧﺎﺗﯩﺪﺍ، " ﺑﯘ ﯞﻩﻗﻪ ﯞﻩ ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺗﻪﺭﯨﭙﯩﺪﯨﻦ ﺑﯧﻴﺠﯩﯔ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﻰ ﻫﺎﺭﭘﯩﺴﯩﺪﺍ ﺋﯧﻠﯩﻨﻐﺎﻥ ﺑﺎﺷﻘﺎ ﺗﻪﺩﺑﯩﺮﻟﻪﺭ، ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﯩﻨﯩﯔ ﻛﻪﯓ ﻛﯚﻟﻪﻣﻠﯩﻚ ﺑﺎﺳﺘﯘﺭﯗﺵ ﻫﻪﺭﯨﻜﯩﺘﯩﮕﻪ ﺳﻪﯞﻩﺏ ﺑﻮﻟﻐﺎﻧﻠﯩﻘﯩﻨﻰ ﻛﯚﺭﺳﯩﺘﯩﺪﯗ" ﺩﯦﮕﻪﻥ.

ﺭﻭﻳﺘﯧﺮﯨﺲ ﺋﺎﮔﯧﻨﺘﻠﯩﻘﯩﻨﯩﯔ ﺑﯧﻴﺠﯩﯖﺪﯨﻦ ﺧﻪﯞﻩﺭ ﻗﯩﻠﯩﺸﯩﭽﻪ، ﺋﯘﺯﯗﻧﺪﯨﻦ ﺑﯧﺮﻯ ﺧﯩﺘﺎﻳﺪﯨﻜﻰ ﻛﯩﺸﯩﻠﯩﻚ ﻫﻮﻗﯘﻕ ﻣﻪﺳﯩﻠﯩﺴﯩﮕﻪ، ﺑﻮﻟﯘﭘﻤﯘ ﺋﯘﻳﻐﯘﺭﻻﺭ ﯞﻩ ﺗﯩﺒﻪﺕ ﻣﻪﺳﯩﻠﺴﯩﮕﻪ ﻛﯚﯕﯜﻝ ﺑﯚﻟﯜﭖ ﻛﯧﻠﯩﯟﺍﺗﻘﺎﻥ ﻓﺮﺍﻧﻚ ﯞﻭﻟﻒ ﯞﻩ ﻛﺮﯨﺴﺘﻮﻓﯧﺮ ﺳﯩﻤﯩﺖ ﺧﯩﺘﺎﻱ ﻫﯚﻛﯜﻣﻪﺕ ﺭﻩﻫﺒﻪﺭﻟﯩﺮﻯ ﺑﯩﻠﻪﻥ ﺋﯧﻠﯩﭗ ﺑﯧﺮﯨﻠﻐﺎﻥ ﺳﯚﻫﺒﻪﺗﻠﻪﺭ ﺟﻪﺭﻳﺎﻧﯩﺪﺍ، 734 ﻣﻪﻫﺒﯘﺳﻨﯩﯔ ﺗﯩﺰﯨﻤﻠﯩﻜﯩﻨﻰ ﺳﯘﻧﯘﭖ، ﺧﯩﺘﺎﻱ ﺩﺍﺋﯩﺮﯨﻠﯩﺮﯨﺪﯨﻦ ﺗﯜﺭﻣﯩﺪﻩ ﻳﯧﺘﯩﯟﺍﺗﻘﺎﻥ ﻣﻪﺯﻛﯘﺭ ﺳﯩﻴﺎﺳﯩﻲ ﯞﻩ ﺩﯨﻨﯩﻲ ﭘﺎﺋﺎﻟﯩﻴﻪﺗﭽﯩﻠﻪﺭﻧﯩﯔ ﻗﻮﻳﯘﭖ ﺑﯧﺮﯨﻠﯩﺸﯩﻨﻰ ﺗﻪﻟﻪﭖ ﻗﯩﻠﻐﺎﻥ.

ﻫﻪﺭ ﺋﯩﻜﻜﯩﺴﻰ ﺟﯘﻣﻬﯘﺭﯨﻴﻪﺗﭽﻰ ﺑﻮﻟﻐﺎﻥ ﻓﺮﺍﻧﻚ ﯞﻭﻟﻒ ﯞﻩ ﻛﯩﺮﯨﺴﺘﻮﻓﯧﺮ ﺳﯩﻤﯩﺖ ﻣﯘﺧﺒﯩﺮﻻﺭﻧﻰ ﻛﯜﺗﯜﯞﯦﻠﯩﺶ ﻳﯩﻐﯩﻨﯩﺪﺍ ﺑﻪﺭﮔﻪﻥ ﺑﺎﻳﺎﻧﺎﺗﯩﺪﺍ، ﺋﯩﺴﯩﻢ ﺗﯩﺰﯨﻤﻠﯩﻜﻰ ﻣﯘﻧﺎﺳﯩﯟﻩﺗﻠﯩﻚ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﮕﻪ ﺳﯘﻧﯘﻟﻐﺎﻥ ﻣﻪﺯﻛﯘﺭ ﺳﯩﻴﺎﺳﯩﻲ ﯞﻩ ﺩﯨﻨﯩﻲ ﻣﻪﻫﺒﯘﺳﻼﺭﻧﯩﯔ ﺋﻪﻫﯟﺍﻟﯩﺪﺍ ﺑﯩﺮ ﺋﯚﺯﮔﯩﺮﯨﺶ ﺑﻮﻟﻤﯩﻐﯩﭽﻪ، ﭘﺮﯦﺰﯨﺪﯦﻨﺖ ﺑﯘﺵ ﺑﯧﻴﺠﯩﯔ ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﯩﻐﺎ ﻗﺎﺗﻨﺎﺷﻤﺎﺳﻠﯩﻘﻰ ﻛﯧﺮﻩﻙ، ﺩﯦﮕﻪﻥ.