ﺋﺎﻗﺴﺎﺭﺍﻳﻨﯩﯔ ﺑﺎﻳﺎﻧﺎﺗﭽﯩﺴﻰ ﺩﺍﻧﺎ ﭘﻪﺭﯨﻨﻮ ﭘﻪﻳﺸﻪﻧﺒﻪ ﻛﯜﻧﻰ ﺋﺎﺧﺒﺎﺭﺍﺕ ﻳﯩﻐﯩﻨﯩﺪﺍ ﻣﯘﻧﺪﺍﻕ ﺩﻩﻳﺪﯗ " ﻣﻪﻥ ﭘﺮﯦﺰﯨﺪﯦﻨﺘﻨﯩﯔ ﯞﺍﻗﯩﺖ ﺟﻪﺩﯨﯟﯨﻠﯩﻨﻰ ﺋﯧﻼﻥ ﻗﯩﻼﻟﻤﺎﻳﻤﻪﻥ. ﻟﯧﻜﯩﻦ ﺋﯘ ﺋﻮﻟﯩﻤﭙﯩﻚ ﻳﯩﻐﯩﻨﯩﻐﺎ ﺑﺎﺭﯨﺪﯗ ﺷﯘﻧﺪﺍﻗﻼ ﻣﻪﻥ ﻳﻪﻧﻪ ﺑﯘ ﺳﻪﭘﻪﺭ ﺋﻮﻟﯩﻤﭙﯩﻚ ﻳﯩﻐﯩﻨﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻐﺎ ﻗﺎﺗﻨﯩﺸﯩﺸﻨﻰ ﺋﯚﺯ ﺋﯩﭽﯩﮕﻪ ﺋﺎﻟﯩﺪﯨﻐﺎﻧﺪﯗ، ﺩﻩﭖ ﺋﻮﻳﻼﻳﻤﻪﻥ".

ﭘﺮﯦﺰﯨﺪﯦﻨﺖ ﺑﯘﺵ ﺋﻮﻟﯩﻤﭙﯩﻚ ﻳﯩﻐﯩﻨﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻐﺎ ﻗﺎﺗﻨﯩﺸﯩﺸﻨﻰ ﺑﺎﻳﻘﯘﺕ ﻗﯩﻠﯩﺶ ﻫﻪﻗﻘﯩﺪﯨﻜﻰ ﭼﺎﻗﯩﺮﯨﻘﻼﺭﻧﻰ ﺭﻩﺕ ﻗﯩﻠﯩﭗ ﻛﻪﻟﻤﻪﻛﺘﻪ ﺋﯩﺪﻯ. ﺋﺎﻟﺪﯨﻨﻘﻰ ﻛﯜﻧﻰ ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﻰ ﺋﺎﯞﺍﻡ ﭘﺎﻻﺗﺎﺳﯩﻨﯩﯔ ﺋﯘﻳﻐﯘﺭ ﯞﻩ ﺗﯩﺒﻪﺕ ﻣﻪﺳﯩﻠﯩﻠﯩﺮﯨﮕﻪ ﻛﯚﯕﯜﻝ ﺑﯚﻟﯜﺵ ﺑﯩﻠﻪﻥ ﺗﻮﻧﯘﻟﻐﺎﻥ ﺋﻪﺯﺍﻟﯩﺮﯨﺪﯨﻦ ﻓﺮﺍﻧﻚ ﯞﻭﻟﻒ ﺑﯩﻠﻪﻥ ﻛﺮﯨﺴﺘﻮﻓﯩﺮ ﺳﯩﻤﯩﺖ ﺑﯧﻴﺠﯩﯖﺪﺍ ﺋﺎﺧﺒﺎﺭﺍﺕ ﺋﯧﻼﻥ ﻗﯩﻠﯩﭗ، ﭘﺮﯦﺰﯨﺪﯦﻨﺖ ﺑﯘﺷﻨﯩﯔ ﺋﻮﻟﯩﻤﭙﯩﻚ ﻳﯩﻐﯩﻨﯩﻐﺎ ﻗﺎﺗﻨﺎﺷﻤﺎﺳﻠﯩﻘﯩﻨﻰ ﺗﻪﻟﻪﭖ ﻗﯩﻠﻐﺎﻥ.

ﺩﺍﻧﺎ ﭘﻪﺭﯨﻨﻮ، ﭘﺮﯦﺰﯨﺪﯦﻨﺖ ﺑﯘﺵ ﺧﯩﺘﺎﻳﻨﯩﯔ ﺩﺍﻻﻱ ﻻﻣﺎﻧﯩﯔ ﯞﻩﻛﯩﻠﻠﯩﺮﻯ ﺑﯩﻠﻪﻥ ﺳﯚﻫﺒﻪﺕ ﺋﯚﺗﻜﯜﺯﮔﻪﻧﻠﯩﻜﯩﺪﯨﻦ ﻣﻪﻣﻨﯘﻥ ﺑﻮﻟﻐﺎﻧﻠﯩﻘﻰ، ﻟﯧﻜﯩﻦ ﭘﺮﯦﺰﯨﺪﯦﻨﺘﻨﯩﯔ ﺋﻮﻟﯩﻤﭙﯩﻚ ﻣﯘﺭﺍﺳﯩﻤﯩﻐﺎ ﻗﺎﺗﻨﯩﺸﯩﺸﻰ ﺑﯘﻧﯩﯔ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ ﺋﻪﻣﻪﺳﻠﯩﻜﯩﻨﻰ ﺋﻪﺳﻜﻪﺭﺗﺘﻰ. ﭘﻪﺭﯨﻨﻮ " ﺋﯘ ﺧﯩﺘﺎﻱ ﺳﻪﭘﯩﺮﯨﻨﯩﯔ ﺋﺎﻟﺪﻯ ﺑﯩﻠﻪﻥ ﺷﯘﻧﺪﺍﻗﻼ ﺋﻪﯓ ﻣﯘﻫﯩﻤﻰ ، ﺑﯩﺰﻧﯩﯔ ﺗﻪﻧﺘﻪﺭﺑﯩﻴﯩﭽﯩﻠﯩﺮﯨﻤﯩﺰﮔﻪ ﻣﻪﺩﻩﺕ ﺑﯧﺮﯨﺶ ﺋﯩﻜﻪﻧﻠﯩﻜﯩﮕﻪ ﺋﯩﺸﯩﻨﯩﺪﯗ. ﺋﯘﻧﯩﯔ ﺋﯜﭼﯜﻥ ﺑﯘ ﺳﻪﭘﻪﺭ ﻣﯘﺳﺎﺑﯩﻘﯩﻨﻰ ﻗﻮﻟﻼﺷﺘﯘﺭ " ﺩﻩﭖ ﻛﯚﺭﺳﻪﺗﺘﻰ.

 ﻟﯧﻜﯩﻦ ﭘﻪﺭﯨﻨﻮ، ﺑﯘﺷﻨﯩﯔ ﺋﺎﻟﺪﯨﻤﯩﺰﺩﯨﻜﻰ ﻫﻪﭘﺘﻪ ﻳﺎﭘﻮﻧﯩﻴﯩﺪﻩ ﮒ - 8 ﻟﻪﺭ ﻳﯩﻐﯩﻨﯩﻐﺎ ﻗﺎﺗﻨﯩﺸﯩﭗ، ﺧﯘ ﺟﯩﻨﺘﺎﯞ ﺑﯩﻠﻪﻥ ﻛﯚﺭﯛﺷﻜﻪﻧﺪﻩ ﺋﻮﺗﺘﯘﺭﯨﻐﺎ ﻗﻮﻳﯩﺪﯨﻐﺎﻥ ﻛﯩﺸﯩﻠﯩﻚ ﻫﻮﻗﯘﻕ، ﺩﯨﻨﯩﻲ ﺋﻪﺭﻛﯩﻨﻠﯩﻜﻜﻪ ﺩﺍﺋﯩﺮ ﺑﻪﺯﻯ ﻣﯘﻫﯩﻢ ﻣﻪﺳﯩﻠﯩﻠﻪﺭﻧﻰ، ﺋﻮﻟﯩﻤﭙﯩﻚ ﻣﯘﺭﺍﺳﯩﻤﯩﻐﺎ ﻗﺎﺗﻨﯩﺸﯩﺸﻘﺎ ﺑﺎﺭﻏﺎﻧﺪﺍ ﻳﻪﻧﻪ ﺋﻮﺗﺘﯘﺭﯨﻐﺎ ﻗﻮﻳﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.