ﺩﯦﻚ ﭼﻪﻳﻨﯩﻲ ﮔﺮﻭﺯﯨﻴﯩﻨﯩﯔ ﭘﺮﯦﺰﯨﺪﯦﻨﺘﻰ ﺳﺎﻛﺎﺷﯩﯟﯦﻠﻰ ﺑﯩﻠﻪﻥ ﺑﯩﺮﻟﯩﻜﺘﻪ ﮔﺮﻭﺯﯨﻴﯩﻨﯩﯔ ﭘﺎﻳﺘﻪﺧﺘﻰ ﺗﯩﺒﻠﯩﺲ ﺷﻪﻫﯩﺮﯨﺪﻩ ﺋﯚﺗﻜﯜﺯﮔﻪﻥ ﻣﯘﺧﺒﯩﺮﻻﺭﻧﻰ ﻛﯜﺗﯜﯞﯦﻠﯩﺶ ﻳﯩﻐﯩﻨﯩﺪﺍ ﺑﻪﺭﮔﻪﻥ ﺑﺎﻳﺎﻧﺎﺗﯩﺪﺍ، ﺭﯗﺳﯩﻴﯩﻨﯩﯔ ﮔﺮﯗﺯﯨﻴﯩﮕﻪ ﻗﺎﺭﺍﺗﻘﺎﻥ ﺋﯩﺸﻐﺎﻝ ﻫﻪﺭﯨﻜﯩﺘﯩﻨﯩﯔ ﺭﯗﺳﯩﻴﯩﻨﯩﯔ ﻣﻪﻗﺴﻪﺗﻠﯩﺮﻯ ﻫﻪﻣﺪﻩ ﺭﯗﺳﯩﻴﯩﻨﯩﯔ ﺋﯩﺸﻪﻧﭽﻠﯩﻜﻠﯩﻜﻰ ﻫﻪﻗﻘﯩﺪﻩ ﺷﯜﺑﻬﻪ ﭘﻪﻳﺪﺍ ﻗﯩﻠﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺑﺎﻳﺎﻧﺎﺗﯩﺪﺍ، 2003 ﻳﯩﻠﻰ ﮔﺮﻭﺯﯨﻴﯩﺪﻩ ﺩﯦﻤﻮﻛﺮﺍﺗﯩﻴﻪ ﻏﻪﻟﯩﺒﻪ ﻗﯩﻠﯩﺸﻰ ﺑﯩﻠﻪﻥ ﺋﺎﻣﯧﺮﯨﻜﯩﻨﯩﯔ ﺑﯘ ﻳﯧﯖﻰ ﺩﯦﻤﻮﻛﺮﺍﺗﯩﻚ ﺩﯙﻟﻪﺗﻜﻪ ﻳﺎﺭﺩﻩﻡ ﻗﻮﻟﯩﻨﻰ ﺋﯘﺯﺍﺗﻘﺎﻧﻠﯩﻘﯩﻨﻰ ﺗﻪﻛﯩﺘﻠﻪﭖ، " ﺑﯩﺰ ﺑﯘ ﻗﯧﺘﯩﻢ ﺳﯩﻠﻪﺭﻧﯩﯔ ﺋﯩﮕﯩﻠﯩﻚ ﻫﻮﻗﯘﻗﯩﯖﻼﺭﻏﺎ ﻗﺎﺭﯨﺘﯩﻠﻐﺎﻥ ﻗﺎﻧﯘﻧﺴﯩﺰ ﺋﯩﺸﻐﺎﻝ ﻫﻪﺭﯨﻜﯩﺘﯩﮕﻪ ﺳﯩﻠﻪﺭ ﺑﯩﻠﻪﻥ ﺑﯩﺮﻟﯩﻜﺘﻪ ﻗﺎﺭﺷﻰ ﺗﯘﺭﯨﻤﯩﺰ" ﺩﯦﺪﻯ.

ﺑﺎﻳﺎﻧﺎﺗﯩﺪﺍ، ﭼﺎﺭﺷﻪﻧﺒﻪ ﻛﯜﻧﻰ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ ﺗﻪﺭﯨﭙﯩﺪﯨﻦ ﺋﯧﻼﻥ ﻗﯩﻠﯩﻨﻐﺎﻥ ﺑﯩﺮ ﻣﯩﻠﻴﺎﺭﺩ ﺩﻭﻟﻼﺭﻟﯩﻖ ﻳﺎﺭﺩﻩﻣﻨﯩﯔ ﺋﺎﻣﯧﺮﯨﻜﯩﻨﯩﯔ ﮔﺮﯗﺯﯨﻴﯩﮕﻪ ﺑﯧﺮﯨﺪﯨﻐﺎﻥ ﻳﺎﺭﺩﯨﻤﯩﻨﯩﯔ ﭘﻪﻗﻪﺕ ﺑﯩﺮ ﻗﯩﺴﯩﻤﻰ ﺋﯩﻜﻪﻧﻠﯩﻜﯩﻨﻰ ﺋﻪﺳﻜﻪﺭﺗﻜﻪﻥ ﺋﺎﻣﯧﺮﯨﻜﺎ ﻣﯘﺋﺎﯞﯨﻦ ﭘﺮﯦﺰﯨﺪﯦﻨﺘﻰ ﺩﯦﻚ ﭼﻪﻳﻨﯩﻲ، "ﺷﯩﻤﺎﻟﯩﻲ ﺋﺎﺗﻼﻧﺘﯩﻚ ﺋﻮﻛﻴﺎﻥ ﺋﻪﻫﺪﻯ ﺗﻪﺷﻜﯩﻼﺗﯩﻨﯩﯔ ﺋﻪﺯﺍﻟﯩﺮﻯ ﺋﯚﺯﻟﯩﺮﯨﻨﯩﯔ ﺑﯘﺧﺎﺭﯦﺴﺖ ﺷﻪﻫﯩﺮﯨﺪﻩ ﺋﯚﺗﻜﯜﺯﮔﻪﻥ ﺋﺎﻟﯩﻲ ﺩﻩﺭﯨﺠﯩﻠﯩﻚ ﻳﯩﻐﯩﻨﯩﺪﺍ ﺋﯧﻼﻥ ﻗﯩﻠﻐﯩﻨﯩﺪﻩﻙ ﮔﺮﯗﺯﯨﻴﯩﻨﻰ ﭼﻮﻗﯘﻡ ﺷﯩﻤﺎﻟﯩﻲ ﺋﺎﺗﻼﻧﺘﯩﻚ ﺋﻮﻛﻴﺎﻥ ﺋﻪﻫﺪﻯ ﺗﻪﺷﻜﯩﻼﺗﯩﻨﯩﯔ ﺋﻪﺯﺍﻟﯩﻘﯩﻐﺎ ﻗﻮﺑﯘﻝ ﻗﯩﻠﯩﺪﯗ ﯞﻩ ﮔﺮﻭﺯﯨﻴﻪ ﺑﯩﺰﮔﻪ ﺋﯩﺘﺘﯩﭙﺎﻗﺪﺍﺵ ﺩﯙﻟﻪﺗﻠﻪﺭ ﺳﯧﭙﯩﮕﻪ ﻛﯩﺮﯨﺪﯗ " ﺩﯦﺪﻯ.

ﮔﺮﻭﺯﯨﻴﻪ ﺋﺎﻣﯧﺮﯨﻜﺎ ﻣﯘﺋﺎﯞﯨﻦ ﭘﺮﯦﺰﯨﺪﯦﻨﺘﻰ ﺩﯦﻚ ﭼﻪﻳﻨﯩﻨﯩﯔ ﺳﺎﺑﯩﻖ ﺳﻮﯞﯨﺖ ﺟﯘﻣﻬﯘﺭﯨﻴﻪﺗﻠﯩﺮﻯ ﯞﻩ ﺷﻪﺭﻗﯩﻲ ﻳﺎﯞﺭﯗﭘﺎ ﺩﯙﻟﻪﺗﻠﯩﺮﯨﮕﻪ ﻗﺎﺭﺍﺗﻘﺎﻥ ﺯﯨﻴﺎﺭﯨﺘﯩﻨﯩﯔ ﺋﯩﻜﻜﯩﻨﭽﻰ ﺑﺎﺳﻘﯘﭼﻰ ﺋﯩﺪﻯ. ﭼﻪﻳﻨﯩﻲ ﮔﺮﯗﺯﯨﻴﯩﺪﯨﻦ ﺑﯘﺭﯗﻥ ﺋﻪﺯﻩﺭﺑﻪﻳﺠﺎﻧﻨﻰ ﺯﯨﻴﺎﺭﻩﺕ ﻗﯩﻠﺪﻯ.