ﺩﯗﻧﻴﺎ ﺳﻪﻫﯩﻴﻪ ﺗﻪﺷﻜﯩﻼﺗﯩﻨﯩﯔ ﻣﻪﺯﻛﯘﺭ ﻣﻪﺳﯩﻠﯩﮕﻪ ﻣﻪﺳﺌﯘﻝ ﻛﻮﻣﯩﺘﯧﺘﯩﻨﯩﯔ ﺑﯘ ﻫﻪﻗﺘﻪ ﺋﯧﻼﻥ ﻗﯩﻠﻐﺎﻥ ﺩﻭﻛﻼﺗﯩﺪﺍ، ﺑﯩﺮ ﺩﯙﻟﻪﺗﻨﯩﯔ ﻗﯘﺩﺭﻩﺕ ﺗﯧﭙﯩﺸﯩﺪﺍ ﺷﯘ ﺩﯙﻟﻪﺕ ﺋﺎﻫﺎﻟﯩﺴﯩﻨﯩﯔ ﺳﺎﻏﻼﻡ ﺑﻮﻟﯘﺷﻰ ﻣﯘﻫﯩﻢ ﺋﺎﻣﯩﻞ ﺋﯩﻜﻪﻧﻠﯩﻜﻰ، ﺟﻪﻣﺌﯩﻴﻪﺕ ﺑﺎﺭﺍﯞﻩﺭﻟﯩﻜﻰ ﻣﻪﺳﯩﻠﯩﺴﯩﻨﯩﯖﻤﯘ ﺑﯘﻧﯩﯖﻐﺎ ﺗﻪﺳﯩﺮ ﻛﯚﺭﺳﯩﺘﯩﺪﯨﻐﺎﻥ ﻳﻪﻧﻪ ﺑﯩﺮ ﻫﻪﻝ ﻗﯩﻠﻐﯘﭺ ﺋﺎﻣﯩﻞ ﺋﯩﻜﻪﻧﻠﯩﻜﻰ ﺗﻪﻛﯩﺘﻠﻪﻧﮕﻪﻥ.

ﺩﻭﻛﻼﺗﺘﺎ ﻳﻪﻧﻪ ﺑﯩﺮ ﺩﯙﻟﻪﺗﺘﻪ ﺋﺎﺯ ﺳﺎﻧﻠﯩﻖ ﻫﯧﺴﺎﺑﻼﻧﻐﺎﻥ ﻣﯩﻠﻠﻪﺗﻠﻪﺭﻧﯩﯔ ﺩﯨﻨﯩﻲ ﯞﻩ ﺋﯩﺮﻗﯩﻲ ﯞﻩ ﺑﺎﺷﻘﺎ ﻣﯘﻧﺎﺳﯩﯟﻩﺗﻠﻪﺭ ﺗﯜﭘﻪﻳﻠﻰ ﺟﻪﻣﺌﯩﻴﻪﺗﻨﯩﯔ ﭼﻪﺗﻜﻪ ﻗﯧﻘﯩﺸﯩﻐﺎ ﻫﻪﻡ ﺑﯧﺴﯩﻤﯩﻐﺎ ﺩﯗﭺ ﻛﻪﻟﺴﻪ، ﺑﯘﻧﯩﯔ ﺷﯘ ﻣﯩﻠﻠﻪﺗﻨﯩﯔ ﺳﺎﻏﻼﻣﻠﯩﻖ ﺳﯜﭘﯩﺘﯩﮕﻪ ﺋﯧﻐﯩﺮ ﻧﯘﻗﺴﺎﻥ ﻳﻪﺗﻜﯜﺯﯨﺪﯨﻐﺎﻧﻠﯩﻘﻰ ﺋﯩﭙﺎﺩﯨﻠﻪﻧﮕﻪﻥ.

ﭼﻪﺗﺌﻪﻟﻠﻪﺭﺩﻩ ﺳﻪﻫﯩﻴﻪ ﺋﯩﺸﻠﯩﺮﻯ ﺑﯩﻠﻪﻥ ﺷﯘﻏﯘﻟﻠﯩﻨﯩﯟﺍﺗﻘﺎﻥ ﺋﯘﻳﻐﯘﺭ ﻣﯘﺗﻪﺧﻪﺳﺴﯩﺴﻠﻪﺭ، ﺩﯗﻧﻴﺎ ﺳﻪﻫﯩﻴﻪ ﺗﻪﺷﻜﯩﻼﺗﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﻗﺎﺭﺍﺷﻼﺭﻧﻰ ﺷﻪﺭﻫﯩﻠﻪﭖ، ﻧﯚﯞﻩﺗﺘﻪ ﺋﯘﻳﻐﯘﺭﻻﺭﻧﯩﯔ ﺳﺎﻏﻼﻣﻠﯩﻖ ﺳﯜﭘﯩﺘﯩﻨﯩﯔ ﺋﯩﻨﺘﺎﻳﯩﻦ ﻧﺎﭼﺎﺭﻟﯩﺸﯩﭗ ﻛﻪﺗﻜﻪﻧﻠﯩﻜﯩﻨﻰ، ﺑﻮﻟﯘﭘﻤﯘ ﺳﯩﻴﺎﺳﯩﻲ ﺑﯧﺴﯩﻢ ﺋﺎﺳﺘﯩﺪﺍ ﺋﯘﻳﻐﯘﺭﻻﺭﻧﯩﯔ ﻫﻪﺭ ﺧﯩﻞ ﺋﯧﻐﯩﺮ ﻛﯧﺴﻪﻟﻠﯩﻜﻠﻪﺭﮔﻪ ﮔﯩﺮﯨﭙﺘﺎﺭ ﺑﻮﻟﯩﯟﺍﺗﻘﺎﻧﻠﯩﻘﯩﻨﻰ ﻫﻪﻣﺪﻩ ﺋﯘﺯﯗﻥ ﺋﯚﻣﯜﺭ ﻛﯚﺭﯛﺵ ﻧﯩﺴﺒﯩﺘﯩﻨﯩﯔ ﺗﯚﯞﻩﻧﻠﻪﭖ ﻛﻪﺗﻜﻪﻧﻠﯩﻜﯩﻨﻰ ﺑﯩﻠﺪﯛﺭﻣﻪﻛﺘﻪ.