ﺋﺎﻣﯧﺮﯨﻜﺎ ﯞﻩ ﻓﺮﺍﻧﺴﯩﻴﻪ ﺑﻮﻟﺴﺎ ﺭﯗﺳﯩﻴﯩﻨﻰ ﺋﯘﺭﯗﺷﻨﻰ ﺗﻮﺧﺘﯩﺘﯩﺶ ﺗﻮﻏﺮﯨﺴﯩﺪﺍ ﺋﺎﻣﯧﺮﯨﻜﺎ ﯞﻩ ﻓﺮﺍﻧﺴﯩﻴﯩﻨﯩﯔ ﺗﻪﺷﻪﺑﺒﯘﺳﻰ ﺑﯩﻠﻪﻥ ﺭﯗﺳﯩﻴﻪ ﯞﻩ ﮔﺮﯗﺯﯨﻴﻪ ﺋﻮﺗﺘﯘﺭﯨﺴﯩﺪﺍ ﺋﯩﻤﺰﺍﻻﻧﻐﺎﻥ ﻛﯧﻠﯩﺸﯩﻤﮕﻪ ﻫﯚﺭﻣﻪﺕ ﻗﯩﻠﯩﺸﻘﺎ ﯞﻩ ﮔﺮﯗﺯﯨﻴﯩﺪﯨﻦ ﭘﯜﺗﯜﻥ ﻫﻪﺭﺑﯩﻲ ﻗﯩﺴﯩﻤﻠﯩﺮﯨﻨﻰ ﭼﯧﻜﯩﻨﺪﯛﺭﯛﺷﻜﻪ ﭼﺎﻗﯩﺮﺩﻯ.

ﺧﻪﯞﻩﺭﻟﻪﺭﮔﻪ ﻗﺎﺭﯨﻐﺎﻧﺪﺍ، ﺋﯩﻜﻜﻰ ﻫﻪﭘﺘﻪ ﺋﺎﯞﺍﻝ ﮔﺮﯗﺯﯨﻴﯩﮕﻪ ﻗﺎﺭﺷﻰ ﻫﻪﺭﺑﯩﻲ ﻫﻪﺭﯨﻜﻪﺕ ﺑﺎﺷﻠﯩﺘﯩﭗ، ﮔﺮﯗﺯﯨﻴﯩﻨﯩﯔ ﻧﯘﺭﻏﯘﻧﻠﯩﻐﺎﻥ ﺟﺎﻳﻠﯩﺮﯨﻨﻰ ﺋﯩﺸﻐﺎﻝ ﻗﯩﻠﻐﺎﻥ ﺭﻭﺳﯩﻴﻪ، ﮔﺮﯗﺯﯨﻴﯩﻨﯩﯔ ﻣﯘﻫﯩﻢ ﻣﻪﺭﻛﻪﺯﻟﯩﺮﯨﺪﯨﻦ ﻫﻪﺭﺑﯩﻲ ﻗﯩﺴﯩﻤﻠﯩﺮﯨﻨﻰ ﭼﯧﻜﯩﻨﺪﯛﺭﯛﭖ، ﮔﺮﯗﺯﯨﻴﻪ ﺳﺎﻗﭽﻰ ﻗﯩﺴﯩﻤﻠﯩﺮﯨﻨﯩﯔ ﮔﻮﺭﻯ ﺷﻪﻫﯩﺮﯨﻨﯩﯔ ﻛﻮﻧﺘﺮﻭﻟﻠﯘﻗﯩﻨﻰ ﻗﻮﻟﻐﺎ ﺋﯧﻠﯩﺸﯩﻐﺎ ﺭﯗﺧﺴﻪﺕ ﻗﯩﻠﻐﺎﻥ.

ﻟﯧﻜﯩﻦ ﮔﺮﯗﺯﯨﻴﯩﺪﯨﻜﻰ ﻣﯘﻫﯩﻢ ﯞﻩ ﺋﯩﺴﺘﺮﺍﺗﯧﮕﯩﻴﯩﻠﯩﻚ ﻳﻮﻟﻼﺭ ﻫﯧﻠﯩﻤﯘ ﺭﯗﺱ ﻫﻪﺭﺑﯩﻲ ﻗﯩﺴﯩﻤﻠﯩﺮﯨﻨﯩﯔ ﻛﻮﻧﺘﺮﻭﻟﻠﯘﻗﯩﺪﺍ ﺷﯘﻧﯩﯖﺪﻩﻙ ﺭﯗﺳﯩﻴﻪ ﻫﯚﻛﯜﻣﯩﺘﻰ ﺷﻪﻧﺒﻪ ﻛﯜﻧﻰ ﺭﯗﺱ ﻫﻪﺭﺑﯩﻲ ﻗﯩﺴﯩﻤﻠﯩﺮﯨﻨﯩﯔ ﮔﺮﯗﺯﯨﻴﯩﻨﯩﯔ ﻗﺎﺭﺍ ﺩﯦﯖﯩﺰ ﺩﯨﻜﻰ ﻣﯘﻫﯩﻢ ﭘﻮﺭﺗﻰ ﻫﯧﺴﺎﺑﻼﻧﻐﺎﻥ ﭘﯘﺗﻰ ﺷﻪﻫﺮﯨﺪﯨﻜﻰ ﭼﺎﺭﻻﺵ ﭘﺎﺋﺎﻟﯩﻴﻪﺗﻠﯩﺮﯨﻨﯩﯔ ﺩﺍﯞﺍﻣﻠﯩﺸﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﮔﻪﺭﭼﻪ ﭘﯘﺗﻰ ﺷﻪﻫﯩﺮﻯ ﺭﯗﺳﯩﻴﻪ ﺋﯚﺯﻯ ﺑﻪﻟﮕﯩﻠﯩﮕﻪﻥ ﺭﯗﺱ ﻫﻪﺭﺑﯩﻲ ﻗﯩﺴﯩﻤﻠﯩﺮﯨﻨﯩﯔ ﺗﯩﻨﭽﻠﯩﻘﻨﻰ ﺳﺎﻗﻼﺵ ﭘﺎﺋﺎﻟﯩﻴﻪﺕ ﺭﺍﻳﻮﻧﯩﻨﯩﯔ ﺳﯩﺮﺗﯩﺪﺍ ﺑﻮﻟﺴﯩﻤﯘ، ﻟﯧﻜﯩﻦ ﺭﯗﺳﯩﻴﻪ ﻫﻪﺭﺑﯩﻲ ﻗﯩﺴﯩﻤﻠﯩﺮﻯ ﺑﺎﺵ ﺷﺘﺎﺑﯩﻨﯩﯔ ﻣﯘﺋﺎﯞﯨﻦ ﺭﻩﺋﯩﺴﻰ ﮔﯧﻨﯧﺮﺍﻝ ﺋﺎﻧﺎﺗﻮﻟﻰ ﻧﻮﮔﺎﯞﺗﺴﯩﻦ ﺷﻪﻧﺒﻪ ﻛﯜﻧﻰ ﺑﻪﺭﮔﻪﻥ ﺑﺎﻳﺎﻧﺎﺗﯩﺪﺍ، ﺭﯗﺱ ﻫﻪﺭﺑﯩﻲ ﻗﯩﺴﯩﻤﻠﯩﺮﯨﻨﯩﯔ ﭘﯘﺗﻰ ﺷﻪﻫﯩﺮﯨﺪﯨﻜﻰ ﭼﺎﺭﻻﺵ ﭘﺎﺋﺎﻟﯩﻴﻪﺗﻠﯩﺮﯨﻨﻰ ﺩﺍﯞﺍﻣﻼﺷﺘﯘﺭﯗﺷﻰ، ﺋﯘﺭﯗﺷﻨﻰ ﺗﻮﺧﺘﯩﺘﯩﺶ ﺗﻮﻏﺮﯨﺴﯩﺪﺍ ﺋﯩﻤﺰﺍﻻﻧﻐﺎﻥ ﻛﯧﻠﯩﺸﯩﻤﮕﻪ ﺧﯩﻼﭖ ﺋﻪﻣﻪﺱ ﺩﻩﭖ ﻛﯚﺭﺳﻪﺗﻜﻪﻥ.

ﺑﯜﮔﯜﻥ ﻫﻪﻡ ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺟﯘﺭﺝ ﺑﯘ ﻫﻪﻡ ﻓﺮﺍﻧﺴﯩﻴﻪ ﭘﺮﯦﺰﯨﺪﯦﻨﺘﻰ ﺳﺎﺭﻛﻮﺯﯨﻲ ﺑﺎﻳﺎﻧﺎﺕ ﺋﯧﻼﻥ ﻗﯩﻠﯩﭗ، ﺭﯗﺳﯩﻴﯩﻨﻰ ﻫﻪﺭﺑﯩﻲ ﻗﯩﺴﯩﻤﻠﯩﺮﯨﻨﻰ ﮔﺮﯗﺯﯨﻴﻪ ﺗﯧﺮﯨﺘﻮﺭﯨﻴﯩﺴﯩﺪﯨﻦ ﭘﯜﺗﯜﻧﻠﻪﻱ ﭼﯧﻜﯩﻨﺪﯛﺭﯛﺷﻜﻪ ﭼﺎﻗﯩﺮﺩﻯ. ﺷﯘﻧﯩﯖﺪﻩﻙ ﮔﯧﺮﻣﺎﻧﯩﻴﻪ ﻫﯚﻛﯜﻣﯩﺘﯩﻤﯘ ﺷﻪﻧﺒﻪ ﻛﯜﻧﻰ ﺭﯗﺳﯩﻴﯩﺪﯨﻦ ﻫﻪﺭﺑﯩﻲ ﻗﯩﺴﯩﻤﻠﯩﺮﯨﻨﻰ ﺋﯘﺭﯗﺵ ﺑﺎﺷﻼﺷﺘﯩﻦ ﺑﯘﺭﯗﻧﻘﻰ ﺟﺎﻳﻠﯩﺮﯨﻐﺎ ﭼﯩﻜﯩﻨﺪﯛﺭﯛﺷﯩﻨﻰ ﺗﻪﻟﻪﭖ ﻗﯩﻠﺪﻯ.