ﺗﺎﻟﯩﺒﺎﻧﻨﯩﯔ ﺩﯨﺮ ﺭﺍﻳﻮﻧﯩﻐﺎ ﺟﺎﻳﻼﺷﻘﺎﻥ ﺳﯩﯟﺍﺕ ﺟﯩﻠﻐﯩﺴﯩﺪﯨﻜﻰ ﺑﺎﻳﺎﻧﺎﺗﭽﯩﺴﻰ ﻣﯘﺳﻠﯩﻤﺨﺎﻧﻨﯩﯔ ﺭﻭﯦﻴﺘﯧﺮﺱ ﺋﺎﮔﯧﻨﺘﻠﯩﻘﻰ ﻣﯘﺧﺒﯩﺮﯨﻐﺎ " ﺑﯩﺰﻧﯩﯔ ﺋﺎﺩﻩﻣﻠﯩﺮﯨﻤﯩﺰ ﺋﯩﻜﻜﻰ ﺧﯩﺘﺎﻱ ﺋﯩﻨﮋﯦﻨﯧﺮﻧﻰ ﮔﯚﺭﯛﮔﻪ ﺋﺎﻟﺪﻯ، ﺑﯩﺰ ﻫﺎﺯﯨﺮ ﺋﯘﻻﺭﻧﻰ ﻗﺎﻣﺎﭖ ﻗﻮﻳﺪﯗﻕ " ﺩﯦﮕﻪﻥ.

ﺗﺎﻟﯩﺒﺎﻧﻼﺭﻧﯩﯔ ﺑﯩﻠﺪﯛﺭﯛﺷﯩﭽﻪ، ﮔﯚﺭﯛﮔﻪ ﺋﯧﻠﯩﻨﻐﺎﻧﻼﺭ ﻫﺎﺯﯨﺮﭼﻪ ﺋﺎﻣﺎﻥ ‏ - ﺋﯩﺴﻪﻥ ﺑﻮﻟﯘﭖ، ﺑﯘﻻﺭﻧﯩﯔ ﺗﻪﻗﺪﯨﺮﻯ ﺗﺎﻟﯩﺒﺎﻧﻼﺭﻧﯩﯔ ﺋﯩﻨﻔﻮﺭﻣﺎﺗﺴﯩﻴﻪ ﻣﻪﺭﻛﯩﺰﻯ ﺗﻪﺭﯨﭙﯩﺪﯨﻦ ﺑﯧﻜﯩﺘﯩﻠﯩﺪﯨﻐﺎﻥ ﺑﻮﻟﯘﭖ، ﺋﯘﻻﺭ ﺋﺎﻟﻤﺎﺷﺘﯘﺭﯗﺵ ﺷﻪﺭﺗﯩﻨﻰ ﭘﺎﻛﯩﺴﺘﺎﻥ ﻫﯚﻛﯜﻣﯩﺘﯩﮕﻪ ﺟﺎﻛﺎﺭﻻﺵ ﺋﺎﻟﺪﯨﺪﺍ ﺋﯩﻜﻪﻥ.

ﺧﻪﯞﻩﺭﺩﻩ ﻛﯚﺭﺳﯩﺘﯩﻠﯩﺸﯩﭽﻪ، ﺑﯘ ﻳﻮﻗﺎﭖ ﻛﻪﺗﻜﻪﻥ ﺋﯩﻜﻜﻰ ﻧﻪﭘﻪﺭ ﺧﯩﺘﺎﻱ ﺋﯩﻨﮋﯦﻨﯧﺮ ﯞﻩ ﺋﯘﻻﺭﻏﺎ ﺷﻮﭘﯘﺭ ﻫﻪﻡ ﻗﻮﻏﺪﯨﻐﯘﭼﻰ ﺑﻮﻟﻐﺎﻥ ﺋﯩﻜﻜﻰ ﭘﺎﻛﯩﺴﺘﺎﻧﻠﯩﻖ ﺟﯜﻣﻪ ﻛﯜﻧﻰ ﭘﺎﻛﯩﺴﺘﺎﻧﻨﯩﯔ ﺋﺎﻓﻐﺎﻧﯩﺴﺘﺎﻥ ﺑﯩﻠﻪﻥ ﭼﯧﮕﺮﯨﻠﯩﻨﯩﺪﯨﻐﺎﻥ، ﺗﺎﻟﯩﺒﺎﻧﻼﺭ ﻫﻪﺭﯨﻜﻪﺗﻠﯩﻨﯩﭗ ﻳﯜﺭﯛﺩﯨﻐﺎﻥ ﭘﺎﻛﯩﺴﺘﺎﻧﻨﯩﯔ ﺩﯨﺮ ﺩﯦﮕﻪﻥ ﻗﻪﺑﯩﻠﻪ ﺭﺍﻳﻮﻧﯩﺪﺍ ﺋﺎﻻﻗﻪ ﺋﯜﺳﻜﯜﻧﯩﺴﯩﻨﻰ ﺭﯦﻤﻮﻧﺖ ﻗﯩﻠﯩﭗ ﻗﺎﻳﺘﯩﺶ ﻳﻮﻟﯩﺪﺍ ﮔﯚﺭﯛﮔﻪ ﺋﯧﻠﯩﻨﻐﺎﻥ.

ﮔﯚﺭﯛﮔﻪ ﺋﯧﻠﯩﻨﻐﺎﻥ ﺋﯩﻜﻜﻰ ﻧﻪﭘﻪﺭ ﺧﯩﺘﺎﻱ ﺋﯩﻨﮋﯦﻨﯧﺮ ﺧﯩﺘﺎﻱ ﻛﯚﭼﻤﻪ ﺧﻪﯞﻩﺭﻟﯩﺸﯩﺶ ﺷﯩﺮﻛﯩﺘﯩﻨﯩﯔ ﺧﺎﺩﯨﻤﻠﯩﺮﻯ ﺑﻮﻟﯘﭖ،ﭘﺎﻛﯩﺴﺘﺎﻥ ﻫﯚﻛﯜﻣﯩﺘﻰ ﺧﯩﺘﺎﻳﺪﯨﻦ ﺋﻪﯞﻩﺗﯩﻠﮕﻪﻥ ﺧﺎﺩﯨﻤﻼﺭﻧﯩﯔ ﺑﯩﺨﻪﺗﻪﺭﻟﯩﻜﯩﮕﻪ ﻣﻪﺧﺴﯘﺱ ﺋﺎﺩﻩﻡ ﺋﺎﺟﺮﯨﺘﯩﭗ ﻗﻮﻏﺪﺍﭖ ﻛﯧﻠﯩﯟﺍﺗﻘﺎﻥ ﺑﻮﻟﺴﯩﻤﯘ، ﺋﯘﻻﺭﻧﯩﯔ ﻳﻮﻗﺎﭖ ﻛﯧﺘﯩﺶ، ﮔﯚﺭﯛﮔﻪ ﺋﯧﻠﯩﻨﯩﺶ ﯞﻩﻗﻪﻟﯩﺮﻯ ﻳﯜﺯ ﺑﯧﺮﯨﭗ ﺗﯘﺭﻣﺎﻗﺘﺎ.

ﺑﯘ ﭘﺎﻛﯩﺴﺘﺎﻧﺪﺍ ﺧﯩﺘﺎﻱ ﺋﯩﻨﮋﯦﻨﯧﺮﻟﯩﺮﯨﻨﯩﯔ ﺋﯩﻜﻜﯩﻨﭽﻰ ﻗﯧﺘﯩﻢ ﻳﻮﻗﺎﭖ ﻛﯧﺘﯩﺸﻰ ﺑﻮﻟﯘﭖ، 2004 - ﻳﯩﻠﻰ ﺋﯚﻛﺘﻪﺑﯩﺮﺩﻩ ﺋﯩﻜﻜﻰ ﻧﻪﭘﻪﺭ ﺧﯩﺘﺎﻱ ﺋﯩﻨﮋﯦﻨﯧﺮﻯ ﺟﻪﻧﯘﺑﯩﻲ ﯞﻩﺯﯨﺮﯨﺴﺘﺎﻥ ﻗﻪﺑﯩﻠﻪ ﺭﺍﻳﻮﻧﯩﺪﺍ ﺗﺎﻟﯩﺒﺎﻧﻼﺭ ﺗﻪﺭﯨﭙﯩﺪﯨﻦ ﮔﯚﺭﯛﮔﻪ ﺋﯧﻠﯩﻨﯩﭗ ﻗﯘﺗﻘﯘﺯﯗﺵ ﻫﻪﺭﯨﻜﯩﺘﻰ ﺟﻪﺭﻳﺎﻧﯩﺪﺍ ﺋﯘﻻﺭﻧﯩﯔ ﺑﯩﺮﻯ ﺋﯚﻟﮕﻪﻥ.