ﺋﺎﻣﯧﺮﯨﻜﺎ ﻛﯧﯖﻪﺵ ﭘﺎﻻﺗﺎ ﺋﻪﺯﺍﺳﻰ ﺟﻮﻥ ﻣﯩﻜﯧﻴﻦ ﻗﯘﺭﯗﻟﺘﺎﻳﻨﯩﯔ ﻳﯧﭙﯩﻠﯩﺶ ﻣﯘﺭﺍﺳﯩﻤﯩﺪﺍ ﺳﯚﺯ ﻗﯩﻠﯩﭗ، 11 ‏ - ﺋﺎﻳﺪﯨﻜﻰ ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺖ ﺳﺎﻳﻠﯩﻤﯩﻐﺎ ﭼﯜﺷﯩﺪﯨﻐﺎﻥ ﺟﯘﻣﻬﯘﺭﯨﻴﻪﺗﭽﯩﻠﻪﺭﻧﯩﯔ ﻧﺎﻣﺰﺍﺗﻠﯩﻘﯩﻨﻰ ﻗﻮﺑﯘﻝ ﻗﯩﻠﺪﻯ. ﺑﯘﻧﯩﯖﺪﯨﻦ ﺑﯩﺮ ﻛﯜﻥ ﺋﺎﯞﯞﺍﻝ ﺋﺎﻟﻴﺎﺳﻜﺎ ﯞﺍﻟﯩﺴﻰ ﺳﺎﺭﺍ ﭘﯧﻴﻠﯩﻦ ﺟﯘﻣﻬﯘﺭﯨﻴﻪﺗﭽﯩﻠﻪﺭﻧﯩﯔ ﻣﯘﺋﺎﯞﯨﻦ ﭘﺮﯦﺰﯨﺪﯦﻨﺖ ﻧﺎﻣﺰﺍﺗﻠﯩﻘﯩﻨﻰ ﻗﻮﺑﯘﻝ ﻗﯩﻠﯩﭗ، ﺟﯘﻣﻬﯘﺭﯨﻴﻪﺗﭽﯩﻠﻪﺭﮔﻪ ﺋﯩﻠﻬﺎﻡ ﺑﻪﺭﮔﻪﻥ ﺋﯩﺪﻯ.

ﻣﯩﻜﯧﻴﻨﻨﯩﯔ ﻳﯧﭙﯩﻠﯩﺶ ﻣﯘﺭﺍﺳﯩﻤﯩﺪﺍ ﺳﯚﺯﻟﯩﮕﻪﻥ ﻧﯘﺗﯘﻗﻰ ﻗﯘﺭﯗﻟﺘﺎﻳﻨﯩﯔ ﻛﻪﻳﭙﯩﻴﺎﺗﯩﻨﻰ ﻳﯘﻗﯩﺮﻯ ﭘﻪﻟﻠﯩﮕﻪ ﻛﯚﺗﻪﺭﺩﻯ. ﺋﯘ ﭘﺮﯦﺰﯨﺪﯦﻨﺖ ﻧﺎﻣﺰﺍﺗﻠﯩﻘﯩﻨﻰ ﻗﻮﺑﯘﻝ ﻗﯩﻠﻐﺎﻧﻠﯩﻘﯩﻨﻰ ﺟﺎﻛﺎﺭﻻﺵ ﺑﯩﻠﻪﻥ ﺑﯩﺮﮔﻪ، ﺋﯚﺯﯨﻨﯩﯔ ﺋﯩﻘﺘﯩﺴﺎﺩ، ﺋﯧﻨﯩﺮﮔﯩﻴﻪ ﯞﻩ ﺩﯙﻟﻪﺕ ﺑﯩﺨﻪﺗﻪﺭﻟﯩﻚ ﺳﯩﻴﺎﺳﯩﺘﯩﮕﻪ ﺩﺍﺋﯩﺮ ﻛﯚﺯ ﻗﺎﺭﺍﺷﻠﯩﺮﯨﻨﻰ ﺗﻮﻧﯘﺷﺘﯘﺭﺩﻯ ﺷﯘﻧﺪﺍﻗﻼ ﺋﻪﮔﻪﺭ ﺋﯚﺯﻯ ﺳﺎﻳﻼﻧﺴﺎ ﺟﯘﻣﻬﯘﺭﯨﻴﻪﺗﭽﯩﻠﻪﺭﻧﯩﯔ ﯞﺍﺷﯩﻨﮕﺘﻮﻧﺪﯨﻜﻰ ﻣﻪﯞﺟﯜﺕ ﺳﯩﻴﺎﺳﻰ ﻗﯘﺭﯗﻟﻤﯩﻨﻰ ﺋﯚﺯﮔﻪﺭﺗﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. ﺋﯘ ﻳﻪﻧﻪ ﺋﯚﺯﯨﻨﯩﯔ ﺗﺎﺷﻘﻰ ﺳﯩﻴﺎﺳﯩﺘﯩﻨﻰ ﺷﻪﺭﻫﯩﻠﯩﺪﻯ.

ﻣﯩﻜﯧﻴﻦ ﺗﺎﺷﻘﻰ ﺳﯩﻴﺎﺳﻪﺗﻜﻪ ﺋﺎﺋﯩﺖ ﺑﺎﻳﺎﻧﯩﺪﺍ ﺧﯩﺘﺎﻳﻨﻰ ﺗﯩﻠﻐﺎ ﺋﺎﻟﻤﯩﻐﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﺭﯗﺳﯩﻴﯩﻨﯩﯔ ﮔﺮﯗﺯﯨﻴﯩﮕﻪ ﻫﯘﺟﯘﻡ ﻗﯩﻠﻐﺎﻧﻠﯩﻘﯩﻨﻰ ﺋﻪﻳﯩﺒﻠﯩﺪﻯ ﺷﯘﻧﺪﺍﻗﻼ ﺋﯚﺯﯨﻨﯩﯔ ﺑﯘ ﻳﯩﻠﻘﻰ ﺳﺎﻳﻼﻣﺪﺍ ﺩﯦﻤﻮﻛﺮﺍﺗﻼﺭ ﻧﺎﻣﺰﺍﺗﻰ ﺑﺎﺭﺍﻙ ﺋﻮﺑﺎﻣﺎﻧﻰ ﻣﻪﻏﻠﯘﭖ ﻗﯩﻠﯩﺪﯨﻐﺎﻧﻠﯩﻘﯩﻐﺎ ﺋﯩﺸﻪﻧﭽﯩﺴﻰ ﻛﺎﻣﯩﻞ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ.

ﺟﻮﻥ ﻣﯩﻜﯧﻴﻦ ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﯩﺪﻩ ﺧﯩﺘﺎﻳﻨﻰ ﻛﻪﺳﻜﯩﻦ ﺗﻪﻧﻘﯩﺪ ﻗﯩﻠﯩﺪﯨﻐﺎﻥ ﻛﯧﯖﻪﺵ ﭘﺎﻻﺗﺎ ﺋﻪﺯﺍﻟﯩﺮﯨﻨﯩﯔ ﺑﯩﺮﻯ ﺑﻮﻟﯘﭖ ﻛﻪﻟﮕﻪﻥ. ﻟﯧﻜﯩﻦ ﺋﯘﻧﯩﯔ ﭘﻪﻳﺸﻪﻧﺒﻪ ﻛﯜﻧﻜﻰ ﻗﯘﺭﯗﻟﺘﺎﻱ ﻧﯘﺗﯘﻗﯩﺪﺍ ﺧﯩﺘﺎﻳﻨﻰ ﺗﯩﻠﻐﺎ ﺋﺎﻟﻤﯩﻐﺎﻧﻠﯩﻘﻰ ﻛﯩﺸﯩﻠﻪﺭﻧﯩﯔ ﺩﯨﻘﻘﯩﺘﯩﻨﻰ ﻗﻮﺯﻏﯩﻐﺎﻥ ﺑﻮﻟﯘﭖ، ﻛﯚﺯﻩﺗﻜﯜﭼﯩﻠﻪﺭ ﺑﯘ ﺋﺎﻣﯧﺮﯨﻜﺎ - ﺭﯗﺳﯩﻴﻪ ﻣﯘﻧﺎﺳﯩﯟﯨﺘﯩﻨﯩﯔ ﮔﺮﻭﺯﯨﻴﻪ ﻣﻪﺳﯩﻠﯩﺴﻰ ﺗﯜﭘﻪﻳﻠﻰ ﺟﯩﺪﺩﯨﻴﻠﯩﺸﯩﭗ ﻛﻪﺗﻜﻪﻧﻠﯩﻜﻰ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ ﺑﻮﻟﯘﺷﻰ ﻣﯘﻣﻜﯩﻦ، ﺩﻩﭖ ﻗﺎﺭﯨﻤﺎﻗﺘﺎ.