ﺑﯘ ﻳﯩﻞ 44 ﻳﺎﺷﻼﺭﺩﯨﻜﻰ ﭘﯧﻴﻠﯩﻦ ﺧﺎﻧﯩﻤﻨﯩﯔ ﻳﯧﺸﻰ ﺑﺎﺭﺍﻙ ﺋﻮﺑﺎﻣﺎﺩﯨﻦ ﻛﯩﭽﯩﻚ ﺑﻮﻟﯘﭖ، ﺋﯘ ﺋﺎﻟﻴﺎﺳﻜﺎ ﺷﯩﺘﺎﺗﯩﻨﯩﯔ ﯞﺍﻟﯩﻠﯩﻘﯩﻐﺎ ﺳﺎﻳﻼﻧﻐﺎﻥ 2 ﻳﯩﻠﺪﯨﻦ ﺑﯧﺮﻯ ﺑﯩﺮ ﻗﺎﺗﺎﺭ ﺋﯩﺴﻼﻫﺎﺗﻼﺭﻧﻰ ﺋﯧﻠﯩﭗ ﺑﯧﺮﯨﺶ ﺑﯩﻠﻪﻥ ﺗﻮﻧﯘﻟﻐﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﺋﺎﻣﯧﺮﯨﻜﯩﻠﯩﻘﻼﺭﻏﺎ ﺋﺎﻧﭽﻪ ﺗﻮﻧﯘﺵ ﺑﻮﻟﻤﯩﻐﺎﻥ ﺳﯩﻴﺎﺳﻪﺗﭽﯩﺪﯗﺭ. ﺟﻮﻥ ﻣﯩﻜﯧﻴﻦ ﺟﯜﻣﻪ ﻛﯜﻧﻰ ﺋﻮﺧﺎﻳﯘ ﺷﺘﺎﺗﯩﻨﯩﯔ ﺩﻩﻳﺘﻮﻥ ﺷﻪﻫﯩﺮﯨﺪﻩ ﺋﯧﻠﯩﭗ ﺑﺎﺭﻏﺎﻥ ﺳﺎﻳﻼﻡ ﭘﺎﺋﺎﻟﯩﻴﯩﺘﻰ ﯞﻩ ﺗﯘﻏﯘﻟﻐﺎﻧﻠﯩﻘﯩﻨﯩﯔ 72 - ﻳﯩﻠﻠﯩﻘﯩﻨﻰ ﺧﺎﺗﯩﺮﯨﻠﻪﺵ ﭘﺎﺋﺎﻟﯩﻴﯩﺘﯩﺪﻩ ﺳﺎﺭﺍ ﭘﯧﻴﻠﯩﻦ ﺧﺎﻧﯩﻤﻨﻰ ﻣﯘﺋﺎﯞﯨﻦ ﭘﺮﯦﺰﯨﺪﯦﻨﺖ ﻧﺎﻣﺰﺍﺗﻠﯩﻘﯩﻐﺎ ﺗﺎﻟﻠﯩﻐﺎﻧﻠﯩﻘﯩﻨﻰ ﺟﺎﻛﺎﺭﻟﯩﺪﻯ.

ﺑﻪﺵ ﺑﺎﻟﯩﻨﯩﯔ ﺋﺎﻧﯩﺴﻰ ﺑﻮﻟﻐﺎﻥ ﭘﯧﻴﻠﯩﻦ ﺧﺎﻧﯩﻢ ﻫﺎﻣﯩﻠﺪﺍﺭ ﺋﺎﻳﺎﻟﻼﺭﻧﯩﯔ ﺑﺎﻻ ﭼﯜﺷﯜﺭﯛﺷﯩﮕﻪ ﻗﻪﺗﺌﯩﻲ ﻗﺎﺭﺷﻰ ﺗﯘﺭﯨﺪﯨﻐﺎﻥ ﺟﯘﻣﻬﯘﺭﯨﻴﻪﺗﭽﻰ ﺯﺍﺗﻼﺭﻧﯩﯔ ﺑﯩﺮﻯ. ﺋﺎﻧﺎﻟﯩﺰﭼﯩﻼﺭ، ﺟﻮﻥ ﻣﯩﻜﯧﻴﻨﻨﯩﯔ ﺑﯩﺮ ﺋﺎﻳﺎﻟﻨﻰ ﺋﯚﺯﯨﮕﻪ ﻳﺎﺭﺩﻩﻣﭽﻰ ﻗﯩﻠﯩﭗ ﺗﺎﻟﻠﯩﻐﺎﻧﻠﯩﻘﻰ ﺩﯦﻤﻮﻛﺮﺍﺗﯩﻚ ﻧﺎﻣﺰﺍﺗﻼﺭﻧﯩﯔ ﺳﺎﻳﻼﻡ ﺭﯨﻘﺎﺑﯩﺘﯩﺪﻩ ﺧﯩﻠﻼﺭﯨﻲ ﻛﻠﯩﻨﺘﻮﻧﻨﯩﯔ ﺑﺎﺭﺍﻙ ﺋﻮﺑﺎﻣﺎ ﺗﻪﺭﯨﭙﯩﺪﯨﻦ ﻣﻪﻏﻠﯘﭖ ﻗﯩﻠﯩﻨﻐﺎﻧﻠﯩﻘﯩﻐﺎ ﻧﺎﺭﺍﺯﻯ ﺑﻮﻟﻐﺎﻥ ﺋﺎﻳﺎﻝ ﺩﯦﻤﻮﻛﺮﺍﺗﻼﺭﻧﯩﯔ ﻗﻮﻟﻠﯩﺸﯩﻐﺎ ﺋﯧﺮﯨﺸﯩﺸﺘﯩﻜﻰ ﺑﯩﺮ ﺗﺎﻛﺘﯩﻜﺎ، ﺩﻩﭖ ﻗﺎﺭﯨﻤﺎﻗﺘﺎ.

ﺷﯘﻧﺪﺍﻗﻼ ﺋﯘﻧﯩﯔ ﻳﺎﺵ ﺋﯩﻜﻪﻧﻠﯩﻜﻰ، ﺋﯩﺴﻼﻫﺎﺗﭽﯩﻠﯩﻘﻰ ﻣﯩﻜﯧﻴﻨﻨﯩﯔ ﺋﻮﺭﻧﯩﻨﻰ ﻛﯜﭼﻪﻳﺘﯩﭗ، ﻳﺎﺵ ﺳﺎﻳﻠﯩﻐﯘﭼﯩﻼﺭﻧﻰ ﺟﻪﻟﭗ ﻗﯩﻠﯩﺪﯨﻐﺎﻧﻠﯩﻘﻰ، ﺋﻮﺑﺎﻣﺎﻧﯩﯔ ﺋﺎﻣﯧﺮﯨﻜﯩﻨﻰ ﺋﯚﺯﮔﻪﺭﺗﯩﺶ ﭼﺎﻗﯩﺮﯨﻘﯩﻐﺎ ﺭﯨﻘﺎﺑﻪﺕ ﺋﯧﻠﯩﭗ ﻛﯧﻠﯩﺪﯨﻐﺎﻧﻠﯩﻘﻰ ﭘﻪﺭﻩﺯ ﻗﯩﻠﯩﻨﻤﺎﻗﺘﺎ. ﺋﻪﮔﻪﺭ ﺳﺎﺭﺍ ﭘﯧﻴﻠﯩﻨﻨﯩﯔ ﻧﺎﻣﺰﺍﺗﻠﯩﻘﻰ ﻛﯧﻠﻪﺭ ﺩﯛﺷﻪﻧﺒﻪ ﻛﯜﻧﻰ ﺑﺎﺷﻠﯩﻨﯩﺪﯨﻐﺎﻥ ﺟﯘﻣﻬﯘﺭﯨﻴﻪﺗﭽﯩﻠﻪﺭ ﭘﺎﺭﺗﯩﻴﯩﺴﯩﻨﯩﯔ ﺩﯙﻟﻪﺗﻠﯩﻚ ﻗﯘﺭﯗﻟﺘﯩﻴﯩﺪﺍ ﺭﻩﺳﻤﯩﻠﻪﺷﺴﻪ، ﺑﯘ ﺋﺎﻣﯧﺮﯨﻜﺎ ﺗﺎﺭﯨﺨﯩﺪﺍ ﺗﯘﻧﺠﻰ ﻗﯧﺘﯩﻢ ﺑﯩﺮ ﺋﺎﻳﺎﻟﻨﯩﯔ ﻣﯘﺋﺎﯞﯨﻦ ﭘﺮﯦﺰﯨﺪﯦﻨﺘﻠﯩﻖ ﺭﯨﻘﺎﺑﯩﺘﯩﮕﻪ ﭼﯜﺷﯜﺷﻰ ﺑﻮﻟﯘﭖ ﻗﺎﻟﯩﺪﯗ. ﻟﯧﻜﯩﻦ ﺳﺎﺭﺍ ﭘﯧﻴﻠﯩﻨﻨﻰ ﺭﻩﻗﯩﺒﻰ ﺩﯦﻤﻮﻛﯩﺮﺍﺗﻼﺭ ﻣﯘﺋﺎﯞﯨﻦ ﭘﺮﯦﺰﯨﺪﯦﻨﺖ ﻧﺎﻣﺰﺍﺗﻰ ﺟﺌﻮ ﺑﺎﻳﺪﯦﻨﻐﺎ ﺳﯧﻠﯩﺸﺘﯘﺭﻏﺎﻧﺪﺍ ﺗﺎﺷﻘﻰ ﺋﯩﺸﻼﺭ ﯞﻩ ﯞﺍﺷﯩﻨﮕﺘﻮﻧﺪﯨﻜﻰ ﻫﺎﻛﯩﻤﯩﻴﻪﺕ ﺋﯩﺸﻠﯩﺮﯨﺪﺍ ﺗﻪﺟﺮﯨﺒﯩﻠﯩﻚ ﺩﯦﮕﯩﻠﻰ ﺑﻮﻟﻤﺎﻳﺪﯗ. ﺑﯘ ﺳﺎﺭﺍ ﭘﯧﻴﻠﯩﻨﻨﯩﯔ ﺟﺌﻮ ﺑﺎﻳﺪﯦﻨﻐﺎ ﻧﯩﺴﺒﻪﺗﻪﻥ ﻛﯚﺭﯛﻧﻪﺭﻟﯩﻚ ﺋﺎﺟﯩﺰﻟﯩﻘﻰ ﺑﻮﻟﯘﺷﻰ ﻣﯘﻣﻜﯩﻦ.