ﺋﺎﻣﯧﺮﯨﻜﺎ ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻘﯩﻨﯩﯔ ﭘﻪﻳﺸﻪﻧﺒﻪ ﻛﯜﻧﯩﺪﯨﻜﻰ ﺧﻪﯞﯨﺮﯨﮕﻪ ﻗﺎﺭﯨﻐﺎﻧﺪﺍ، ﻳﺎﭘﻮﻧﯩﻴﻪ ﺑﺎﺵ ﻣﯩﻨﯩﺴﺘﯩﺮﻯ ﻓﯘﻛﻜﯘﺩﺍ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻐﺎ ﻗﺎﺗﻨﯩﺸﯩﺶ، ﻗﺎﺗﻨﺎﺷﻤﺎﺳﻠﯩﻖ ﻗﺎﺭﺍﺭﯨﻨﻰ 8 ‏ - ﺋﺎﯞﻏﯘﺳﺖ ﺑﯧﻴﺠﯩﯔ ﺋﻮﻟﯩﻤﭙﯩﻚ ﺋﯧﭽﯩﻠﯩﺶ ﻣﯘﺭﺍﺳﯩﻤﻰ ﻛﯜﻧﻰ ﺑﻪﻟﮕﯩﻠﻪﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﺗﯧﺨﻰ ﻳﯧﻘﯩﻨﺪﯨﻼ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺭﺍﺳﯩﻤﻰ ﺋﯚﺗﻜﯜﺯﯛﻟﯩﺪﯨﻐﺎﻥ ﻣﻪﻳﺪﺍﻧﻨﻰ ﺯﯨﻴﺎﺭﻩﺕ ﻗﯩﻠﯩﭗ ﻗﺎﻳﺘﯩﭗ ﻛﻪﻟﮕﻪﻥ، ﺏ ﺩ ﺕ ﻧﯩﯔ ﺑﺎﺵ ﻛﺎﺗﯩﭙﻰ ﺑﺎﻥ ﻛﯧﻤﯘﻥ، ﺧﯩﺰﻣﻪﺕ ﻛﯜﻥ ﺗﻪﺭﺗﯩﭙﻰ ﺋﻮﺭﯗﻧﻼﺷﺘﯘﺭﯗﺷﯩﻨﯩﯔ ﺯﯨﭽﻠﯩﻘﻰ ﺳﻪﯞﻩﺑﻠﯩﻚ ﺋﻮﻟﯩﻤﭙﯩﻜﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻐﺎ ﻗﺎﺗﻨﯩﺸﺎﻟﻤﺎﻳﺪﯨﻐﺎﻧﻠﯩﻘﯩﻨﻰ ﺗﯩﻠﻐﺎ ﺋﯧﻠﯩﭗ، ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﻪﻳﺪﺍﻧﯩﻨﯩﯔ ﻳﺎﺳﯩﻠﯩﺶ ﺗﯧﺨﻨﯩﻜﯩﺴﯩﻨﯩﯔ ﺋﯩﻨﺘﺎﻳﯩﻦ ﻳﯘﻗﯩﺮﻯ ﺋﯩﻜﻪﻧﻠﯩﻜﯩﻨﻰ، ﺷﯘﯕﺎ ﺋﯚﺯﯨﻨﯩﯔ ﺑﯘ ﻗﯧﺘﯩﻤﻘﻰ ﺗﻪﻧﺘﻪﺭﺑﯩﻴﻪ ﻣﯘﺭﺍﺳﯩﻤﯩﻨﯩﯔ ﺋﺎﺩﯨﻞ ﺭﯨﻘﺎﺑﻪﺕ، ﺋﯚﺯ ‏ - ﺋﺎﺭﺍ ﭼﯜﺷﯩﻨﯩﺶ، ﻫﻪﻣﻜﺎﺭﻟﯩﻖ ﻫﻪﻣﺪﻩ ﺋﯩﻨﺎﻗﻠﯩﻖ ﺋﯜﺳﺘﯩﮕﻪ ﻗﯘﺭﯗﻟﻐﺎﻥ ﺑﯩﺮ ﻣﯘﺳﺎﺑﯩﻘﻪ ﺑﻮﻟﯘﺷﯩﻨﻰ ﺋﯜﻣﯩﺪ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ.

ﻓﺮﺍﻧﺴﯩﻴﻪ ﭘﺮﯦﺰﯨﺪﯦﻨﺘﻰ ﺳﺎﺭﻛﻮﺯﻯ، ﺩﺍﻻﻱ ﻻﻣﺎ ﯞﻩﻛﯩﻠﻠﯩﺮﻯ ﺑﯩﻠﻪﻥ ﺑﯧﻴﺠﯩﯔ ﺗﻪﺭﻩﭖ ﺳﯚﻫﺒﻪﺕ ﻧﻪﺗﯩﺠﯩﺴﯩﻨﯩﯔ، ﺋﯘﻧﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻐﺎ ﻗﺎﺗﻨﯩﺸﯩﺸﯩﻨﻰ ﺑﻪﻟﮕﯩﻠﻪﻳﺪﯨﻐﺎﻥ ﺋﺎﺳﺎﺳﻠﯩﻖ ﺋﺎﻣﯩﻞ ﺋﯩﻜﻪﻧﻠﯩﻜﻰ ﺗﻮﻏﺮﯨﺴﯩﺪﯨﻜﻰ ﺑﺎﻳﺎﻧﺎﺗﻰ، ﺧﯩﺘﺎﻳﻨﯩﯔ ﻗﺎﺗﺘﯩﻖ ﻧﺎﺭﺍﺯﯨﻠﯩﻘﯩﻨﻰ ﻗﻮﺯﻏﯩﻐﺎﻥ ﺑﻮﻟﯘﭖ، ﻓﺮﺍﻧﺴﯩﻴﻪ ﺋﺎﮔﯧﻨﺘﻠﯩﻘﻰ ﺧﯩﺘﺎﻱ ﺋﻮﺭﮔﺎﻥ ﻣﻪﺗﺒﯘﺋﺎﺗﻠﯩﺮﯨﻨﯩﯔ ﺳﯚﺯﯨﻨﻰ ﻧﻪﻗﯩﻞ ﻛﻪﻟﺘﯜﺭﯛﭖ، " ﺟﯘﯕﮕﻮ ﺧﻪﻟﻘﻰ ﺳﺎﺭﻛﻮﺯﯨﻨﯩﯔ ﺋﻮﻟﯩﻤﭙﯩﻚ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻐﺎ ﻗﺎﺗﻨﯩﺸﯩﺸﯩﻨﻰ ﻗﺎﺭﺷﻰ ﺋﺎﻟﻤﺎﻳﺪﯗ" ﺩﯦﮕﻪﻧﻠﯩﻜﯩﻨﻰ ﺋﯧﻼﻥ ﻗﯩﻠﺪﻯ.

ﺋﻮﻟﯩﻤﭙﯩﻚ ﻛﻮﻣﯩﺘﯧﺘﯩﻨﯩﯔ ﻗﺎﺭﺍﺭ ﯞﻩ ﺗﯜﺯﯛﻣﻠﯩﺮﻯ ﺑﯘﻳﯩﭽﻪ، ﻫﻪﺭ ﺑﯩﺮ ﺩﯙﻟﻪﺕ ﺭﻩﻫﺒﯩﺮﻯ ﯞﻩ ﻫﯚﻛﯜﻣﻪﺕ ﺑﺎﺷﻠﯩﻘﻠﯩﺮﯨﻨﯩﯔ، ﺋﻮﻟﯩﻤﭙﯩﻚ ﺳﺎﻫﯩﭙﺨﺎﻧﻠﯩﻘﯩﻨﻰ ﺋﯜﺳﺘﯩﮕﻪ ﺋﺎﻟﻐﺎﻥ ﺩﯙﻟﻪﺕ ﺗﻪﺭﯨﭙﯩﺪﯨﻦ ﺭﻩﺳﻤﯩﻲ ﺗﻪﻛﻠﯩﭗ ﻗﯩﻠﯩﻨﯩﺸﻰ ﻫﻪﻣﺪﻩ ﺋﯧﺴﯩﻞ ﻣﯧﻬﻤﺎﻥ ﺳﯜﭘﯩﺘﯩﺪﻩ ﺋﻮﻟﯩﻤﭙﯩﻚ ﻣﯘﺭﺍﺳﯩﻤﯩﻨﯩﯔ ﭘﺎﺋﺎﻟﯩﻴﻪﺗﻠﯩﺮﯨﮕﻪ ﻗﺎﺗﻨﯩﺸﯩﺸﻰ ﺑﯧﻜﯩﺘﯩﻠﮕﻪﻥ.