ﺋﯘﺯﯗﻥ ﻳﯩﻠﻼﺭﺩﯨﻦ ﺑﯘﻳﺎﻥ ﺗﺎﻻﺵ - ﺗﺎﺭﺗﯩﺶ ﺗﯜﺳﯩﻨﻰ ﺋﺎﻟﻐﺎﻥ ﻣﻪﺯﻛﯘﺭ ﺋﯩﻜﻜﻰ ﺋﺎﺭﺍﻝ ﻛﯧﻠﯩﺸﯩﻢ ﺑﻮﻳﯩﭽﻪ ﺧﯩﺘﺎﻳﻐﺎ ﺑﯧﺮﯨﻠﮕﻪﻥ ﺑﻮﻟﯘﭖ. ﺗﯚﺕ ﻳﯩﻠﺪﯨﻦ ﺑﯘﻳﺎﻥ ﺋﯩﻜﻜﻰ ﺗﻪﺭﻩﭖ ﺑﯘ ﻳﻪﺭﺩﯨﻜﻰ ﭼﯧﮕﺮﺍ ﻟﯩﻨﯩﻴﯩﻠﯩﺮﯨﻨﻰ ﻗﺎﻳﺘﯩﺪﯨﻦ ﺳﯩﺰﯨﭗ ﺑﯧﻜﯩﺘﯩﭗ ﭼﯩﻘﻘﺎﻥ. ﺭﯗﺳﯩﻴﻪ ﺑﯩﺨﻪﺗﻪﺭﻟﯩﻚ ﺋﯩﺪﺍﺭﯨﺴﯩﻨﯩﯔ ﭼﯧﮕﺮﺍ ﻣﯘﺩﺍﭘﯩﺌﻪ ﺋﻪﻣﻪﻟﺪﺍﺭﻟﯩﺮﻯ ﺑﯘ ﻳﯩﻞ 8 - ﺋﺎﻳﺪﺍ ﺭﯗﺳﯩﻴﯩﻨﯩﯔ ﺭﻩﺳﻤﻰ ﻳﻮﺳﯘﻧﺪﺍ ﭼﻮﯓ ﺋﯘﺳﺴﯘﺭﯨﻴﺴﻜﯩﻲ ﺩﻩﭖ ﺋﺎﺗﺎﻟﻐﺎﻥ ﻣﻪﺯﻛﯘﺭ ﺋﯩﻜﻜﻰ ﺋﺎﺭﺍﻟﻨﻰ ﺧﯩﺘﺎﻱ ﺗﻪﺭﻩﭘﻜﻪ ﺗﺎﭘﺸﯘﺭﯗﭖ ﺑﯧﺮﯨﺪﯨﻐﺎﻧﻠﯩﻘﯩﻨﻰ ﺋﺎﺷﻜﺎﺭﯨﻠﯩﻐﺎﻥ.

ﺭﯗﺳﯩﻴﻪ ﺑﯩﻠﻪﻥ ﺧﯩﺘﺎﻱ ﺋﺎﺭﯨﺴﯩﺪﺍ 4000 ﻛﯩﻠﻮﻣﯧﺘﺮﻟﯩﻖ ﭼﯧﮕﺮﺍ ﻣﯘﺳﺎﭘﯩﺴﻰ ﻣﻪﯞﺟﯘﺕ ﺑﻮﻟﯘﭖ، ﺑﯘﻻﺭﻧﯩﯔ ﺋﯩﭽﯩﺪﻩ ﺧﯧﻠﻰ ﻛﯚﭖ ﺗﺎﻻﺵ - ﺗﺎﺭﺗﯩﺸﻠﯩﻖ ﻧﯘﻗﺘﯩﻼﺭ ﺑﺎﺭ ﺋﯩﺪﻯ. 2004 - ﻳﯩﻠﻰ ﺧﯘ ﺟﯩﻨﺘﺎﯞ ﺑﯩﻠﻪﻥ ﯞﻻﺩﯨﻤﯩﺮ ﭘﯘﺗﯩﻦ ﻣﻪﺯﻛﯘﺭ ﺗﺎﻻﺵ - ﺗﺎﺭﺗﯩﺸﻼﺭﻧﻰ ﺋﺎﺧﯩﺮﻻﺷﺘﯘﺭﯗﭖ، ﭼﯧﮕﺮﯨﻼﺭﻧﻰ ﻣﯘﻗﯩﻤﻼﺷﺘﯘﺭﺩﻯ. ﻟﯧﻜﯩﻦ، ﺧﯩﺘﺎﻱ ﺩﻩﺭﺳﻠﯩﻚ ﻛﯩﺘﺎﺑﻠﯩﺮﻯ ﻫﻪﻣﺪﻩ ﻣﯩﻠﻠﻪﺗﭽﯩﻠﯩﺮﯨﻨﯩﯔ ﺗﻪﺷﯟﯨﻘﺎﺗﻠﯩﺮﯨﺪﺍ ﺭﯗﺳﯩﻴﯩﻨﯩﯔ ﺧﯩﺘﺎﻳﻨﯩﯔ ﺑﯩﺮ ﻳﯧﺮﯨﻢ ﻣﯩﻠﻴﻮﻥ ﻛﯟﺍﺩﺭﺍﺕ ﻛﯩﻠﻮﻣﯧﺘﯩﺮ ﺯﯦﻤﯩﻨﯩﻨﻰ ﺑﯧﺴﯩﯟﺍﻟﻐﺎﻧﻠﯩﻘﻰ، ﺗﯧﺨﻰ ﻧﯘﺭﻏﯘﻥ ﺟﺎﻳﻼﺭﻧﯩﯔ ﻗﺎﻳﺘﯘﺭﯗﻟﻤﯩﻐﺎﻧﻠﯩﻘﻰ ﻫﻪﻗﻘﯩﺪﯨﻜﻰ ﺗﻪﺷﯟﯨﻘﺎﺗﻼﺭ ﻳﻪﻧﯩﻼ ﺩﺍﯞﺍﻣﻼﺷﻤﺎﻗﺘﺎ.

ﺋﻪﻧﻪ ﺷﯘﻧﺪﺍﻕ ﭼﯧﮕﺮﺍ ﺟﯧﯖﻰ 1969 - ﻳﯩﻠﻰ ﺟﯧﻨﺒﺎﯞﺩﺍﯞﺩﺍ ﻳﯜﺯ ﺑﻪﺭﮔﻪﻥ ﺑﻮﻟﯘﭖ، ﺳﺎﺑﯩﻖ ﺳﻮﯞﯦﺖ ﺋﯩﺘﺘﯩﭙﺎﻗﻰ ﻗﻮﺷﯘﻧﻠﯩﺮﻯ ﺑﯩﻠﻪﻥ ﺧﯩﺘﺎﻱ ﺋﺎﺭﻣﯩﻴﯩﺴﻰ ﺑﯘ ﺋﺎﺭﺍﻟﻨﻰ ﺗﺎﻟﯩﺸﯩﭗ، ﺑﯩﺮ ﻗﻪﭘﻪﺯ ﺋﯧﻠﯩﺸﻘﺎﻥ. ﻛﯧﻴﯩﻦ ﺑﯘ ﺋﺎﺭﺍﻝ ﺧﯩﺘﺎﻱ ﺗﻪﺭﻩﭘﻜﻪ ﻗﺎﻳﺘﯘﺭﯗﭖ ﺑﯧﺮﯨﻠﮕﻪﻥ ﺋﯩﺪﻯ.

ﻣﻪﺯﻛﯘﺭ ﺋﺎﺭﺍﻟﻼﺭ 8 - ﺋﺎﻳﺪﺍ ﻗﺎﻳﺘﯘﺭﯗﻟﻐﺎﻧﺪﯨﻦ ﻛﯧﻴﯩﻦ، ﺧﯩﺘﺎﻱ ﺑﯩﻠﻪﻥ ﺭﯗﺳﯩﻴﯩﻨﯩﯔ ﻣﻪﺯﻛﯘﺭ ﺋﺎﺭﺍﻝ ﺋﯜﺳﺘﯩﺪﯨﻜﻰ ﭼﯧﮕﺮﯨﺴﻰ ﺧﺎﺑﺎﺭﻭﯞﺳﻜﯩﻲ ﺷﻪﻫﯩﺮﯨﺪﯨﻦ 10 ﻛﯩﻠﻮﻣﯧﺘﯩﺮ ﻧﯧﺮﯨﻐﺎ ﺟﺎﻳﻠﯩﺸﯩﺪﯗ. ﺩﯦﻤﻪﻙ، ﺧﯩﺘﺎﻱ ﭼﯧﮕﺮﺍ ﺳﺎﻗﭽﯩﻠﯩﺮﻯ ﺧﺎﺑﺎﺭﻭﯞﺳﻜﯩﻲ ﺷﻪﻫﯩﺮﯨﺪﯨﻦ 10 ﻛﯩﻠﻮﻣﯧﺘﯩﺮ ﻳﯧﻘﯩﻦ ﺟﺎﻳﻐﺎ ﺋﻮﺭﯗﻧﻠﯩﺸﯩﺪﯗ. ﺑﯘ ﺋﻪﻫﯟﺍﻝ ﺭﯗﺳﯩﻴﻪ ﭘﯘﻗﺮﺍﻟﯩﺮﻯ ﯞﻩ ﻣﯩﻠﻠﻪﺗﭽﯩﻠﯩﺮﯨﻨﯩﯔ ﻗﺎﺗﺘﯩﻖ ﻧﺎﺭﺍﺯﯨﻠﯩﻘﯩﻨﻰ ﻗﻮﺯﻏﯩﻐﺎﻥ ﺑﻮﻟﯘﭖ، ﺋﯘﻻﺭ ﺋﯚﺯ ﻫﯚﻛﯜﻣﯩﺘﯩﻨﻰ ﺋﯩﺴﺘﺮﺍﺗﯧﮕﯩﻴﯩﻠﯩﻚ ﺋﻮﺭﻧﻰ ﺋﯩﻨﺘﺎﻳﯩﻦ ﻣﯘﻫﯩﻢ ﻫﯧﺴﺎﺑﻼﻧﻐﺎﻥ ﻣﻪﺯﻛﯘﺭ ﺋﺎﺭﺍﻟﻼﺭﻧﻰ ﺧﯩﺘﺎﻳﻐﺎ ﻛﯧﺴﯩﭗ ﺑﻪﺭﻣﻪﺳﻠﯩﻜﻜﻪ ﭼﺎﻗﯩﺮﻏﺎﻥ ﺋﯩﺪﻯ.