ﺭﯗﺳﯩﻴﻪ - ﺧﯩﺘﺎﻱ ﺋﺎﺭﯨﺴﯩﺪﺍ ﭼﯧﮕﺮﺍ ﻛﯧﻠﯩﺸﯩﻤﻰ ﺋﯩﻤﺰﺍﻻﻧﺪﻯ

مۇخبىرىمىز جۈمە خەۋىرى

2008-07-21

21 - ﺋﯩﻴﯘﻥ ﺩﯛﺷﻪﻧﺒﻪ ﻛﯜﻧﻰ ﺭﯗﺳﯩﻴﻪ - ﺧﯩﺘﺎﻱ ﺋﺎﺭﯨﺴﯩﺪﺍ ﭼﯧﮕﺮﺍ ﻛﯧﻠﯩﺸﯩﻤﻰ ﺋﯩﻤﺰﺍﻻﻧﻐﺎﻥ ﺑﻮﻟﯘﭖ، ﺷﯘﻧﯩﯔ ﺑﯩﻠﻪﻥ ﻣﻪﺯﻛﯘﺭ ﺋﯩﻜﻜﻰ ﺩﯙﻟﻪﺕ ﺋﺎﺭﯨﺴﯩﺪﺍ ﺋﯘﺯﯗﻧﺪﯨﻦ ﺑﯘﻳﺎﻥ ﺗﺎﻻﺵ ‏ - ﺗﺎﺭﺗﯩﺸﺘﯩﻜﻰ ﺷﻪﺭﻗﯩﻲ ﭼﯧﮕﺮﺍ ﻣﻪﺳﯩﻠﯩﺴﻰ ﻫﻪﻝ ﺑﻮﻟﻐﺎﻥ.

ﻛﯧﻠﯩﺸﯩﻢ ﺋﯩﻤﺰﺍﻻﺵ ﻣﯘﺭﺍﺳﯩﻤﻰ ﺧﯩﺘﺎﻱ ﭘﺎﻳﺘﻪﺧﺘﻰ ﺑﯧﻴﺠﯩﯖﺪﺍ ﺋﯚﺗﻜﯜﺯﯛﻟﮕﻪﻥ ﺑﻮﻟﯘﭖ، ﻛﯧﻠﯩﺸﯩﻤﮕﻪ ﺭﯗﺳﯩﻴﻪ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﺳﯧﺮﮔﯧﻲ ﻻﯞﺭﻭﻑ ﯞﻩ ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﻳﺎﯓ ﺟﻴﯧﭽﯩﻼﺭ ﺋﯩﻤﺰﺍ ﻗﻮﻳﻐﺎﻥ.

ﻓﺮﺍﻧﺴﯩﻴﻪ ﺋﺎﮔﯧﻨﺘﻠﯩﻘﯩﻨﯩﯔ ﻧﻪﻗﯩﻞ ﺋﯧﻠﯩﭗ ﻛﯚﺭﺳﯩﺘﯩﺸﯩﭽﻪ، ﺭﯗﺳﯩﻴﻪ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﺳﯧﺮﮔﯧﻲ ﻻﯞﺭﻭﻑ ﻣﻪﺯﻛﯘﺭ ﭼﯧﮕﺮﺍ ﻛﯧﻠﯩﺸﯩﻤﯩﻨﯩﯔ ﺋﯩﻤﺰﺍﻟﯩﻨﯩﺸﻰ، ﻣﯘﻗﯩﻤﻠﯩﻖ، ﺋﯚﺯ ‏ - ﺋﺎﺭﺍ ﻣﻪﻧﭙﻪﺋﻪﺕ ﯞﻩ ﻫﻪﻣﻜﺎﺭﻟﯩﻘﻘﺎ ﺷﻪﺭﺕ ﻫﺎﺯﯨﺮﻻﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﮔﻪﺭﭼﻪ ﻛﯧﻠﯩﺸﯩﻤﮕﻪ ﺋﯩﻤﺰﺍ ﻗﻮﻳﻐﯘﭼﻰ ﻫﻪﺭ ﺋﯩﻜﻜﻰ ﺗﻪﺭﻩﭖ ﻛﯧﻠﯩﺸﯩﻤﻨﯩﯔ ﺗﻮﻟﯘﻕ ﻣﻪﺯﻣﯘﻧﻠﯩﺮﻯ ﺋﯜﺳﺘﯩﺪﻩ ﻫﯧﭽﻘﺎﻧﺪﺍﻕ ﺗﻪﭘﺴﯩﻠﯩﻲ ﻣﻪﻟﯘﻣﺎﺕ ﺑﻪﺭﻣﯩﮕﻪﻥ ﺑﻮﻟﺴﯩﻤﯘ، ﺋﻪﻣﻤﺎ ﺧﻪﯞﻩﺭﻟﻪﺭﺩﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ، ﺭﯗﺳﭽﻪ ﺗﺎﺭﺍﺑﺎﺭﻭﻑ ﺩﻩﭖ ﺋﺎﺗﯩﻠﯩﺪﯨﻐﺎﻥ ﻳﯩﻨﻠﯘﯓ ﺋﺎﺭﯨﻠﯩﻨﯩﯔ ﻫﻪﻣﻤﯩﺴﻰ ﯞﻩ ﺑﻮﻟﺸﻮﻱ ﺋﯘﺳﺴﯘﺭﯨﺴﻜﻲ ﻳﻪﻧﻰ ﺧﯧﻴﺸﯩﻴﺎﺯﻯ ﺋﺎﺭﯨﻠﯩﻨﯩﯔ ﻳﯧﺮﯨﻤﻰ ﺧﯩﺘﺎﻳﻐﺎ ﻗﺎﻳﺘﯘﺭﯗﻟﯩﺪﯨﻜﻪﻥ.

ﺭﯗﺳﯩﻴﻪ - ﺧﯩﺘﺎﻱ ﭼﯧﮕﺮﺍ ﺩﻩ‏ - ﺗﺎﻟﯩﺸﻰ ﭼﺎﺭﺭﯗﺳﯩﻴﻪ ﺩﻩﯞﺭﯨﺪﯨﻼ ﻣﻪﯞﺟﯘﺕ ﺑﻮﻟﯘﭖ، ﻫﻪﺗﺘﺎ 1960 - ﯞﻩ 70 ‏ - ﻳﯩﻠﻼﺭﺩﺍ ﺑﯘ ﺋﯩﻜﻜﻰ ﺩﯙﻟﻪﺕ ﺋﺎﺭﯨﺴﯩﺪﺍ ﻗﻮﺭﺍﻟﻠﯩﻖ ﺗﻮﻗﯘﻧﯘﺷﻼﺭﻣﯘ ﻳﯜﺯ ﺑﻪﺭﮔﻪﻥ ﺋﯩﺪﻯ.