ﺭﯗﺳﯩﻴﻪ ﺋﺎﮔﯧﻨﺘﻠﯩﻘﻠﯩﺮﯨﻨﯩﯔ ﺋﯘﭼﯘﺭﻟﯩﺮﯨﻐﺎ ﺋﺎﺳﺎﺳﻼﻧﻐﺎﻧﺪﺍ، ﺋﯧﺴﺘﻮﻧﯩﻴﻪ ﯞﻩ ﻻﺗﯟﯨﻴﻪ ﻫﯚﻛﯜﻣﯩﺘﻰ ﺷﻪﻧﺒﻪ ﻛﯜﻧﻰ ﺩﯙﻟﻪﺕ ﺑﺎﻳﺮﯨﻘﯩﻨﻰ ﻳﯧﺮﯨﻢ ﭼﯜﺷﯜﺭﯛﺷﻨﻰ ﺑﯘﻳﺮﯗﻕ ﻗﯩﻠﻐﺎﻥ ﺑﻮﻟﯘﭖ، ﺑﯘ ﺋﺎﺭﻗﯩﻠﯩﻖ 1941 - ﻳﯩﻠﻰ ﺳﺘﺎﻟﯩﻦ ﻫﯚﻛﯜﻣﯩﺘﯩﻨﯩﯔ ﻣﯩﯖﻠﯩﻐﺎﻥ ﻛﯩﺸﯩﻠﻪﺭﻧﻰ ﺳﯜﺭﮔﯜﻥ ﻗﯩﻠﻐﺎﻧﻠﯩﻘﻰ ﯞﻩ ﺋﯚﻟﺘﯜﺭﮔﻪﻧﻠﯩﻜﯩﻨﻰ ﺧﺎﺗﯩﺮﯨﻠﯩﮕﻪﻥ. ﺋﯘﻛﺮﺍﺋﯩﻨﯩﻴﯩﺪﯨﻤﯘ ﺗﯜﺭﻟﯜﻙ ﺷﻪﻛﯩﻠﺪﻩ ﺧﺎﺗﯩﺮﯨﻠﻪﺵ ﭘﺎﺋﺎﻟﯩﻴﻪﺗﻠﯩﺮﻯ ﺋﯘﻳﯘﺷﺘﯘﺭﯗﻟﻐﺎﻥ.

ﻻﺗﯟﯨﻴﻪ ﻫﯚﻛﯜﻣﯩﺘﻰ 14 - ﺋﯩﻴﯘﻧﻨﻰ "ﻛﻮﻣﻤﯘﻧﯩﺴﺘﻼﺭﻧﯩﯔ ﻣﯩﻠﻠﯩﻲ ﻗﯩﺮﻏﯩﻨﭽﯩﻠﯩﻘﯩﺪﺍ ﻗﺎﺯﺍﻏﺎ ﺋﯘﭼﺮﯨﻐﺎﻧﻼﺭﻧﻰ ﺧﺎﺗﯩﺮﯨﻠﻪﺵ ﻛﯜﻧﻰ" ﻗﯩﻠﯩﭗ ﺑﯧﻜﯩﺘﻜﻪﻥ. ﭼﯜﻧﻜﻰ ﺑﯘ ﻛﯜﻧﻰ ﺳﺘﺎﻟﯩﻦ ﻫﯚﻛﯜﻣﯩﺘﻰ 15 ﻣﯩﯔ ﻻﺗﯟﯨﻴﯩﻠﯩﻜﻨﻰ ﺋﻮﺗﺘﯘﺭﺍ ﺋﺎﺳﯩﻴﺎﻏﺎ ﺳﯜﺭﮔﯜﻥ ﻗﯩﻠﻐﺎﻥ ﺑﻮﻟﯘﭖ، ﺑﯘﻻﺭﻧﯩﯔ ﺋﯩﭽﯩﺪﻩ ﺗﯚﺕ ﻣﯩﯖﺪﯨﻦ ﺋﺎﺭﺗﯘﻕ ﺋﯚﺳﻤﯜﺭ ﺑﺎﻟﯩﻼﺭ ﺑﺎﺭ ﺋﯩﺪﻯ.

ﺳﺘﺎﻟﯩﻦ ﺭﻩﻫﺒﻪﺭﻟﯩﻜﯩﺪﯨﻜﻰ ﺳﻮﯞﯦﺖ ﻛﻮﻣﻤﯘﻧﯩﺴﺘﻠﯩﺮﻯ ﻳﻪﻧﻪ 1937 - 1938 - ﻳﯩﻠﻠﯩﺮﯨﺪﯨﻤﯘ ﻛﻪﯓ ﻛﯚﻟﻪﻣﻠﯩﻚ ﺗﺎﺯﯨﻼﺵ ﺋﯧﻠﯩﭗ ﺑﯧﺮﯨﭗ، ﺑﯩﺮ ﻗﺎﻧﭽﻪ ﻣﯩﻠﻴﻮﻥ ﺋﺎﺋﯩﻠﯩﻨﯩﯔ ﯞﻩﻳﺮﺍﻥ ﺑﻮﻟﯘﺷﻰ، ﺳﺎﻧﺴﯩﺰﻟﯩﻐﺎﻥ ﺋﺎﺩﻩﻣﻠﻪﺭﻧﯩﯔ ﻫﺎﻳﺎﺗﯩﺪﯨﻦ ﺋﺎﻳﺮﯨﻠﯩﺸﯩﻨﻰ ﻛﻪﻟﺘﯜﺭﯛﭖ ﭼﯩﻘﺎﺭﻏﺎﻥ ﺋﯩﺪﻯ. ﻳﯧﻘﯩﻨﺪﺍ ﺳﺎﺑﯩﻖ ﺳﻮﯞﯦﺖ ﺭﻩﻫﺒﯩﺮﻯ ﮔﻮﺭﺑﺎﭼﯧﯟ ﺋﻪﻧﻪ ﺷﯘ ﺳﺘﺎﻟﯩﻦ ﺩﻩﯞﺭﯨﺪﯨﻜﻰ ﻗﯘﺭﺑﺎﻥ ﻗﯩﻠﯩﻨﻐﺎﻥ ﺋﺎﺩﻩﻣﻠﻪﺭ ﺋﯜﭼﯜﻥ ﺧﺎﺗﯩﺮﻩ ﻣﯘﻧﺎﺭﯨﺴﻰ ﺗﯩﻜﻠﻪﺷﻨﻰ ﺗﻪﺷﻪﺑﺒﯘﺱ ﻗﯩﻠﻐﺎﻥ ﺋﯩﺪﻯ.