ﺋﺎﻣﯧﺮﯨﻜﺎ ﻓﯧﺪﯦﺮﺍﻝ ﺋﻪﺭﺯﯨﻴﻪﺕ ﺳﻮﺕ ﻛﻮﻟﻠﯧﮕﯩﻴﯩﺴﻰ 30 - ﺋﯩﻴﯘﻥ ﻛﯜﻧﻰ ﺋﯧﻼﻥ ﻗﯩﻠﻐﺎﻥ ﻗﺎﺭﺍﺭﯨﺪﺍ، ﺋﺎﻣﯧﺮﯨﻜﺎ ﻫﯚﻛﯜﻣﯩﺘﯩﻨﻰ ﮔﯜﻩﻧﺘﺎﻧﺎﻣﻮ ﻫﻪﺭﺑﯩﻲ ﺗﯜﺭﻣﯩﺴﯩﺪﻩ ﻳﯧﺘﯩﯟﺍﺗﻘﺎﻥ ﺋﯘﻳﻐﯘﺭ ﻣﻪﻫﺒﯘﺱ ﭘﻪﺭﻫﺎﺗﻨﻰ ﺋﯩﻨﺘﺎﻳﯩﻦ ﺗﯘﺗﯘﺭﯗﻗﺴﯩﺰ ﯞﻩ ﻛﯧﻠﯩﺶ ﻣﻪﻧﺒﯩﻴﻰ ﺋﯧﻨﯩﻖ ﺑﻮﻟﻤﯩﻐﺎﻥ ﺩﻩﻟﯩﻞ - ﺋﯩﺴﭙﺎﺗﻼﺭ ﺑﯩﻠﻪﻥ ﺗﯘﺗﯘﭖ ﺗﯘﺭﯗﯞﺍﺗﯩﺪﯗ ﺩﻩﭖ ﺋﻪﻳﯩﺒﻠﯩﮕﻪﻥ ﺋﯩﺪﻯ.

ﻣﺎﻗﺎﻟﯩﺪﻩ ﭘﻪﺭﻫﺎﺗﻨﯩﯔ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭ ﺋﯧﻠﯩﺪﻩ ﺋﯘﻳﻐﯘﺭﻻﺭﻏﺎ ﻗﺎﺭﺍﺗﻘﺎﻥ ﺩﻩﭘﺴﻪﻧﺪﯨﭽﯩﻠﯩﻚ ﺳﯩﻴﺎﺳﯩﺘﻰ ﺗﯜﭘﻪﻳﻠﻰ، 2001 - ﻳﯩﻠﻰ ﺧﯩﺘﺎﻳﺪﯨﻦ ﻗﯧﭽﯩﭗ ﭼﯩﻘﻘﺎﻧﻠﯩﻘﻰ ﻫﻪﻣﺪﻩ ﺋﺎﻓﻐﺎﻧﯩﺴﺘﺎﻧﺪﺍ ﺧﯩﺘﺎﻳﻐﺎ ﻗﺎﺭﺷﻰ ﺋﯘﻳﻐﯘﺭﻻﺭ ﻳﯩﻐﯩﻠﻐﺎﻥ ﺑﯩﺮ ﻣﯘﺳﺎﭘﯩﺮﻻﺭ ﻻﮔﯧﺮﯨﺪﺍ ﭘﺎﻧﺎﻫﻼﻧﻐﺎﻧﻠﯩﻘﻰ، 2002 - ﻳﯩﻠﻰ ﻣﻪﺯﻛﯘﺭ ﻻﮔﯧﺮ ﺋﺎﻣﯧﺮﯨﻜﯩﻨﯩﯔ ﻫﺎﯞﺍ ﻫﯘﺟﯘﻣﯩﺪﺍ ﭘﺎﭼﺎﻗﻼﻧﻐﺎﻧﺪﯨﻦ ﻛﯧﻴﯩﻦ، ﺑﯘ ﻳﻪﺭﺩﯨﻜﻰ ﺋﯘﻳﻐﯘﺭﻻﺭﻧﯩﯔ ﭘﺎﻛﯩﺴﺘﺎﻧﻐﺎ ﻗﯧﭽﯩﭗ ﻛﻪﻟﮕﻪﻧﻠﯩﻜﻰ ﻫﻪﻣﺪﻩ ﺋﯘﻻﺭﻧﯩﯔ ﺷﯘ ﻳﻪﺭﺩﻩ ﻗﻮﻟﻐﺎ ﭼﯜﺷﯜﭖ ﺋﺎﻣﯧﺮﯨﻜﺎ ﺗﻪﺭﻩﭘﻜﻪ ﺋﯚﺗﻜﯜﺯﯛﻟﯜﭖ ﺑﯧﺮﯨﻠﮕﻪﻧﻠﯩﻜﻰ ﻛﯚﺭﺳﯩﺘﯩﻠﮕﻪﻥ.

ﺧﻪﯞﻩﺭﺩﻩ ﺳﻮﺕ ﻫﯚﻛﯜﻣﻨﺎﻣﯩﻠﯩﺮﯨﺪﯨﻦ ﻧﻪﻗﯩﻞ ﺋﯧﻠﯩﭗ ﻛﯚﺭﺳﯩﺘﯩﺸﯩﭽﻪ، ﭘﻪﺭﻫﺎﺗﻨﯩﯔ ﺋﻪﻟﻘﺎﺋﯩﺪﻩ ﻳﺎﻛﻰ ﺗﺎﻟﯩﺒﺎﻥ ﺋﻪﺯﺍﺳﻰ ﺋﻪﻣﻪﺳﻠﯩﻜﻰ، ﺋﺎﻣﯧﺮﯨﻜﺎ ﯞﻩ ﺋﯩﺘﺘﯩﭙﺎﻗﺪﺍﺷﻠﯩﺮﯨﻐﺎ ﻗﺎﺭﺷﻰ ﻛﯜﺭﻩﺵ ﻗﯩﻠﻐﺎﻧﻠﯩﻖ ﺗﺎﺭﯨﺨﻰ ﻳﻮﻗﻠﯘﻗﻰ ﻛﯚﺭﺳﯩﺘﯩﻠﮕﻪﻥ ﻫﻪﻣﺪﻩ ﻳﻪﻧﻪ 2003 - ﻳﯩﻠﯩﻤﯘ، ﭘﻪﺭﻫﺎﺗﻨﯩﯔ ﺩﯦﻠﻮﺳﯩﻨﻰ ﻛﯚﺯﺩﯨﻦ ﻛﻪﭼﯜﺭﮔﻪﻥ ﺑﯩﺮ ﻫﻪﺭﺑﯩﻲ ﺋﻪﻣﻪﻟﺪﺍﺭﻧﯩﯖﻤﯘ ﭘﻪﺭﻫﺎﺗﻨﻰ ﻗﻮﻳﯘﯞﯦﺘﯩﺸﻨﻰ ﺗﻪﯞﺳﯩﻴﻪ ﻗﯩﻠﻐﺎﻧﻠﯩﻘﯩﻨﻰ ﺋﯘﻗﺘﯘﺭﻏﺎﻥ ﻫﻪﺗﺘﺎ ﺋﺎﻣﯧﺮﯨﻜﺎ ﻫﻪﺭﺑﯩﻲ ﺳﻮﺗﯩﻨﯩﯖﻤﯘ ﭘﻪﺭﻫﺎﺗﻨﻰ ﻗﻮﻳﯘﭖ ﺑﯧﺮﯨﻠﯩﺪﯨﻐﺎﻥ ﻛﺎﻧﺪﯨﺪﺍﺗﻼﺭ ﺗﯩﺰﯨﻤﻠﯩﻜﯩﮕﻪ ﻛﯩﺮﮔﯜﺯﮔﻪﻥ ﺑﻮﻟﺴﯩﻤﯘ، ﺋﯘﻧﯩﯔ ﻳﻪﻧﻪ 6 ﻳﯩﻠﺪﯨﻦ ﺑﯧﺮﻯ ﻣﻪﺯﻛﯘﺭ ﺗﯜﺭﻣﯩﺪﻩ ﺋﯩﺰﺗﯩﺮﺍﭖ ﭼﯧﻜﯩﭗ ﻛﻪﻟﮕﻪﻧﻠﯩﻜﻰ ﺑﯩﻠﺪﯛﺭﯛﻟﮕﻪﻥ.

ﭘﻪﺭﻫﺎﺕ ﺋﯜﺳﺘﯩﺪﻩ ﺑﯘ ﻳﯩﻞ ﺋﺎﭘﺮﯦﻠﻨﯩﯔ ﺑﯧﺸﯩﺪﺍ ﺋﯧﭽﯩﻠﻐﺎﻥ ﺳﻮﺗﻨﯩﯔ ﻗﺎﺭﺍﺭﻯ 23 - ﺋﯩﻴﯘﻥ ﺋﯧﻼﻥ ﻗﯩﻠﻐﺎﻥ ﺑﻮﻟﯘﭖ، ﺋﺎﻣﯧﺮﯨﻜﺎ ﻓﯧﺪﯦﺮﺍﺗﺴﯩﻴﻪ ﺋﻪﺭﺯﯨﻴﻪﺕ ﺳﻮﺗﻰ ﻗﺎﺭﺍﺭﺩﺍ ﭘﻪﺭﻫﺎﺗﻨﻰ ﺩﻩﺭﻫﺎﻝ ﻗﻮﻳﯘﯞﯦﺘﯩﺸﻨﻰ ﺑﻪﻟﮕﯩﻠﯩﮕﻪﻥ ﻫﻪﻣﺪﻩ 30 - ﺋﯩﻴﯘﻥ ﺳﻮﺕ ﺋﯩﺰﺍﻫﺎﺗﯩﻨﯩﯔ ﺑﯩﺮ ﻗﯩﺴﯩﻤﯩﻨﻰ ﺋﺎﺷﻜﺎﺭﯨﻠﯩﻐﺎﻥ ﺋﯩﺪﻯ.

ﺷﯘﻧﯩﯔ ﺑﯩﻠﻪﻥ ﺋﺎﻣﯧﺮﯨﻜﺎ ﯞﻩ ﺑﺎﺷﻘﺎ ﻏﻪﺭﺏ ﻣﻪﺗﺒﯘﺋﺎﺗﻠﯩﺮﯨﺪﺍ ﺑﯘﺵ ﻫﯚﻛﯜﻣﯩﺘﯩﻨﯩﯔ ﮔﯜﻩﻧﺘﺎﻧﺎﻣﻮ ﻫﻪﺭﺑﯩﻲ ﺗﯜﺭﻣﯩﺴﻰ ﻫﻪﻗﻘﯩﺪﯨﻜﻰ ﭘﻮﺯﯨﺘﺴﯩﻴﯩﺴﻰ ﻛﻪﯓ ﺋﻮﺭﯗﻥ ﺋﺎﻟﻐﺎﻥ ﻫﻪﺗﺘﺎ ﺋﻪﻳﯩﺒﻠﯩﻨﯩﭗ ﻛﻪﻟﻤﻪﻛﺘﻪ ﺋﯩﺪﻯ.