"Җәнубий җуңго әтигәнлик почтиси гезити" ниң хәвәр қилишичә, 8‏ - Айда хитай чоң қуруқлуқидики Sina.con Қатарлиқ чоң тор бәтләрдә хитай һәрбий қисимлириниң вейтнамға қаратқан һәрбий ишғалийәт пиланиниң тәпсилий деталлири елан қилинғандин кейин, вейтнам һөкүмити хитайниң бир юқири дәриҗилик депломатини икки қетим чақиртип, хитай тор бәтлиридә елан қилинған мәзкур пиландин биарам болғанлиқини билдүргән.

Уруш пиланида хитай тәрәп 310 миң кишилик қошунни сәпәрвәр қилидиған, дәсләпки бәш күндә вейтнамға қуруқлуқ, деңиз вә һавадин башқурулидиған бомба атидиған, андин вейтнамға гуаңши, йүннән, деңиздин бесип кирип, 31 күндә вейтнамға қаратқан ишғалийәтни тамамлаш оттуриға қоюлған.

Лекин хитай тор бәтлиридә елан қилинған мәзкур уруш пилани хитай даирилириниң рәсмий мәйданиға вәкиллик қилидиғанлиқи яки буниң бир һәрбий тәсәввурдин ибарәт икәнлики тәкитләнмигән. Уруш пиланида мундақ дейилгән": вейтнам җуңго территорийисигә чоң тәһдит, җуңгониң тинчлиқидики тосалғу.... Шундақла вейтнам шәрқий җәнуби асиядики истратегийилик йетәкчи күч. Җуңго шәрқий җәнуби асияни контроллуқиға алмақчи болса алди билән вейтнам бойсундурулуши керәк?"

"Җәнубий җуңго әтигәнлик почтиси гезити" ниң әскәртишичә, вейтнам ташқий ишлар министирлиқи баянатчиси ле дуң вейтнам һөкүмитиниң хитай даирилиригә етиразда болғанлиқини етирап қилған. Лекин хитай ташқий ишлар министирлиқи баянатчиси, интернеттики бу учур хитай һөкүмитиниң мәйданиға вәкиллик қилмайдиғанлиқини билдүргән.

Пикир - Қарашлириңизни оттуриға қойуң

Пикир - Байанлириңиз тор башқурғучиси тәрипидин тәстиқлиниши керәк болуп, тор бәттә шу заман елан қилинмайду. Бир аз вақиттин кейин, пикир - Байанлириңизниң тәстиқланған йаки тәстиқланмиғанлиқини қайта тәкшүрүп көрүшигизни сораймиз. Пикир - Қарашлириңизни төвәндики җәдвәл арқилиқ, уйғур кона йезиқи бойичә йоллийалайсиз.

Исим (ихтийар)

Шәһәр (ихтийар)

Пикир - Қарашлириңиз