ﺩﯗﻧﻴﺎ ﺳﻮﺩﺍ ﺗﻪﺷﻜﯩﻼﺗﻰ ﺩﯛﺷﻪﻧﺒﻪ ﻛﯜﻧﻰ،ﺧﯩﺘﺎﻳﻨﯩﯔ ﺧﻪﻟﻘﺌﺎﺭﺍ ﺳﻮﺩﯨﺪﺍ، ﻛﯧﻠﯩﺸﯩﻤﻨﺎﻣﯩﻠﻪﺭﮔﻪ ﺭﯨﺌﺎﻳﻪ ﻗﯩﻠﻤﺎﻳﯟﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﺋﯩﺪﻯ. ﺑﯘ ﻧﯘﻗﺘﯩﺪﺍ ﻳﺎﯞﺭﻭﭘﺎ ﺑﯩﺮﻟﯩﻜﻰ ﯞﻩ ﺋﺎﻣﯧﺮﯨﻜﯩﻤﯘ ﺷﯩﻜﺎﻳﻪﺗﭽﻰ ﺑﻮﻟﯘﭖ، ﺧﯩﺘﺎﻳﻨﯩﯔ ﺋﻪﺭﻛﯩﻦ ﺑﺎﺯﺍﺭ ﭘﺮﯨﻨﺴﯩﭙﻠﯩﺮﯨﻐﺎ ﺧﯩﻼﭖ ﻫﺎﻟﺪﺍ، ﺧﻪﻟﻖ ﭘﯘﻟﯩﻨﯩﯔ ﻗﯩﻤﻤﯩﺘﯩﻨﻰ ﻛﻮﻧﺘﺮﻭﻝ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ،ﺑﯘ ﺋﺎﺭﻗﯩﻠﯩﻖ ﻣﻪﻫﺴﯘﻻﺗﻠﯩﺮﯨﻨﯩﯔ ﺗﻪﻧﻨﻪﺭﻗﯩﻨﻰ ﺗﯚﯞﻩﻧﻠﯩﺘﯩﭗ، ﺧﻪﻟﻘﺎﺭﺍ ﺑﺎﺯﺍﺭﺩﺍ ﺋﯜﺳﺘﯜﻧﻠﯜﻛﻜﻪ ﺋﯧﺮﯨﺸﯩﯟﺍﺗﻘﺎﻧﻠﯩﻘﯩﻨﻰ ﺋﻪﻳﯩﺒﻠﻪﭖ ﻛﻪﻟﻤﻪﻛﺘﻪ ﺋﯩﺪﻯ.

ﺧﯩﺘﺎﻱ ﺷﯩﺮﻛﻪﺗﻠﯩﺮﯨﻨﯩﯔ، ﺋﺎﻣﯧﺮﯨﻜﺎ ﺳﻪﻧﺌﻪﺕ ﻣﻪﻫﺴﯘﻻﺗﻠﯩﺮﯨﻨﻰ ﺭﯗﺧﺴﻪﺗﺴﯩﺰ ﻛﯚﭼﯜﺭﯛﺷﻰ، ﻣﺎﺭﻛﺎ ﺋﻮﻏﺮﯨﻠﯩﺸﻰ ﺋﺎﻣﯧﺮﯨﻜﺎ ﺗﻪﺭﻩﭘﻨﻰ ﻧﺎﺭﺍﺯﻯ ﻗﯩﻠﯩﭗ ﻛﯧﻠﯩﯟﺍﺗﻘﺎﻥ ﻣﻪﺳﯩﻠﯩﻠﻪﺭﻧﯩﯔ ﺑﯩﺮﻯ ﺋﯩﺪﻯ. ﺑﯘ ﻗﯧﺘﯩﻤﻘﻰ ﻳﯩﻐﯩﻨﺪﺍ ﺧﯩﺘﺎﻱ ﺗﻪﺭﻩﭖ ﺋﺎﻣﯧﺮﯨﻜﺎ - ﺧﯩﺘﺎﻱ ﺳﻮﺩﯨﺴﯩﺪﺍ ﻫﻪﻝ ﻗﯩﻠﯩﺸﻘﺎ ﺗﯧﮕﯩﺸﻠﯩﻚ ﻛﯚﭖ ﻣﻪﺳﯩﻠﯩﻠﻪﺭ ﺑﺎﺭﻟﯩﻘﯩﻨﻰ ﺋﯧﺘﯩﺮﺍﭖ ﻗﯩﻠﻐﺎﻥ.

ﺑﯜﮔﯜﻧﻜﻰ ﺧﻪﯞﻩﺭﻟﻪﺭﮔﻪ ﻗﺎﺭﯨﻐﺎﻧﺪﺍ ﻳﻪﻧﻪ، ﺧﯩﺘﺎﻱ، ﻗﯘﺵ ﻳﯧﻤﻪﻛﻠﯩﻜﻠﯩﺮﻯ ﻗﺎﺗﺎﺭﻟﯩﻖ ﺑﯩﺮ ﺗﯜﺭﻛﯜﻡ ﺋﺎﻣﯧﺮﯨﻜﺎ ﻣﻪﻫﺴﯘﻻﺗﻠﯩﺮﯨﻐﺎ ﻗﺎﺭﯨﺘﺎ ﻳﻮﻟﻐﺎ ﻗﻮﻳﻐﺎﻥ ﺋﯩﻤﭙﻮﺭﺕ ﭼﻪﻛﻠﯩﻤﯩﺴﯩﻨﻰ ﺋﻪﻣﻪﻟﺪﯨﻦ ﻗﺎﻟﺪﯗﺭﻏﺎﻥ.

ﻧﯚﯞﻩﺗﺘﻪ ﺋﺎﻣﯧﺮﯨﻜﯩﺪﺍ ﻳﯘﺯ ﺑﯧﺮﯨﯟﺍﺗﻘﺎﻥ ﺑﯩﺮ ﻗﯩﺴﯩﻢ ﺋﯩﻘﺘﯩﺴﺎﺩﯨﻲ ﻛﺮﯨﺰﯨﺴﻼﺭﻧﯩﯔ ﺗﻪﺳﯩﺮﯨﮕﻪ ﺧﯩﺘﺎﻱ ﺷﯩﺮﻛﻪﺗﻠﯩﺮﯨﻤﯘ ﺋﯘﭼﺮﯨﻐﺎﻥ. ﺧﯩﺘﺎﻱ ﺗﯩﺠﺎﺭﻩﺕ ﺑﺎﻧﻜﯩﺴﻰ ﺑﯜﮔﯜﻥ، ﺋﺎﻣﯧﺮﯨﻜﯩﺪﺍ ﺋﺎﻟﺪﯨﻨﻘﻰ ﻫﻪﭘﺘﻪ ﯞﻩﻳﺮﺍﻥ ﺑﻮﻟﻐﺎﻧﻠﯩﻘﯩﻨﻰ ﺋﯧﻼﻥ ﻗﯩﻠﻐﺎﻥ ﻟﯧﺨﻤﺎﻥ ﺑﺮﻭﺩﻩﺭ ﺷﯩﺮﻛﯩﺘﯩﺪﻩ 70 ﻣﯩﻠﻴﻮﻥ ﺩﻭﻟﻼﺭﻟﯩﻖ ﻣﻪﺑﻠﯩﻐﻰ ﺑﺎﺭﻟﯩﻘﯩﻨﻰ ﺋﺎﺷﻜﺎﺭﯨﻠﯩﻐﺎﻥ. ﻣﺎﻧﺎ ﺑﯘ ﺋﻪﻫﯟﺍﻟﻼﺭﻧﯩﯔ ﺑﯘ ﻗﯧﺘﯩﻤﻘﻰ ﺳﻮﺩﺍ ﺳﯚﻫﺒﯩﺘﯩﮕﻪ ﺗﻪﺳﯩﺮ ﻛﯚﺭﺳﯩﺘﯩﺪﯨﻐﺎﻧﻠﯩﻘﻰ ﭘﻪﺭﻩﺯ ﻗﯩﻠﯩﻨﻤﺎﻗﺘﺎ.