ﺗﯩﺒﻪﺗﻨﻰ ﻫﯩﻤﺎﻳﻪ ﻗﯩﻠﯩﺶ ﻛﻮﻣﯩﺘﯧﺘﻰ ﯞﻩ ﺑﺎﺷﻘﺎ 2 ﺗﯩﺒﻪﺕ ﺗﻪﺷﻜﯩﻼﺗﻰ 9 ‏ - ﺋﯩﻴﯘﻝ ﻛﯜﻧﻰ ﺋﯩﺴﭙﺎﻧﯩﻴﻪ ﺳﻮﺕ ﻣﻪﻫﻜﯩﻤﯩﺴﯩﮕﻪ ﺧﯩﺘﺎﻱ ﺩﯙﻟﻪﺕ ﻣﯘﺩﺍﭘﯩﺌﻪ ﻣﯩﻨﯩﺴﺘﯩﺮﻯ ﻟﻴﺎﯓ ﮔﯘﺋﺎﯕﻠﻴﯧﻨﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ 7 ﻧﻪﭘﻪﺭ ﺧﯩﺘﺎﻱ ﺭﻩﻫﺒﯩﺮﻯ ﺋﯜﺳﺘﯩﺪﯨﻦ ﺋﻪﺭﯨﺰ ﺳﯘﻧﯘﭖ، ﺑﯘ ﻛﯩﺸﯩﻠﻪﺭﻧﻰ ﺗﯩﺒﻪﺕ ﺧﻪﻟﻘﯩﮕﻪ ﻗﺎﺭﺷﻰ ﺋﯩﺮﻗﯩﻲ ﻗﯩﺮﻏﯩﻨﭽﯩﻠﯩﻖ ﺋﯧﻠﯩﭗ ﺑﯧﺮﯨﺶ ﺑﯩﻠﻪﻥ ﺋﻪﻳﯩﺒﻠﯩﮕﻪﻥ ﺋﯩﺪﻯ.

ﺋﯩﺴﭙﺎﻧﯩﻴﯩﻨﯩﯔ ﺋﯩﻨﺴﺎﻧﯩﻴﻪﺗﻜﻪ ﻗﺎﺭﺷﻰ ﺗﯘﺭﯗﺵ ﯞﻩ ﺋﯩﺮﻗﯩﻲ ﻗﯩﺮﻏﯩﻨﭽﯩﻠﯩﻖ ﺟﯩﻨﺎﻳﻪﺗﻠﯩﺮﯨﻨﻰ ﺑﯩﺮ ﺗﻪﺭﻩﭖ ﻗﯩﻠﯩﺪﯨﻐﺎﻥ ﻣﯩﻠﻠﯩﻲ ﺳﻮﺕ ﻣﻪﻫﻜﯩﻤﯩﺴﻰ ﺳﻪﻳﺸﻪﻧﺒﻪ ﻛﯜﻧﻰ " ﯞﻩﻗﻪ ﺗﻮﻏﺮﯨﺴﯩﺪﯨﻜﻰ ﺋﻪﺭﺯﻧﻰ ﺗﻪﻛﺸﯜﺭﯛﭖ ﻛﯧﺴﯩﻢ ﭼﯩﻘﯩﺮﯨﺸﻘﺎ ﻻﻳﺎﻗﻪﺗﻠﯩﻚ ﺋﯩﻜﻪﻧﻠﯩﻜﯩﻨﻰ ﻗﻮﺑﯘﻝ ﻗﯩﻠﻐﺎﻧﻠﯩﻘﻰ"ﻧﻰ ﺑﯩﻠﺪﯛﺭﺩﻯ.

ﺋﯩﺴﭙﺎﻧﯩﻴﻪ 2005 ‏ - ﻳﯩﻠﻰ ﻗﺎﻧﯘﻥ ﭼﯩﻘﯩﺮﯨﭗ،" ﺋﻪﺭﺯﻯ - ﺷﯩﻜﺎﻳﻪﺗﻨﯩﯔ ﺋﯘﻧﯩﯟﯦﺮﺳﺎﻟﻠﯩﻘﻰ"ﻧﻰ ﻗﻮﺑﯘﻝ ﻗﯩﻠﻐﺎﻥ ﺷﯘﻧﺪﺍﻗﻼ ﺋﯩﺴﭙﺎﻧﯩﻴﻪ ﺳﻮﺕ ﻣﻪﻫﻜﯩﻤﯩﻠﯩﺮﻯ ﺑﺎﺷﻘﺎ ﺩﯙﻟﻪﺗﻠﻪﺭﺩﻩ ﻳﯜﺯ ﺑﻪﺭﮔﻪﻥ ﺋﯩﺮﻗﯩﻲ ﻗﯩﺮﻏﯩﻨﭽﯩﻠﯩﻘﻼﺭ ﻳﺎﻛﻰ ﺋﯩﻨﺴﺎﻧﯩﻴﻪﺗﻜﻪ ﻗﺎﺭﺷﻰ ﺟﯩﻨﺎﻳﻪﺗﻜﻪ ﺩﺍﺋﯩﺮ ﺋﻪﺭﺯ - ﺷﺎﻛﺎﻳﻪﺗﻠﻪﺭﻧﻰ ﻛﯚﺭﯛﭖ ﭼﯩﻘﯩﺸﻘﺎ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺑﻪﻟﮕﯩﻠﯩﮕﻪﻥ ﺋﯩﺪﻯ.

ﺗﯩﺒﻪﺕ ﺗﻪﺷﻜﯩﻼﺗﻠﯩﺮﻯ ﺋﯩﺴﭙﺎﻧﯩﻴﻪ ﻗﺎﻧﯘﻧﯩﺪﯨﻜﻰ ﺑﯘ ﺑﻪﻟﮕﯩﻠﯩﻤﯩﮕﻪ ﺋﺎﺳﺎﺳﻪﻥ ﻳﯘﻗﯩﺮﯨﻘﻰ 7 ﻧﻪﭘﻪﺭ ﺧﯩﺘﺎﻱ ﺭﻩﻫﺒﯩﺮﻯ ﺋﯜﺳﺘﯩﺪﯨﻦ ﺋﻪﺭﺯ ﺳﯘﻧﻐﺎﻥ. ﺋﻪﺭﺯ ﻗﯩﻠﯩﻨﻐﺎﻧﻼﺭ ﺋﯩﭽﯩﺪﻩ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻨﯩﯔ ﺳﺎﺑﯩﻖ ﻣﯘﺋﺎﯞﯨﻦ ﺭﻩﺋﯩﺴﻰ، ﻫﺎﺯﯨﺮﻗﻰ ﺗﯩﺒﻪﺕ ﭘﺎﺭﺗﻜﻮﻣﯩﻨﯩﯔ ﺳﯧﻜﺮﯨﺘﺎﺭﻯ ﺟﺎﯓ ﭼﯩﯖﻠﯩﻤﯘ ﺑﺎﺭ. ﺋﻪﺭﺯ ﻗﯩﻠﯩﻨﻐﯘﭼﯩﻼﺭ 14 ‏ - ﻣﺎﺭﺕ ﻛﯜﻧﻰ ﺗﯩﺒﻪﺕ ﻣﻪﺭﻛﯩﺰﻯ ﻟﺨﺎﺳﺎﺩﺍ ﻳﯜﺯ ﺑﻪﺭﮔﻪﻥ ﺧﻪﻟﻖ ﺋﯩﺴﻴﺎﻧﯩﻨﻰ ﺑﺎﻫﺎﻧﻪ ﻗﯩﻠﯩﭗ، ﺗﯩﺒﻪﺕ ﺧﻪﻟﻘﻰ ﺋﯜﺳﺘﯩﺪﯨﻦ ﺋﯩﺮﻗﯩﻲ ﺗﺎﺯﯨﻼﺷﻨﻰ ﻳﻮﻟﻐﺎ ﻗﻮﻳﯘﺵ، ﺋﯩﻨﺴﺎﻧﯩﻴﻪﺗﻜﻪ ﻗﺎﺭﺷﻰ ﺟﯩﻨﺎﻳﻪﺕ ﺳﺎﺩﯨﺮ ﻗﯩﻠﯩﺶ ﺑﯩﻠﻪﻥ ﺋﻪﻳﯩﺒﻠﻪﻧﮕﻪﻥ.