ﻣﻪﺯﻛﯘﺭ ﻗﺎﺭﺍﺭ ﻻﻳﯩﻬﯩﺴﻰ ﻳﺎﯞﺭﻭﭘﺎ ﭘﺎﺭﻻﻣﯧﻨﺘﯩﻨﯩﯔ ﭘﻪﻳﺸﻪﻧﺒﻪ ﻛﯜﻧﻰ ﻓﺮﺍﻧﺴﯩﻴﯩﺪﻩ ﺋﯧﭽﯩﻠﻐﺎﻥ ﻳﯩﻐﯩﻨﯩﺪﺍ ﺋﺎﯞﺍﺯﻏﺎ ﻗﻮﻳﯘﻟﻐﺎﻥ ﺑﻮﻟﯘﭖ، ﭘﺎﺭﻻﻣﯧﻨﺘﺘﯩﻜﻰ 439 ﺋﺎﯞﺍﺯﻧﯩﯔ ﻗﻮﺷﯘﻟﯘﺷﻰ، 51 ﺋﺎﯞﺍﺯﻧﯩﯔ ﺭﻩﺕ ﻗﯩﻠﯩﺸﻰ ﺑﯩﻠﻪﻥ ﻣﺎﻗﯘﻟﻼﻧﺪﻯ. ﮔﻪﺭﭼﻪ ﻗﺎﺭﺍﺭ ﻻﻳﯩﻬﯩﺴﯩﺪﻩ ﺧﯩﺘﺎﻱ - ﻳﺎﯞﺭﻭﭘﺎ ﺋﯩﺘﺘﯩﭙﺎﻗﻰ ﻣﯘﻧﺎﺳﯩﯟﻩﺗﻠﯩﺮﻯ ﺷﯘﻧﺪﺍﻗﻼ ﺋﯩﻜﻜﻰ ﺗﻪﺭﻩﭘﻨﯩﯔ ﻫﻪﺭ ﻗﺎﻳﺴﻰ ﺳﺎﻫﻪﻟﻪﺭﺩﯨﻜﻰ ﺩﯨﺌﺎﻟﻮﮔﻰ، ﻳﻪﺭﺷﺎﺭﻯ ﺧﺎﺭﺍﻛﺘﯧﺮﻟﯩﻚ ﺯﻭﺭ ﻣﻪﺳﯩﻠﯩﻠﻪﺭﺩﯨﻜﻰ ﺯﯨﭻ ﻫﻪﻣﻜﺎﺭﻟﯩﻘﯩﺪﯨﻦ ﻣﻪﻣﻨﯘﻥ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﮔﻪﻥ ﺑﻮﻟﺴﯩﻤﯘ، ﻟﯧﻜﯩﻦ ﺧﯩﺘﺎﻳﺪﺍ ﻛﯩﺸﯩﻠﯩﻚ ﻫﻮﻗﯘﻗﻨﯩﯔ ﺋﻮﻣﯘﻣﻴﯜﺯﻟﯜﻙ ﯞﻩ ﺳﯩﺴﺘﯧﻤﯩﻠﯩﻖ ﺗﯜﺭﺩﻩ ﺩﻩﭘﺴﻪﻧﺪﻩ ﻗﯩﻠﯩﻨﯩﺶ ﺧﺎﺗﯩﺮﯨﺴﯩﮕﻪ ﺩﯨﻘﻘﻪﺕ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﺋﻪﺳﻜﻪﺭﺗﯩﭙﻼ ﻗﺎﻟﻤﺎﻱ، ﺑﯘ ﺟﻪﻫﻪﺗﺘﯩﻜﻰ ﺧﺎﺗﯩﺮﯨﺴﯩﻨﻰ ﺗﻪﻧﻘﯩﺪﻟﯩﮕﻪﻥ.

ﻗﺎﺭﺍﺭ ﻻﻳﯩﻬﯩﺴﯩﺪﻩ ﻳﻪﻧﻪ، ﺧﯩﺘﺎﻱ ﻫﯚﻛﯜﻣﯩﺘﻰ ﺑﯩﻠﻪﻥ ﺗﯩﺒﻪﺕ ﺭﻩﻫﺒﯩﺮﻯ ﺩﺍﻻﻱ ﻻﻣﺎ ﯞﻩﻛﯩﻠﻠﯩﺮﯨﻨﯩﯔ ﺋﺎﺭﯨﺴﯩﺪﺍ ﺳﯚﻫﺒﻪﺕ ﺑﺎﺷﻼﻧﻐﺎﻧﻠﯩﻘﯩﻨﻰ ﻗﺎﺭﺷﻰ ﺋﯧﻠﯩﺶ ﺑﯩﻠﻪﻥ ﺑﯩﺮﮔﻪ، ﺧﯩﺘﺎﻳﻨﻰ ﺳﯚﻫﺒﻪﺕ ﻗﻪﺩﯨﻤﯩﻨﻰ ﺗﯧﺰﻟﯩﺘﯩﺸﻜﻪ ﭼﺎﻗﯩﺮﻏﺎﻥ ﺷﯘﻧﺪﺍﻗﻼ ﺗﯩﺒﻪﺗﻠﯩﻚ ﻧﺎﻣﺎﻳﯩﺸﭽﯩﻼﺭﻧﻰ ﺳﯜﺭﯛﺷﺘﯜﺭﯛﺵ، ﺗﯘﺗﻘﯘﻥ ﻗﯩﻠﯩﺶ ﯞﻩ ﺧﺎﻟﯩﻐﺎﻧﭽﻪ ﻗﻮﻟﻐﺎ ﺋﯧﻠﯩﺸﺘﯩﻦ ﻧﺎﺭﺍﺯﻯ ﺋﯩﻜﻪﻧﻠﯩﻜﯩﻨﻰ ﺋﯩﭙﺎﺩﯨﻠﯩﮕﻪﻥ. ﻗﺎﺭﺍﺭ ﻻﻳﯩﻬﯩﺴﯩﺪﻩ ﺑﯧﻴﺠﯩﯔ ﺩﺍﺋﯩﺮﯨﻠﯩﺮﯨﺪﯨﻦ ﺗﯜﺭﻣﯩﺪﯨﻜﻰ ﺑﺎﺭﻟﯩﻖ ﺳﯩﻴﺎﺳﯩﻲ ﻣﻪﻫﺒﯘﺳﻼﺭ، ﻛﯩﺸﯩﻠﯩﻚ ﻫﻮﻗﯘﻗﻰ ﭘﺎﺋﺎﻟﯩﻴﻪﺗﭽﯩﻠﯩﺮﯨﻨﻰ ﻛﻪﯕﭽﯩﻠﯩﻚ ﺑﯩﻠﻪﻥ ﺑﯩﺮ ﺗﻪﺭﻩﭖ ﻗﯩﻠﯩﺸﻨﻰ ﺗﻪﻟﻪﭖ ﻗﯩﻠﯩﭗ، ﺋﯘﻻﺭﻧﯩﯔ ﺋﯚﻟﯜﻡ ﺟﺎﺯﺍﺳﯩﻨﻰ ﺩﺍﺋﯩﻢ ﻳﻮﻟﻐﺎ ﻗﻮﻳﯘﯞﺍﺗﻘﺎﻧﻠﯩﻘﯩﻨﻰ ﺗﻪﻧﻘﯩﺪﻟﯩﮕﻪﻥ.

ﻳﺎﯞﺭﻭﭘﺎ ﭘﺎﺭﻻﻣﯧﻨﺘﻰ ﻳﻪﻧﻪ، ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﻰ ﺋﻮﻟﯩﻤﭙﯩﻚ ﯞﻩﺩﯨﺴﯩﺪﻩ ﺗﯘﺭﯗﭖ، ﻛﯩﺸﯩﻠﯩﻚ ﻫﻮﻗﯘﻕ، ﺩﯦﻤﻮﻛﺮﺍﺗﯩﻴﻪ، ﻗﺎﻧﯘﻥ ﯞﻩ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭ ﻫﻮﻗﯘﻗﯩﻐﺎ ﻫﯚﺭﻣﻪﺕ ﻗﯩﻠﯩﺸﻘﺎ ﭼﺎﻗﯩﺮﻏﺎﻥ.