ﻫﻪﻟﮕﺎ ﺗﺮﯛﭘﯧﻞ 25 ‏- ﺋﯩﻴﯘﻥ ﻛﯜﻧﻰ ﻳﺎﯞﺭﻭﭘﺎ ﺋﻪﻟﻠﯩﺮﯨﺪﻩ ﻳﺎﺷﺎﻳﺪﯨﻐﺎﻥ ﺑﯩﺮ ﺗﯜﺭﻛﯜﻡ ﺋﯘﻳﻐﯘﺭ ﻣﯘﻫﺎﺟﯩﺮﻻﺭﻧﯩﯔ ﺑﺮﯦﻴﯘﺳﺴﯧﻠﺪﯨﻜﻰ ﻳﯩﻐﯩﻠﯩﺸﯩﻐﺎ ﻗﺎﺗﻨﺎﺷﻘﺎﻧﺪﺍ ﺳﯚﺯ ﻗﯩﻠﯩﭗ، ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺋﯘﻳﻐﯘﺭ ﺋﯧﻠﯩﺪﻩ ﻳﯜﺭﮔﯜﺯﮔﻪﻥ ﺋﺎﭘﺘﻮﻧﻮﻣﯩﻴﻪ ﺋﯘﻗﯘﻣﯩﻐﺎ ﺑﻮﻟﻐﺎﻥ ﺗﻮﻧﯘﺷﻰ ﯞﻩ ﭼﯜﺷﻪﻧﭽﯩﺴﯩﻨﻰ ﺗﻪﻧﻘﯩﺪﻟﯩﮕﻪﻥ.

ﺷﯘ ﻗﯧﺘﯩﻤﻘﻰ ﻳﯩﻐﯩﻨﻐﺎ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﺭﻩﺋﯩﺴﻰ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻤﯘ ﻗﺎﺗﻨﺎﺷﻘﺎﻥ ﺑﻮﻟﯘﭖ، ﺋﯘ ﺧﯩﺘﺎﻱ ﻗﺎﻧﯘﻧﯩﺪﺍ ﺋﯘﻳﻐﯘﺭﻻﺭﻏﺎ ﺋﺎﭘﺘﻮﻧﻮﻣﯩﻴﻪ ﺑﯧﺮﯨﻠﮕﻪﻥ ﺑﻮﻟﺴﯩﻤﯘ، ﻟﯧﻜﯩﻦ ﺋﺎﭘﺘﻮﻧﻮﻣﯩﻴﻪ ﭘﺮﯨﻨﺴﯩﭙﯩﻨﯩﯔ ﻫﯧﭽﺒﯩﺮ ﻣﺎﺩﺩﯨﺴﯩﻐﺎ ﻫﯚﺭﻣﻪﺕ ﻗﯩﻠﯩﻨﻤﯩﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﺋﯩﺪﻯ. ﺧﯩﺘﺎﻱ ﺋﯘﻳﻐﯘﺭﻻﺭﻏﺎ 1955 ‏- ﻳﯩﻠﻰ ﺋﺎﭘﺘﻮﻧﻮﻣﯩﻴﻪ ﻫﻮﻗﯘﻗﻰ ﺑﻪﺭﮔﻪﻥ ﺑﻮﻟﺴﯩﻤﯘ، ﻟﯧﻜﯩﻦ ﻛﯚﺯﻩﺗﻜﯜﭼﯩﻠﻪﺭ ﺑﯘ ﻫﻮﻗﯘﻗﻨﯩﯔ ﭘﻪﻗﻪﺕ ﻧﺎﻣﺪﯨﻜﻰ "ﻗﯘﺭﯗﻕ ﺋﯚﺳﺘﻪﯕﮕﻪ ﻣﯩﺮﺍﺏ" ﺑﯩﺮ ﺋﺎﭘﺘﻮﻧﻮﻣﯩﻴﻪ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﻣﻪﻛﺘﻪ. ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﺋﯘﻳﯘﺷﺘﯘﺭﯗﺷﯩﺪﯨﻜﻰ ﺑﯘ ﻳﯩﻐﯩﻨﻐﺎ ﻫﻪﻟﮕﺎ ﺗﺮﯛﭘﯧﻠﺪﯨﻦ ﺑﺎﺷﻘﺎ ﻳﻪﻧﻪ، ﻳﺎﯞﺭﻭﭘﺎ ﭘﺎﺭﻻﻣﯧﻨﺘﯩﻨﯩﯔ ﺋﯩﺘﺎﻟﯩﻴﯩﻠﯩﻚ ﺋﻪﺯﺍﺳﻰ ﻣﺎﺭﻛﻮ ﻛﺎﭘﺎﺗﻮ، ﺭﻭﻣﯩﻨﯩﻴﯩﻠﯩﻚ ﺋﻪﺯﺍﺳﻰ ﺳﺎﺑﺎ ﺳﻮﮔﻮﺭ، ﺑﯧﻠﮕﯩﻴﯩﻠﯩﻚ ﺋﻪﺯﺍﺳﻰ ﺩﯦﺮﻙ ﺳﺘﯧﺮﻛﺲ ﻗﺎﺗﺎﺭﻟﯩﻘﻼﺭ ﻗﺎﺗﻨﺎﺷﻘﺎﻥ ﯞﻩ ﻧﯘﺗﯘﻕ ﺳﯚﺯﻟﯩﮕﻪﻥ.

ﻳﯩﻐﯩﻨﺪﺍ ﻳﺎﯞﺭﻭﭘﺎ ﭘﺎﺭﻻﻣﯧﻨﺘﯩﻨﯩﯔ ﺋﯩﺘﺎﻟﯩﻴﯩﻠﯩﻚ ﺋﻪﺯﺍﺳﻰ ﻛﺎﭘﺎﺗﻮ، ﻳﺎﯞﺭﻭﭘﺎ ﭘﺎﺭﻻﻣﯧﻨﺘﺘﯩﺪﯨﻜﻰ 134 ﻧﻪﭘﻪﺭ ﺋﻪﺯﺍ ﺗﻪﺭﯨﭙﯩﺪﯨﻦ ﺋﯩﻤﺰﺍﻻﻧﻐﺎﻥ ﺋﯘﻳﻐﯘﺭﻻﺭﻧﯩﯔ ﻫﻮﻗﯘﻗﯩﻨﻰ ﻗﻮﻟﻼﺷﻘﺎ ﺩﺍﺋﯩﺮ ﻗﺎﺭﺍﺭﻧﻰ ﺗﻮﻧﯘﺷﺘﯘﺭﻏﺎﻥ. ﭘﺎﺭﻻﻣﯧﻨﺘﯩﻨﯩﯔ ﺭﻭﻣﺎﻧﯩﻴﯩﻠﯩﻚ ﺋﻪﺯﺍﺳﻰ ﺳﺎﺑﺎ ﺳﻮﮔﻮﺭ ﺑﻮﻟﺴﺎ ﺧﯩﺘﺎﻳﻨﯩﯔ ﺋﺎﺗﺎﻟﻤﯩﺶ" ﺋﯘﻳﻐﯘﺭ ﺗﯧﺮﺭﻭﺭﭼﻰ ﮔﯘﺭﯗﻫﻼﺭ ﺟﯘﯕﮕﻮﻧﯩﯔ ﺑﯩﺨﻪﺗﻪﺭﻟﯩﻜﻰ ﯞﻩ ﺯﯦﻤﯩﻦ ﭘﯜﺗﯜﻧﻠﯜﻛﯩﮕﻪ ﺗﻪﻫﺪﯨﺖ ﺳﺎﻟﻤﺎﻗﺘﺎ " ﺩﯦﮕﻪﻥ ﺑﺎﻳﺎﻧﻠﯩﺮﯨﻨﻰ ﺗﻪﻧﻘﯩﺪﻟﯩﮕﻪﻥ. ﺑﯧﻠﮕﯩﻴﯩﻠﯩﻚ ﭘﺎﺭﻻﻣﯧﻨﺖ ﺋﻪﺯﺍﺳﻰ، ﻳﺎﯞﺭﻭﭘﺎ ﭘﺎﺭﻻﻣﯧﻨﺘﻰ ﺧﯩﺘﺎﻱ ﻣﯘﻧﺎﺳﯩﯟﻩﺗﻠﯩﺮﻯ ﺋﯚﻣﯩﻜﯩﻨﯩﯔ ﺑﺎﺷﻠﯩﻘﻰ ﺩﯦﺮﻙ ﺳﺘﯧﺮﻛﺲ ﺧﯩﺘﺎﻱ - ﻳﺎﯞﺭﻭﭘﺎ ﺋﯩﺘﺘﯩﭙﺎﻗﻰ ﺳﯚﻫﺒﯩﺘﯩﻨﻰ ﺳﻮﺭﺍﻗﻘﺎ ﺗﺎﺭﺗﻘﺎﻥ.

ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻨﯩﯔ ﺑﯘ ﻗﯧﺘﯩﻤﻘﻰ ﺑﯩﺮ ﻫﻪﭘﺘﯩﻠﯩﻚ ﻳﺎﯞﺭﻭﭘﺎ ﺳﻪﭘﯩﺮﻯ ﭘﻪﻳﺸﻪﻧﺒﻪ ﻛﯜﻧﻰ ﺋﺎﺧﯩﺮﻻﺷﻘﺎﻥ ﺑﻮﻟﯘﭖ، ﺋﯘ ﺷﯘ ﻛﯜﻧﻰ ﯞﺍﺷﯩﻨﮕﺘﻮﻧﻐﺎ ﻗﺎﻳﺘﯩﭗ ﻛﻪﻟﮕﻪﻥ ﺋﯩﺪﻯ.