Xitay dairilirining uyghur aptonom rayoni we tibette diniy erkinlikke ziyankeshlik qilishning üzliksiz éghirlishiwatqanliqini tekitligen doklatta, " tibet buddistliri, uyghur musulmanlirigha oxshash diniy guruhlar we az sanliq milletler diniy étiqadi, tili we milli mediniyet jehettiki alahidiliki tüpeylidin ijtimaiy kemsitishke uchrimaqta," dep eskertilgen.

Doklatta uyghurlarning ehwaligha alahide orun bérilgen bolup, "hökümet ruxsetsiz diniy kitaplar oqughan yaki saqlighan, hökmet teripidin qanunsiz diniy paaliyet dep belgilengen paaliyetlerge qatnashqan uyghurlarni tutqun qilishni özlüksiz dawamlashturmaqta shundaqla uyghurlarning eneniwiy diniy paaliyetlirini ötküzüshini cheklimekte" déyilgen.

Doklatta yene uyghurlargha munasiwetlik bezi konkirit diniy délolarmu tilgha élinghan bolup, buningda aqsuning kelpin nahiyisi üstünki qumériqtiki bir meschitning qanunsiz sélinghanliqi we ruxsetsiz ibadet bilen shughullanghanliqi tüpeyli chéqiwétilgenlikini bildürgen.

Uyghurlarning hej ibaditige cheklime qoyuliwatqanliqini ilgiri sürgen doklatta, 2007 - Yili hej qilghan uyghur hajilarning sani jiddi azlighanliqi, 2007‏ - Yili hej qilghan uyghur hajilarning 2006 - Yilqidin 3100 kishi azayghanliqini tekitligen.

Pikir - Qarashliringizni otturigha qoyung

Pikir - Bayanliringiz tor bashqurghuchisi teripidin testiqlinishi kérek bolup, tor bette shu zaman élan qilinmaydu. Bir az waqittin kéyin, pikir - Bayanliringizning testiqlanghan yaki testiqlanmighanliqini qayta tekshürüp körüshigizni soraymiz. Pikir - Qarashliringizni töwendiki jedwel arqiliq, uyghur kona yéziqi boyiche yolliyalaysiz.

Isim (ixtiyar)

Sheher (ixtiyar)

Pikir - Qarashliringiz