ﺋﯘﻳﻐﯘﺭ > خەۋەرلەر > خىتاي ۋە تەيۋەن خەۋەرلىرى

ﺧﯩﺘﺎﻱ ﻫﯚﻛﯜﻣﯩﺘﻰ ﺑﯧﻴﺠﯩﯔ ﺋﺎﻫﺎﻟﯩﻠﯩﺮﯨﺪﯨﻦ ﺋﻮﻟﯩﻤﭙﯩﻚ ﺑﺎﺷﻼﻧﻐﺎﻥ ﻛﯜﻧﻠﻪﺭﺩﻩ ﺳﯩﺮﺗﻘﺎ ﭼﯩﻘﻤﺎﻱ ﺋﯚﻳﺪﻩ ﺋﻮﻟﺘﯘﺭﯗﺷﻨﻰ ﺗﻪﻟﻪﭖ ﻗﯩﻠﻤﺎﻗﺘﺎ

مۇخبىرىمىز ۋەلى خەۋىرى

2008-07-02

ﺧﯩﺘﺎﻱ ﻫﯚﻛﯜﻣﯩﺘﻰ ﺑﯧﻴﺠﯩﯔ ﺋﺎﻫﺎﻟﯩﻠﯩﺮﯨﺪﯨﻦ ﺋﻮﻟﯩﻤﭙﯩﻚ ﺑﺎﺷﻼﻧﻐﺎﻥ ﻛﯜﻧﻠﻪﺭﺩﻩ ﺳﯩﺮﺗﻘﺎ ﭼﯩﻘﻤﺎﻱ ﺋﯚﻳﺪﻩ ﺋﻮﻟﺘﯘﺭﯗﺷﻨﻰ ﺗﻪﻟﻪﭖ ﻗﯩﻠﺪﻯ. ﻓﺮﺍﻧﺴﯩﻴﻪ ﺋﺎﮔﯧﻨﺘﻠﯩﻘﯩﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺧﯩﺘﺎﻳﻨﯩﯔ ﻗﺎﺗﻨﺎﺵ ﺋﻪﻣﻪﻟﺪﺍﺭﻟﯩﺮﻯ ﺟﯘ ﺟﯧﯖﻴﯜ ﺑﯧﻴﺠﯩﯔ ﺋﺎﻫﺎﻟﯩﻠﯩﺮﯨﺪﯨﻦ 'ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﻰ ﺋﯚﺗﻜﯜﺯﯛﻟﯜﯞﺍﺗﻘﺎﻧﺪﺍ، ﺑﻮﻟﯘﭘﻤﯘ ﻛﯧﭽﯩﺪﻩ ﺳﯩﺮﺗﻘﺎ ﭼﯩﻘﯩﭗ ﻗﺎﺗﻨﺎﺵ ﺟﯩﺪﺩﯨﻴﻠﯩﻜﻰ ﭘﻪﻳﺪﺍ ﻗﯩﻠﻤﺎﺳﻠﯩﻘﻰ، ﻗﺎﺗﻨﺎﺵ ﺟﯩﺪﺩﯨﻲ ﯞﺍﻗﯩﺘﻼﺭﺩﺍ ﻫﻪﺭ ﻗﺎﻳﺴﻰ ﺷﯩﺮﻛﻪﺗﻠﻪﺭﻧﯩﯔ ﺋﯩﺶ ﺗﻮﺧﺘﯩﺘﯩﺸﻰ ﺗﻪﻟﻪﭖ ﻗﯩﻠﯩﻨﯩﺪﯗ' ﺩﻩﭖ ﺟﺎﻛﺎﺭﻟﯩﻐﺎﻥ.

ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻘﯩﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﺧﯩﺘﺎﻱ ﻫﯚﻛﯜﻣﯩﺘﻰ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﺪﺍ ﭼﺎﯕﭽﯩﻠﻪ، ﺳﯧﺮﻙ، ﺋﯧﺘﯩﻠﺪﺍﻕ ﯞﻩ ﻛﯘﯕﺰﯨﭽﯩﻠﯩﻖ ﻣﻪﺯﻣﯘﻧﻠﯩﺮﻯ ﺋﺎﺭﻗﯩﻠﯩﻖ 'ﺧﯩﺘﺎﻳﻨﯩﯔ ﺑﻪﺵ ﻣﯩﯔ ﻳﯩﻠﻠﯩﻖ ﻣﻪﺩﻩﻧﯩﻴﯩﺘﻰ' ﺩﯦﮕﻪﻧﻨﻰ ﺋﺎﻻﻫﯩﺪﻩ ﮔﻪﯞﺩﯨﻠﻪﻧﺪﯛﺭﯨﺪﯨﻜﻪﻥ.

ﺧﻪﯞﻩﺭﺩﻩ ﺋﯧﻴﺘﯩﻠﯩﺸﯩﭽﻪ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺑﯧﻴﺠﯩﯖﺪﯨﻜﻰ ﻗﺎﺗﻨﺎﺵ ﺟﯩﺪﺩﯨﻴﻠﯩﻜﯩﻨﻰ ﺋﯩﺪﺍﺭﻩ ﻗﯩﻠﯩﺶ ﺩﻩﭖ ﺋﺎﺗﺎﻟﻐﺎﻥ ﺑﯘ ﭼﺎﺭﯨﺴﻰ 20 ‏ - ﺋﯩﻴﯘﻝ ﻛﯜﻧﯩﺪﯨﻦ ﺋﯧﺘﯩﺒﺎﺭﻩﻥ ﻳﻮﻟﻐﺎ ﻗﻮﻳﯘﻟﯩﺪﯨﻜﻪﻥ. ﺑﯘ ﺟﻪﺭﻳﺎﻧﺪﺍ ﺑﯧﻴﺠﯩﯖﺪﺍ ﻣﯩﻠﻴﻮﻧﻠﯩﻐﺎﻥ ﺋﺎﭘﺘﻮﻣﻮﺑﯩﻠﻼﺭﻧﯩﯔ ﻛﻮﭼﯩﻼﺭﺩﺍ ﻗﺎﺗﻨﯩﺸﻰ ﭼﻪﻛﻠﯩﻨﯩﺪﯨﻜﻪﻥ.