ﻛﯜﻧﻤﯩﯔ ﺋﺎﭘﺘﻮﺑﯘﺱ ﭘﺎﺭﺗﻠﯩﺘﯩﺶ ﯞﻩﻗﻪﺳﻰ ﻫﻪﻗﻘﯩﺪﻩ ﺑﯜﮔﯜﻥ ﺋﺎﺧﺒﺎﺭﺍﺕ ﺩﺍﺋﯩﺮﯨﻠﯩﺮﯨﮕﻪ ﺑﺎﻳﺎﻧﺎﺕ ﺑﻪﺭﮔﻪﻥ ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻘﻰ ﺑﺎﻳﺎﻧﺎﺗﭽﯩﺴﻰ " ﭘﺎﺭﺗﻼﺵ ﯞﻩﻗﻪﺳﯩﻨﯩﯔ ﺑﯩﯟﺍﺳﺘﻪ ﺑﯧﻴﺠﯩﯔ ﺋﻮﻟﯩﻤﭙﯩﻜﻘﺎ ﺑﺎﻏﻠﯩﻨﯩﺸﻠﯩﻘﻰ ﺑﺎﺭﻟﯩﻘﻰ ﺋﯧﻨﯩﻘﻼﻧﻤﯩﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﻳﻪﻧﯩﻼ ﯞﻩﻗﻪﻧﯩﯔ ﺧﺎﺭﺍﻛﺘﯧﺮﻯ ﯞﻩ ﺳﻪﯞﻩﺑﯩﻨﻰ ﺗﻪﻛﺸﯜﺭﯛﺷﻨﻰ ﺩﺍﯞﺍﻣﻼﺷﺘﯘﺭﯨﻤﯩﺰ"ﺩﯦﮕﻪﻥ.

ﻛﯘﻧﻤﯩﯖﺪﺍ ﺩﯛﺷﻪﻧﺒﻪ ﻛﯜﻧﻰ ﺑﯩﺮ ﺳﺎﺋﻪﺕ ﺋﯩﭽﯩﺪﻩ ﻳﯜﺯ ﺑﻪﺭﮔﻪﻥ ﺋﯜﭺ ﻗﯧﺘﯩﻤﻠﯩﻖ ﺋﺎﭘﺘﻮﺑﯘﺱ ﭘﺎﺭﺗﻼﺷﺘﺎ 3 ﻛﯩﺸﻰ ﺋﯚﻟﮕﻪﻥ، 14 ﻛﯩﺸﻰ ﻳﺎﺭﯨﺪﺍﺭ ﺑﻮﻟﻐﺎﻥ ﺋﯩﺪﻯ. ﻧﯚﯞﻩﺗﺘﻪ ﺳﺎﻗﭽﯩﻼﺭ ﻛﯘﻧﻤﯩﯖﻨﯩﯔ ﺋﺎﺳﺎﺳﻠﯩﻖ ﻗﺎﺗﻨﺎﺵ ﺗﯜﮔﯜﻧﻠﯩﺮﯨﻨﻰ ﻧﺎﺯﺍﺭﻩﺕ ﺋﺎﺳﺘﯩﻐﺎ ﺋﺎﻟﻐﺎﻥ.

ﺑﯘ ﻗﯧﺘﯩﻤﻘﻰ ﺋﺎﭘﺘﻮﺑﯘﺱ ﭘﺎﺭﺗﻼﺵ ﯞﻩﻗﻪﺳﻰ ﺑﯩﺮ ﺋﺎﻱ ﺋﯩﭽﯩﺪﻩ، ﺧﯩﺘﺎﻳﻨﯩﯔ ﺟﻪﻧﯘﺑﯩﻲ ﺋﯚﻟﻜﯩﻠﯩﺮﯨﺪﻩ ﻳﯜﺯ ﺑﻪﺭﮔﻪﻥ 3 ‏ - ﭼﻮﯓ ﯞﻩﻗﻪ ﻫﯧﺴﺎﺑﻠﯩﻨﯩﺪﯗ. ﺑﯧﻴﺠﯩﯔ ﺋﻮﻟﯩﻤﭙﯩﻜﯩﻐﺎ ﺑﯩﺮ ﺋﺎﻳﻤﯘ ﻗﺎﻟﻤﯩﻐﺎﻥ ﭘﻪﻳﺘﺘﻪ ﻳﯜﺯ ﺑﻪﺭﮔﻪﻥ ﻣﻪﺯﻛﯘﺭ ﯞﻩﻗﻪﮔﻪ ﺧﯩﺘﺎﻱ ﻫﻪﻣﺪﻩ ﺧﻪﻟﻘﺌﺎﺭﺍ ﻣﻪﺗﺒﯘﺋﺎﺗﻼﺭﺩﺍ ﻛﻪﯓ ﺋﻮﺭﯗﻥ ﺑﯧﺮﯨﻠﮕﻪﻥ.

ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘﻳﻐﯘﺭ ﺋﯧﻠﯩﺪﻩ ﻳﯜﺯ ﺑﻪﺭﮔﻪﻥ ﻫﻪﺭ ﻗﺎﻧﺪﺍﻕ ﺑﯩﺮ ﯞﻩﻗﻪﻧﻰ ﺗﯧﺮﺭﻭﺭﻟﯘﻕ ﻫﻪﺭﯨﻜﯩﺘﻰ ﺩﻩﭖ ﺋﻪﻳﯩﺒﻠﻪﭖ ﻛﻪﻟﮕﻪﻥ، ﺧﯩﺘﺎﻳﻨﯩﯔ ﺑﯘ ﻗﯧﺘﯩﻤﻘﻰ ﻳﯜﻧﻨﻪﻧﺪﯨﻜﻰ ﭘﺎﺭﺗﯩﻼﺷﻨﯩﯔ ﺧﺎﺭﺍﻛﺘﯧﺮﯨﻨﻰ ﻗﺎﻧﺪﺍﻕ ﺑﯧﻜﯩﺘﯩﺪﯨﻐﺎﻧﻠﯩﻘﻰ ﺋﺎﺧﺒﺎﺭﺍﺕ ﺩﺍﺋﯩﺮﯨﻠﯩﺮﯨﻨﻰ ﻗﯩﺰﯨﻘﺘﯘﺭﯗﯞﺍﺗﻘﺎﻥ ﻣﯘﻫﯩﻢ ﻧﯘﻗﺘﺎ ﺑﻮﻟﯘﭖ، ﻓﺮﺍﻧﺴﯩﻴﻪ ﺋﺎﮔﯧﻨﺘﻠﯩﻘﯩﻨﯩﯔ ﺧﻪﯞﯨﺮﯨﺪﻩ"ﺧﯩﺘﺎﻱ ﻫﯚﻛﯜﻣﯩﺘﻰ ﺑﯘﻧﯩﯔ ﺋﺎﻟﺪﯨﺪﺍ، ﺑﯧﻴﺠﯩﯖﺪﯨﻦ ﻧﺎﻫﺎﻳﯩﺘﻰ ﻳﯩﺮﺍﻕ ﺑﻮﻟﻐﺎﻥ ﺷﯩﻨﺠﺎﯕﺪﺍ ﯞﻩ ﺗﯩﺒﻪﺗﺘﻪ ﺋﻮﻟﯩﻤﭙﯩﻜﻘﺎ ﺑﯘﺯﻏﯘﻧﭽﯩﻠﯩﻖ ﻗﯩﻠﯩﺶ ﻫﻪﺭﯨﻜﻪﺗﻠﯩﺮﯨﻨﯩﯔ ﺋﺎﻟﺪﯨﻨﻰ ﺋﯧﻠﯩﺶ ﺋﯜﭼﯜﻥ ﺑﯩﺨﻪﺗﻪﺭﻟﯩﻚ ﺗﻪﺩﺑﯩﺮﻟﯩﺮﯨﻨﻰ ﺋﺎﻻﻫﯩﺪﻩ ﻛﯜﭼﻪﻳﺘﻜﻪﻥ" ﺩﻩﭖ ﺗﻪﻛﯩﺘﻠﯩﮕﻪﻥ.