ﺑﯘ ﻗﯧﺘﯩﻤﻘﻰ ﺋﻮﻟﯩﻤﭙﯩﻚ ﻳﯩﻐﯩﻨﯩﺪﺍ ﺧﯩﺘﺎﻱ، ﺋﺎﻣﯧﺮﯨﻜﺎ ﯞﻩ ﺭﯗﺳﯩﻴﻪ ﺋﻪﯓ ﻛﯚﭖ ﺋﺎﻟﺘﯘﻥ ﻣﯧﺪﺍﻝ ﺋﺎﻟﻐﺎﻥ ﺩﯙﻟﻪﺗﻜﻪ ﺋﺎﻳﻼﻧﻐﺎﻥ ﺑﻮﻟﯘﭖ، ﺧﯩﺘﺎﻱ ﺗﻪﻧﻬﻪﺭﯨﻜﻪﺗﭽﯩﻠﯩﺮﻯ 51 ﺋﺎﻟﺘﯘﻥ ﻣﯧﺪﺍﻝ ﺋﯧﻠﯩﺶ ﺑﯩﻠﻪﻥ ﺋﻮﻟﯩﻤﭙﯩﻚ ﺗﺎﺭﯨﺨﯩﺪﯨﻜﻰ ﻳﯧﯖﻰ ﺭﯦﻜﻮﺭﺗﻨﻰ ﻳﺎﺭﺍﺗﺘﻰ.

ﺋﻮﻟﯩﻤﭙﯩﻚ ﻣﯘﺭﺍﺳﯩﻤﯩﻨﯩﯔ ﻳﯧﭙﯩﻠﯩﺸﯩﺪﺍ 2012 - ﻳﯩﻠﻠﯩﻖ ﺋﻮﻟﯩﻤﭙﯩﻜﻨﻰ ﺋﯚﺗﻜﯜﺯﯨﺪﯨﻐﺎﻥ ﺩﯙﻟﻪﺕ ﺋﻪﻧﮕﯩﻠﯩﻴﻪ ﺋﯩﻜﻪﻧﻠﯩﻜﻰ ﺋﯧﻼﻥ ﻗﯩﻠﯩﻨﻐﺎﻥ ﺑﻮﻟﯘﭖ، 2012 - ﻳﯩﻠﻠﯩﻖ ﺋﻮﻟﯩﻤﭙﯩﻚ ﻳﯩﻐﯩﻨﻰ ﻟﻮﻧﺪﻭﻧﺪﺍ ﺋﯚﺗﻜﯜﺯﯛﻟﯜﺵ ﺷﻪﺭﯨﭙﯩﮕﻪ ﺳﺎﺯﺍﯞﻩﺭ ﺑﻮﻟﯘﭖ، ﻣﻪﺷﺌﻪﻟﻨﻰ ﺗﺎﭘﺸﯘﺭﯗﯞﺍﻟﺪﻯ.

ﺋﻪﻧﮕﯩﻠﯩﻴﻪ ﺏ ﺏ ﺱ ﺋﺎﮔﯧﻨﺘﻠﯩﻘﯩﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﺋﻪﻧﮕﻠﯩﻴﻪ ﺑﺎﺵ ﻣﯩﻨﯩﺴﺘﯩﺮﻯ ﮔﻮﺭﺩﻭﻥ ﺑﺮﻭﯞﻥ ﻣﯘﺭﺍﺳﯩﻤﻐﺎ ﻗﺎﺗﻨﺎﺷﻘﺎﻥ، ﺑﺮﻭﯞﻥ ﺑﯘﻧﯩﯔ ﺋﺎﻟﺪﯨﺪﺍ ﺧﯩﺘﺎﻱ ﺭﻩﺋﯩﺴﻰ ﺧﯘ ﺟﯩﻨﺘﺎﯞ ﺑﯩﻠﻪﻥ ﻛﯚﺭﯛﺷﯜﭖ ﺋﯩﻜﻜﻰ ﺩﯙﻟﻪﺕ ﻫﻪﻣﻜﺎﺭﻟﯩﻘﻠﯩﺮﻯ ﻫﻪﻗﻘﯩﺪﻩ ﺳﯚﻫﺒﻪﺗﻠﻪﺷﻜﻪﻥ ﺋﯩﺪﻯ. ﻳﯧﭙﯩﻠﯩﺶ ﻣﯘﺭﺍﺳﯩﻤﯩﻐﺎ ﺋﻪﻧﮕﯩﻠﯩﻴﯩﻨﯩﯔ ﺑﯩﺮ ﻗﯩﺴﯩﻢ ﭼﻮﻟﭙﺎﻧﻠﯩﺮﻯ ﺋﯩﺸﺘﯩﺮﺍﻙ ﻗﯩﻠﯩﭗ، ﺳﻪﻧﺌﻪﺕ ﻧﻮﻣﯘﺭﻟﯩﺮﯨﻨﻰ ﻛﯚﺭﺳﻪﺗﻜﻪﻥ.

ﺑﯧﻴﺠﯩﯖﺪﺍ ﺋﯧﭽﯩﻠﻐﺎﻥ ﻳﯧﭙﯩﻠﯩﺶ ﻣﯘﺭﺍﺳﯩﻤﯩﺪﺍ ﻛﯧﻠﻪﺭﻛﻰ ﻗﯧﺘﯩﻤﻠﯩﻖ ﺋﻮﻟﯩﻤﭙﯩﻜﻨﯩﯔ ﻟﻮﻧﺪﻭﻧﺪﺍ ﺋﯚﺗﻜﯜﺯﯛﻟﯩﺪﯨﻐﺎﻧﻠﯩﻘﻰ ﺋﯧﻼﻥ ﻗﯩﻠﯩﻨﯩﯟﺍﺗﻘﺎﻧﺪﺍ ﻟﻮﻧﺪﻭﻧﺪﯨﻤﯘ ﺩﺍﻏﺪﯗﻏﯩﻠﯩﻖ ﻣﯘﺭﺍﺳﯩﻤﻼﺭ ﺋﯘﻳﯘﺷﺘﯘﺭﯗﻟﻐﺎﻥ. ﺋﻪﻧﮕﻠﯩﻴﻪ ﺋﺎﻳﺎﻝ ﭘﺎﺩﯨﺸﺎﻫﻰ ﺋﻪﻧﮕﻠﯩﻴﻪ ﺗﻪﻧﻬﻪﺭﯨﻜﻪﺗﭽﯩﻠﯩﺮﯨﻨﯩﯔ ﺑﯧﻴﺠﯩﯖﺪﺍ ﻗﻮﻟﻐﺎ ﻛﻪﻟﺘﯜﺭﮔﻪﻥ ﻧﻪﺗﯩﺠﯩﻠﯩﺮﯨﻨﻰ ﺷﯘﻧﯩﯖﺪﻩﻙ ﻛﯧﻠﻪﺭ ﻗﯧﺘﯩﻤﻠﯩﻖ ﻣﯘﺭﺍﺳﯩﻤﻨﯩﯔ ﻟﻮﻧﺪﻭﻧﺪﺍ ﺋﯚﺗﻜﯜﺯﯛﻟﯜﺵ ﺷﻪﺭﯨﭙﯩﮕﻪ ﺋﯧﺮﯨﺸﻜﻪﻧﻠﯩﻜﯩﻨﻰ ﺗﻪﺑﺮﯨﻜﻠﯩﮕﻪﻥ.

23 - ﺋﺎﯞﻏﯘﺳﺖ ﻛﯜﻧﻰ ﺧﻪﻟﻘﺌﺎﺭﺍ ﮔﯩﻤﻨﺎﺳﺘﯩﻜﺎ ﺟﻪﻣﯩﻴﯩﺘﻰ ﺧﯩﺘﺎﻱ ﺗﻪﻧﺘﻪﺭﺑﯩﻴﻪ ﻛﻮﻣﯩﺘﯧﺘﯩﻨﯩﯔ ﮔﯩﻤﻨﺎﺳﺘﯩﻜﺎ ﻣﯘﺳﺎﺑﯩﻘﯩﺴﯩﺪﺍ ﺋﺎﻟﺘﯘﻥ ﻣﯧﺪﺍﻝ ﺋﺎﻟﻐﺎﻥ ﺧﯩﺘﺎﻱ ﮔﯩﻤﻨﺎﺳﺘﯩﻜﺎ ﻣﺎﻫﯩﺮﻟﯩﺮﯨﻨﯩﯔ ﻳﺎﺵ ﺋﻪﻫﯟﺍﻟﯩﻨﻰ ﺋﯧﻨﯩﻘﻼﭖ ﺑﯧﺮﯨﺸﻨﻰ ﺗﻪﻟﻪﭖ ﻗﯩﻠﻐﺎﻥ.