Хитай хәвәр васитилириниң ашкарилишичә, от апити сәһнидә оюн көрситиватқан артист қолидики електронлуқ от қоралини өзлири бәлгилигән нишанға атқанда, електронлуқ от милтиқидин чиққан оқ електир симиға тегип кетиш нәтиҗисидә от апити келип чиққан икән.

Електирниң өчүп кетиши билән зал ичини қараңғулуқ қаплап, қорқуп кәткән адәмләр тәрәп - Тәрәпкә қачқан һәмдә қалаймиқанчилиқ келип чиққан. Тансихана ишики кичик болғачқа көплигән адәмләрниң қечип чиқип кетишигә амал болмиған. Кечә саәт 11 дә башланған от әтиси таң сәһәргичә давамлашқан болуп, 43 адәмниң көйүп кәткән җәсити тепилған вә 88 адәм көйүп яриланған.

Хитай ахбарат васитилириниң хоңкоң телевизийә истансисиниң учуридин нәқил кәлтүрүшичә, мәзкур тансихана мулазимәт тахтиси асмиған, мәхпий түс алған орун икән. Шинхуаниң хәвәр қилишичә, бу вәқәдин кейин гуаңдуң өлкиси вә шенҗен шәһириниң рәһбәрлири нәқ мәйданға йетип кәлгән вә 12 җинайәт гумандари қолға елинған. Хитай һөкүмити вәқәниң мәсулийитини сүрүштүрүп қаттиқ бир тәрәп қилишни буйриған.

Бундақ еғир от кетиш вәқәси буниңдин он нәчә йил илгири уйғур дияридиму йүз бәргән. 1993 - Йили, қарамай шәһиридики мәдәнийәт кулубиға от кетип, 300 дин артуқ оқуғучи, оқутқучи вә кадирниң һаятидин айрилишдәк паҗиә келип чиққан иди.

Пикир - Қарашлириңизни оттуриға қойуң

Пикир - Байанлириңиз тор башқурғучиси тәрипидин тәстиқлиниши керәк болуп, тор бәттә шу заман елан қилинмайду. Бир аз вақиттин кейин, пикир - Байанлириңизниң тәстиқланған йаки тәстиқланмиғанлиқини қайта тәкшүрүп көрүшигизни сораймиз. Пикир - Қарашлириңизни төвәндики җәдвәл арқилиқ, уйғур кона йезиқи бойичә йоллийалайсиз.

Исим (ихтийар)

Шәһәр (ихтийар)

Пикир - Қарашлириңиз