Xitay xewer wasitilirining ashkarilishiche, ot apiti sehnide oyun körsitiwatqan artist qolidiki éléktronluq ot qoralini özliri belgiligen nishangha atqanda, éléktronluq ot miltiqidin chiqqan oq éléktir simigha tégip kétish netijiside ot apiti kélip chiqqan iken.

Éléktirning öchüp kétishi bilen zal ichini qarangghuluq qaplap, qorqup ketken ademler terep - Terepke qachqan hemde qalaymiqanchiliq kélip chiqqan. Tansixana ishiki kichik bolghachqa köpligen ademlerning qéchip chiqip kétishige amal bolmighan. Kéche saet 11 de bashlanghan ot etisi tang sehergiche dawamlashqan bolup, 43 ademning köyüp ketken jesiti tépilghan we 88 adem köyüp yarilanghan.

Xitay axbarat wasitilirining xongkong téléwiziye istansisining uchuridin neqil keltürüshiche, mezkur tansixana mulazimet taxtisi asmighan, mexpiy tüs alghan orun iken. Shinxuaning xewer qilishiche, bu weqedin kéyin guangdung ölkisi we shénjén shehirining rehberliri neq meydangha yétip kelgen we 12 jinayet gumandari qolgha élinghan. Xitay hökümiti weqening mesuliyitini sürüshtürüp qattiq bir terep qilishni buyrighan.

Bundaq éghir ot kétish weqesi buningdin on neche yil ilgiri uyghur diyaridimu yüz bergen. 1993 - Yili, qaramay shehiridiki medeniyet kulubigha ot kétip, 300 din artuq oqughuchi, oqutquchi we kadirning hayatidin ayrilishdek pajie kélip chiqqan idi.

Pikir - Qarashliringizni otturigha qoyung

Pikir - Bayanliringiz tor bashqurghuchisi teripidin testiqlinishi kérek bolup, tor bette shu zaman élan qilinmaydu. Bir az waqittin kéyin, pikir - Bayanliringizning testiqlanghan yaki testiqlanmighanliqini qayta tekshürüp körüshigizni soraymiz. Pikir - Qarashliringizni töwendiki jedwel arqiliq, uyghur kona yéziqi boyiche yolliyalaysiz.

Isim (ixtiyar)

Sheher (ixtiyar)

Pikir - Qarashliringiz