ﺧﻪﯞﻩﺭﺩﻩ ﻛﯚﺭﺳﯩﺘﯩﻠﯩﺸﯩﭽﻪ، ﺑﯧﻴﺠﯩﯔ، ﺷﺎﯕﺨﻪﻱ ﻗﺎﺗﺎﺭﻟﯩﻖ ﺋﻮﻟﯩﻤﭙﯩﻚ ﺋﯚﺗﻜﯜﺯﯛﻟﯩﺪﯨﻐﺎﻥ ﺋﺎﺳﺎﺳﻠﯩﻖ ﺷﻪﻫﻪﺭﻟﻪﺭﺩﯨﻜﻰ ﺋﺎﻳﺮﻭﺩﯗﺭﯗﻣﻼﺭﺩﺍ ﻳﻮﻟﯘﭼﯩﻼﺭ ﻗﺎﺗﻤﯘ‏ - ﻗﺎﺕ ﺗﻪﻛﺸﯜﺭﯛﺵ ﺋﯚﺗﻜﻪﻟﻠﯩﺮﯨﺪﯨﻦ ﺋﯚﺗﻜﯜﺯﯛﻟﯩﺪﯨﻜﻪﻥ.

ﻣﻪﻟﯘﻡ ﺑﻮﻟﯘﺷﯩﭽﻪ، ﺑﯩﺨﻪﺗﻪﺭﻟﯩﻚ ﺗﻪﻛﺸﯜﺭﯛﺷﻠﯩﺮﻯ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﯩﯔ ﺑﻪﺯﻯ ﺗﯜﺭﻟﯩﺮﻯ ﺋﯚﺗﻜﯜﺯﯛﻟﯩﺪﯨﻐﺎﻥ ﭼﯩﯖﺪﺍﯞ، ﺗﻴﻪﻧﺠﯩﻦ، ﺷﯧﻨﻴﺎﯓ ﻗﺎﺗﺎﺭﻟﯩﻖ ﺷﻪﻫﻪﺭﻟﻪﺭﺩﻩ ﺋﻮﺧﺸﺎﺵ ﺷﻪﻛﯩﻠﺪﻩ ﺋﯧﻠﯩﭗ ﺑﯧﺮﯨﻠﻐﺎﻧﺪﯨﻦ ﺑﺎﺷﻘﺎ، ﺑﯘ ﺧﯩﻞ ﺗﻪﻛﺸﯜﺭﯛﺵ ﺧﯩﺘﺎﻳﻨﯩﯔ ﺑﺎﺷﻘﺎ ﺋﺎﻳﺮﻭﺩﯗﺭﯗﻣﻟﯩﺮﯨﺪﯨﻤﯘ  ﺋﻮﺧﺸﺎﺵ ﺋﯧﻠﯩﭗ ﺑﯧﺮﯨﻠﯩﺪﯨﻜﻪﻥ.

ﺋﺎﻳﺮﻭﺩﯗﺭﯗﻣﻼﺭﺩﯨﻜﻰ ﺑﯩﺨﻪﺗﻪﺭﻟﯩﻚ ﺗﻪﻛﺸﯜﺭﯛﺷﻰ ﺗﯩﺒﻪﺕ ﯞﻩ ﺋﯘﻳﻐﯘﺭ ﺋﯧﻠﯩﻨﯩﯔ ﺋﯜﺭﯛﻣﭽﯩﻨﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ ﻫﻪﺭ ﻗﺎﻳﺴﻰ ﺷﻪﻫﻪﺭﻟﯩﺮﯨﺪﻩ ﺗﯧﺨﯩﻤﯘ ﻗﺎﺗﺘﯩﻖ ﻳﯜﺭﮔﯜﺯﯨﺪﯨﻐﺎﻥ ﺑﻮﻟﯘﭖ، ﺧﻪﯞﻩﺭﺩﻩ ﺋﺎﺷﻜﺎﺭﯨﻠﯩﻨﯩﺸﯩﭽﻪ، ﺋﯜﺭﯛﻣﭽﻰ ﯞﻩ ﺗﯩﺒﻪﺕ ﺋﺎﻳﺮﻭﺩﯗﺭﯗﻣﻟﯩﺮﯨﺪﺍ  ﻗﺎﺗﻤﯘ ‏ - ﻗﺎﺕ ﺑﯩﺨﻪﺗﻪﺭﻟﯩﻚ ﺗﻪﻛﺸﯜﺭﯛﺷﻰ ﺋﯧﻠﯩﭗ ﺑﯧﺮﯨﻠﻐﺎﻧﺪﯨﻦ ﺑﺎﺷﻘﺎ، ﻳﻪﻧﻪ ﺑﯩﺮ ﻗﯩﺴﯩﻢ ﻗﻮﺷﯘﻣﭽﻪ ﺗﻪﻛﺸﯜﺭﯛﺵ ﯞﺍﺳﺘﯩﻠﯩﺮﯨﻤﯘ ﻳﯜﺭﮔﯜﺯﯛﻟﯩﺪﯨﻜﻪﻥ.

ﺋﻪﻣﻤﺎ ﺧﻪﯞﻩﺭﺩﻩ ﺋﯘﻳﻐﯘﺭ ﺋﯩﻠﻰ ﺷﻪﻫﻪﺭﻟﯩﺮﯨﺪﯨﻜﻰ ﺋﺎﻳﺮﻭﺩﯗﺭﯗﻣﻼﺭﺩﺍ ﻗﺎﻧﺪﺍﻕ ﺷﻪﻛﯩﻠﻠﯩﻚ ﻗﻮﺷﯘﻣﭽﻪ ﺗﻪﻛﺸﯜﺭﯛﺵ ﯞﺍﺳﯩﺘﯩﻠﯩﺮﻯ ﻗﻮﻟﻠﯩﻨﯩﺪﯨﻐﺎﻧﻠﯩﻘﻰ ﻫﻪﻗﻘﯩﺪﻩ ﺗﻪﭘﺴﯩﻠﯩﻲ ﻣﻪﻟﯘﻣﺎﺕ ﺑﯧﺮﯨﻠﻤﯩﮕﻪﻥ.

ﻫﺎﻟﺒﯘﻛﻰ، ﺧﻪﻟﻘﺌﺎﺭﺍ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﻯ ﺧﯩﺘﺎﻱ ﻫﯚﻛﯜﻣﯩﺘﻰ ﺋﯩﻠﮕﯩﺮﻯ ﺳﯜﺭﮔﻪﻥ، ﺋﯘﻳﻐﯘﺭﻻﺭ ﺑﯧﻴﺠﯩﯔ ﺋﻮﻟﯩﻤﭙﯩﻜﯩﮕﻪ ﺗﯧﺮﺭﻭﺭﻟﯘﻕ ﻫﯘﺟﯘﻣﻰ ﻗﻮﺯﻏﯩﻤﺎﻗﭽﻰ، ﺗﯩﺒﻪﺗﻠﻪﺭ ﺋﻮﻟﯩﻤﭙﯩﻜﻜﻪ ﺑﯘﺯﻏﯘﻧﭽﯩﻠﯩﻖ ﻗﯩﻠﻤﺎﻗﭽﻰ ﺩﯦﮕﻪﻥ ﺑﺎﻳﺎﻧﺎﺗﻼﺭﻧﻰ ﺋﻪﻳﯩﺒﻠﯩﮕﻪﻥ ﻫﻪﻣﺪﻩ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺑﯘ ﺧﯩﻠﺪﯨﻜﻰ ﺗﻪﻫﺪﯨﺘﻠﻪﺭﻧﻰ ﻛﯚﭘﺘﯜﺭﯛﭖ ﻛﯚﺭﺳﯩﺘﯩﯟﺍﺗﻘﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﺋﯩﺪﻯ.