ﻣﻪﺭﻛﯩﺰﻯ ﻧﻴﯘﻳﻮﺭﻛﺘﯩﻜﻰ ﺟﯘﯕﮕﻮ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﯩﻨﯩﯔ ﭼﺎﺭﺷﻪﻧﺒﻪ ﻛﯜﻧﻰ ﺑﯩﻠﺪﯛﺭﯛﺷﯩﭽﻪ، ﺑﯧﻴﺠﯩﯖﻠﯩﻖ ﺋﻪﺭﺯﺩﺍﺭ ﯞﯗ ﺑﯩﻠﻪﻥ ﯞﺍﯓ، ﺷﻪﻫﻪﺭﻟﯩﻚ ﺳﺎﻗﭽﻰ ﺋﯩﺪﺍﺭﯨﺴﯩﻐﺎ، ﻫﯚﻛﯜﻣﻪﺕ ﻳﻮﻟﻐﺎ ﻗﻮﻳﻐﺎﻥ ﺭﺍﻳﻮﻧﻼﺭﺩﺍ ﻧﺎﻣﺎﻳﯩﺶ ﺋﯧﻠﯩﭗ ﺑﯧﺮﯨﺶ ﻫﻪﻗﻘﯩﺪﻩ ﺋﯩﻠﺘﯩﻤﺎﺱ ﺳﯘﻧﻐﺎﻥ ﺑﻮﻟﯘﭖ، ﺳﺎﻗﭽﯩﻼﺭ ﺋﯘﻻﺭﻧﯩﯔ ﻫﻪﻗﻠﯩﻖ ﺋﯩﻠﺘﯩﻤﺎﺳﯩﻐﺎ ﻳﻮﻝ ﻗﻮﻳﯘﺷﻨﯩﯔ ﺋﻮﺭﻧﯩﻐﺎ ﺋﯘﻻﺭﻧﻰ ﺋﻪﻣﮕﻪﻙ ﺑﯩﻠﻪﻥ ﺗﻪﺭﺑﯩﻴﯩﻠﻪﺵ ﺟﺎﺯﺍﺳﯩﻐﺎ ﺗﺎﺭﺗﻘﺎﻥ.

ﺑﯘ ﻳﯩﻞ 79 ﻳﺎﺷﻘﺎ ﻛﯩﺮﮔﻪﻥ ﯞﯗ ﺑﯩﻠﻪﻥ 77 ﻳﺎﺷﻘﺎ ﻛﯩﺮﮔﻪﻥ ﯞﺍﯓ، 2001 ‏ - ﻳﯩﻠﻰ ﻫﯚﻛﯜﻣﻪﺕ ﺗﻪﺭﯨﭙﯩﺪﯨﻦ ﻣﻪﺟﺒﯘﺭﯨﻲ ﭼﯧﻘﯩﯟﯦﺘﯩﻠﮕﻪﻥ ﺋﯚﻳﻠﯩﺮﻯ ﺋﯜﭼﯜﻥ، ﻧﺎﻣﺎﻳﯩﺶ ﺋﯚﺗﻜﯜﺯﯛﺵ ﻫﻪﻗﻘﯩﺪﻩ ﻫﯚﻛﯜﻣﻪﺗﻜﻪ 5 ﻗﯧﺘﯩﻢ ﺋﯩﻠﺘﯩﻤﺎﺱ ﺳﯘﻧﻐﺎﻥ. ﺭﯗﺧﺴﻪﺗﻜﻪ ﺋﯧﺮﯨﺸﻪﻟﻤﯩﮕﻪﻥ ﺑﯘ ﺋﯩﻜﻜﻪﻳﻠﻪﻥ، 5 ‏ - ﺋﺎﯞﻏﯘﺳﺖ ﻛﯜﻧﻰ ﺳﺎﻗﭽﻰ ﺗﻪﺭﯨﭙﯩﺪﯨﻦ 10 ﺳﺎﺋﻪﺕ ﺗﯘﺗﯘﭖ ﺗﯘﺭﯗﻟﻐﺎﻧﺪﯨﻦ ﻛﯧﻴﯩﻦ، ﻳﯧﻘﯩﻨﺪﺍ ﺑﯧﻴﺠﯩﯔ ﺷﻪﻫﻪﺭﻟﯩﻚ ﻫﯚﻛﯜﻣﻪﺕ ﺋﻪﻣﮕﻪﻙ ﺑﯩﻠﻪﻥ ﺗﻪﺭﺑﯩﻴﯩﻠﻪﺵ ﺋﻮﺭﮔﯩﻨﯩﻨﯩﯔ " ﺋﺎﻣﻤﯩﯟﻯ ﻣﻪﻳﺪﺍﻥ ﺗﻪﺭﺗﯩﭙﯩﮕﻪ ﺑﯘﺯﻏﯘﻧﭽﯩﻠﯩﻖ ﻗﯩﻠﻐﺎﻥ" ﺩﯦﮕﻪﻥ ﺑﺎﻫﺎﻧﻪ ﺑﯩﻠﻪﻥ ﭼﯩﻘﯩﺮﯨﻠﻐﺎﻥ ﺑﯩﺮ ﻳﯩﻠﻠﯩﻖ ﺋﻪﻣﮕﻪﻙ ﺑﯩﻠﻪﻥ ﺋﯚﺯﮔﻪﺭﺗﯩﺶ ﻗﺎﺭﺍﺭﯨﻨﻰ ﺗﺎﭘﺸﯘﺭﯗﭖ ﺋﺎﻟﻐﺎﻥ.

ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ، ﻛﯚﺯﻯ ﻳﺎﺧﺸﻰ ﻛﯚﺭﻣﻪﻳﺪﯨﻐﺎﻥ، ﻳﻮﻝ ﻳﯜﺭﯛﺷﺘﯩﻤﯘ ﻧﺎﻫﺎﻳﯩﺘﻰ ﻗﯩﻴﻨﯩﻠﯩﺪﯨﻐﺎﻥ ﯞﯗ ﻣﻮﻣﺎﻳﻨﻰ، ﻣﻪﺟﺒﯘﺭﻻﺵ، ﺗﻪﻫﺪﯨﺖ ﺳﯧﻠﯩﺶ ﻫﻪﻣﺪﻩ ﺋﻪﻣﮕﻪﻙ ﺑﯩﻠﻪﻥ ﺋﯚﺯﮔﻪﺭﺗﯩﺶ ﺟﺎﺯﺍﺳﯩﻐﺎ ﺗﺎﺭﺗﯩﺸﺘﻪﻙ ﻗﯩﻠﻤﯩﺸﻠﯩﺮﯨﻨﻰ ﻗﺎﺗﺘﯩﻖ ﺋﻪﻳﯩﺒﻠﯩﮕﻪﻥ ﺟﯘﯕﮕﻮ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻰ، ﺋﻮﻟﯩﻤﭙﯩﻚ ﺟﻪﺭﻳﺎﻧﯩﺪﺍ ﻧﺎﻣﺎﻳﯩﺶ ﺋﯧﻠﯩﭗ ﺑﯧﺮﯨﺸﻘﺎ ﻳﻮﻝ ﻗﻮﻳﯘﻟﻐﺎﻥ ﻣﻪﻳﺪﺍﻧﻼﺭﻧﯩﯔ ﺳﺎﺧﺘﺎ ﻳﺎﺳﺎﻟﻐﺎﻧﻠﯩﻘﯩﻨﻰ، ﺑﯘﻧﯩﯔ ﺗﺎﻣﺎﻣﻪﻥ ﺧﻪﻟﻘﺌﺎﺭﺍ ﺟﺎﻣﺎﺋﻪﺗﻨﻰ ﺋﺎﻟﺪﺍﺵ ﺋﯜﭼﯜﻥ ﺋﯧﻠﯩﭗ ﺑﯧﺮﯨﻠﻐﺎﻥ ﺋﻮﻳﯘﻧﺪﯨﻦ ﺋﯩﺒﺎﺭﻩﺕ ﺋﯩﻜﻪﻧﻠﯩﻜﯩﻨﻰ ﻣﯘﺋﻪﻳﻴﻪﻧﻠﻪﺷﺘﯜﺭﺩﻯ.