ﺑﯧﻴﺠﯩﯔ ﺋﻮﻟﯩﻤﭙﯩﻚ ﻳﯩﻐﯩﻨﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﻰ ﯞﻩ ﺑﺎﺷﻘﺎ ﺋﺎﺳﺎﺳﻠﯩﻖ ﻣﯘﺳﺎﺑﯩﻘﻪ ﺗﯜﺭﻟﯩﺮﻯ ﺋﯧﻠﯩﭗ ﺑﯧﺮﯨﻠﯩﺪﯨﻐﺎﻥ " ﻗﯘﺵ ﺋﯘﯞﯨﺴﻰ" ﺗﻪﻧﺘﻪﺭﺑﯩﻴﻪ ﻣﻪﻳﺪﺍﻧﯩﻨﯩﯔ ﻻﻳﯩﻬﯩﻠﯩﻨﯩﺸﯩﮕﻪ ﻣﻪﺳﻠﯩﻬﻪﺗﭽﻰ ﺳﯜﭘﯩﺘﯩﺪﻩ ﺗﻪﻛﻠﯩﭗ ﻗﯩﻠﯩﻨﻐﺎﻥ ﺋﺎﯞﺍﻧﮕﺎﺭﺕ ﺳﻪﻧﺌﻪﺗﻜﺎﺭ ﯞﻩ ﺗﻪﻧﻘﯩﺪﭼﻰ ﺋﻪﻱ ﯞﯦﻴﯟﯦﻲ ﺑﻮﻟﺴﺎ، ﻣﻪﺯﻛﯘﺭ ﺋﻮﻟﯩﻤﭙﯩﻚ ﻣﻪﻳﺪﺍﻧﯩﻨﯩﯔ ﺋﺎﺭﻗﯩﺴﯩﻐﺎ ﺧﯩﺘﺎﻳﺪﯨﻜﻰ ﻧﯘﺭﻏﯘﻥ ﺋﯩﺠﺘﯩﻤﺎﺋﯩﻲ ﻣﻪﺳﯩﻠﻪﺭﻧﯩﯔ ﻳﻮﺷﯘﺭﯗﻧﻐﺎﻧﻠﯩﻘﯩﻨﻰ ﺷﯘﯕﺎ ﻣﻪﺳﻠﯩﻬﻪﺗﭽﯩﻠﯩﻚ ﯞﻩﺯﯨﭙﯩﺴﯩﺪﯨﻦ ﯞﺍﺯ ﻛﻪﭼﻜﻪﻧﻠﯩﻜﯩﻨﻰ ﺑﯩﻠﺪﯛﺭﮔﻪﻥ ﯞﻩ ﺑﯘ ﻣﻪﻳﺪﺍﻧﻨﻰ "ﺳﺎﺧﺘﺎ ﺗﻪﺑﻪﺳﺴﯘﻡ" ﺩﻩﭖ ﺋﺎﺗﯩﻐﺎﻥ.

ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻘﯩﺪﺍ ﺧﻪﯞﻩﺭ ﻗﯩﻠﯩﻨﯩﺸﯩﭽﻪ، " ﻣﻪﺩﻩﻧﯩﻴﻪﺗﻠﯩﻚ ﺷﻪﻫﻪﺭ ﺋﺎﻫﺎﻟﯩﺴﻰ ﺋﻪﻫﺪﯨﻨﺎﻣﯩﺴﻰ" ﻏﺎ ﻗﻮﻝ ﻗﻮﻳﯘﺷﻘﺎ ﻣﻪﺟﺒﯘﺭﻻﻧﻐﺎﻥ ﺷﯩﺠﻴﺎﺟﯘﺍﯓ ﺷﻪﻫﯩﺮﯨﺪﻩ ﺗﯘﺭﯗﺷﻠﯘﻕ ﺟﺎﯓ ﻓﺎﻣﯩﻠﯩﻠﯩﻚ ﺗﻮﺭ ﺑﯧﺘﻰ ﻻﻳﯩﻬﯩﻠﯩﮕﯜﭼﻰ، ﺋﻮﻟﯩﻤﭙﯩﻜﻨﯩﯔ ﺋﯚﺯﯨﺪﻩﻙ ﺋﺎﺩﻩﺗﺘﯩﻜﻰ ﻛﯩﺸﯩﻠﻪﺭ ﺑﯩﻠﻪﻥ ﻛﯚﭖ ﺋﺎﻻﻗﯩﺴﻰ ﺑﻮﻟﻤﯩﺴﯩﻤﯘ، ﺋﻪﻣﻤﺎ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﻮﺑﺮﺍﺯﻯ ﺋﯜﭼﯜﻥ ﻫﻪﻣﻤﻪﻳﻠﻪﻧﻨﯩﯔ ﺋﯚﺯ ﺗﯘﺭﻣﯘﺵ ﺋﺎﺩﻩﺗﻠﯩﺮﯨﻨﻰ ﺋﯚﺯﮔﻪﺭﺗﯩﺸﻜﻪ ﻣﻪﺟﺒﯘﺭﻻﻧﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﺑﯧﻴﺠﯩﯔ ﻛﻮﭼﯩﻠﯩﺮﯨﺪﺍ ﻣﯘﺯ ﻗﺎﻳﻤﺎﻕ ﺳﺎﺗﯩﺪﯨﻐﺎﻥ 53 ﻳﺎﺷﻠﯩﻖ ﺋﯚﺯﯨﻨﻰ ﯞﯗ ﺩﻩﭖ ﺗﻮﻧﯘﺷﺘﯘﺭﻏﺎﻥ ﻳﺎﻳﻤﯩﭽﻰ، ﺋﻮﻟﯩﻤﭙﯩﻚ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺗﺎﺯﯨﻼﺵ ﺋﯧﻠﯩﭗ ﺑﯧﺮﯨﺸﺘﺎ ﻳﺎﻳﻤﯩﺴﯩﻨﻰ ﺗﺎﻗﺎﺷﻘﺎ ﻣﻪﺟﺒﯘﺭﻻﻧﻐﺎﻥ ﺑﻮﻟﯘﭖ، ﺋﯘ ﺋﯚﺯﻯ ﺑﯩﻠﯩﺪﯨﻐﺎﻥ ﻛﯩﺸﯩﻠﻪﺭﻧﯩﯔ ﻳﯧﺮﯨﻤﻰ ﺩﯦﮕﯜﺩﻩﻙ ﺋﻮﻟﯩﻤﭙﯩﻚ ﻳﯩﻐﯩﻨﯩﻨﯩﯔ ﭘﺎﺗﺮﺍﻕ ﺋﺎﻳﺎﻏﻠﯩﺸﯩﺸﯩﻨﻰ ﻛﯜﺗﯜﯞﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﻫﻪﻣﺪﻩ: " ﺑﯘ ﺩﯙﻟﻪﺕ ﺋﯜﭼﯜﻥ ﺑﯩﺮ ﭘﺎﺭﻻﻕ ﺳﻪﻫﯩﭙﻪ ﺑﻮﻟﺴﺎ، ﺯﯨﻴﺎﻥ ﺗﺎﺭﺗﯩﺪﯨﻐﯩﻨﻰ ﻳﻪﻧﯩﻼ ﺋﺎﺩﻩﺗﺘﯩﻜﻰ ﺧﻪﻟﻖ " ﺩﯦﮕﻪﻥ.