ﺑﯘﻧﯩﯔ ﺧﯩﺘﺎﻱ - ﻗﺎﺯﺍﻗﯩﺴﺘﺎﻥ ﻣﯘﻧﺎﺳﯩﯟﻩﺕ ﺗﺎﺭﯨﺨﯩﺪﯨﻜﻰ ﻳﯧﯖﯩﻠﯩﻖ ﺋﯩﻜﻪﻧﻠﯩﻜﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ ﺷﯩﻨﺨﯘﺍ ﺋﺎﮔﯧﻨﺘﻠﯩﻘﯩﻨﯩﯔ ﺋﯘﭼﯘﺭﯨﺪﯨﻦ ﺋﺎﺷﻜﺎﺭﯨﻠﯩﻨﯩﺸﯩﭽﻪ، 16 - ﺋﯩﻴﯘﻥ ﻛﯜﻧﻰ ﺧﯩﺘﺎﻱ ﺗﻪﺭﻩﭖ ﭼﯧﮕﺮﺍ ﻣﯘﺩﺍﭘﯩﺌﻪ ﭘﻮﻧﻜﯩﺘﻰ ﺑﯩﻠﻪﻥ ﻗﺎﺯﺍﻗﯩﺴﺘﺎﻥ ﺗﻪﺭﻩﭘﻨﯩﯔ ﭼﯧﮕﺮﺍ ﺳﺎﻗﻼﺵ ﺋﻪﺗﺮﯨﺘﯩﻨﯩﯔ ﻛﻮﻣﺎﻧﺪﯨﺮﻟﯩﺮﻯ ﺋﺎﺭﯨﺴﯩﺪﯨﻜﻰ ﺳﯚﻫﺒﻪﺗﺘﯩﻦ ﻛﯧﻴﯩﻦ ﺑﯩﺮﻟﯩﻜﺘﻪ ﭼﺎﺭﻻﺵ ﺋﯧﻠﯩﭗ ﺑﯧﺮﯨﺸﻘﺎ ﭘﯜﺗﯜﺷﯜﭖ، ﺋﯩﻜﻜﻰ ﺗﻪﺭﻩﭘﻨﯩﯔ 16 ﺋﺎﺩﯨﻤﻰ ﺟﯧﻤﯩﻨﻪﻱ ﻧﺎﻫﯩﻴﯩﺴﯩﺪﯨﻦ ﺑﺎﺷﻼﭖ، 67 ﻧﻮﻣﯘﺭﻟﯘﻕ ﭼﯧﮕﺮﺍ ﺋﺎﺑﯩﺪﯨﺴﻰ ﺑﯩﻠﻪﻥ 26 ﻧﻮﻣﯘﺭﻟﯘﻕ ﭼﯧﮕﺮﺍ ﺋﺎﺑﯩﺪﯨﺴﻰ ﺋﺎﺭﯨﺴﯩﺪﯨﻜﻰ 400 ﻛﯩﻠﻮﻣﯧﺘﺮﻟﯩﻖ ﻟﯩﻨﯩﻴﯩﺪﻩ ﭼﺎﺭﻻﺵ ﺋﯧﻠﯩﭗ ﺑﺎﺭﻏﺎﻥ ﻫﻪﻣﺪﻩ ﻫﻪﺭ ﺑﯩﺮ ﭼﯧﮕﺮﺍ ﺋﺎﺑﯩﺪﯨﺴﯩﻨﯩﯔ ﻳﯧﻨﯩﻐﺎ ﻛﻪﻟﮕﻪﻧﺪﻩ ﺧﺎﺗﯩﺮﻩ ﺳﯜﺭﻩﺗﻠﯩﺮﯨﮕﻪ ﭼﯜﺷﻜﻪﻥ.

ﻣﻪﺯﻛﯘﺭ ﭼﯧﮕﺮﺍ ﻟﯩﻨﯩﻴﯩﺴﯩﻨﯩﯔ ﻳﻪﺭ ﺗﯜﺯﯛﻟﯜﺷﻰ ﻣﯘﺭﻩﻛﻜﻪﭖ ﺑﻮﻟﯘﭖ، ﺗﺎﻏﻠﯩﻖ، ﻗﯘﻣﻠﯘﻕ، ﺋﯧﺪﯨﺮﻟﯩﻖ ﯞﻩ ﺋﻮﺭﻣﺎﻧﻠﯩﻘﻼﺭﺩﯨﻦ ﺗﻪﺭﻛﯩﭗ ﺗﺎﭘﻘﺎﻥ ﺑﻮﻟﻐﺎﭼﻘﺎ ﭼﺎﺭﻻﺵ ﺋﯩﺸﻠﯩﺮﯨﻤﯘ ﻗﯩﻴﯩﻦ ﺑﻮﻟﻐﺎﻥ. ﭼﯧﮕﺮﺍ ﻟﯩﻨﯩﻴﯩﺴﯩﺪﯨﻜﻰ ﺑﯩﺮ ﻗﯩﺴﯩﻢ ﺟﺎﻳﻼﺭ ﺳﺎﺑﯩﻖ ﺳﻮﯞﯦﺖ ﺋﯩﺘﺘﯩﭙﺎﻗﻰ ﺩﻩﯞﺭﯨﺪﻩ ﺗﺎﻻﺵ - ﺗﺎﺭﺗﯩﺶ ﺋﯜﺳﺘﯩﺪﻩ ﺑﻮﻟﯘﭖ، ﺋﯩﻜﻜﻰ ﺗﻪﺭﻩﭖ ﺋﺎﺭﯨﺴﯩﺪﺍ ﺩﺍﺋﯩﻢ ﭼﯧﮕﺮﺍ ﺟﯩﺪﻩﻟﻠﯩﺮﻯ ﺑﻮﻟﯘﭖ ﺗﯘﺭﻏﺎﻥ ﺋﯩﺪﻯ. ﻗﺎﺯﺍﻗﯩﺴﺘﺎﻥ - ﺧﯩﺘﺎﻱ ﭼﯧﮕﺮﺍ ﻟﯩﻨﯩﻴﯩﻠﯩﺮﯨﻨﯩﯔ ﺑﯩﺮﻯ ﭼﺎﻏﺎﻧﺘﻮﻗﺎﻳﺪﺍ ﺑﻮﻟﺴﺎ، 1969 - ﻳﯩﻠﻰ ﺗﻮﻗﯘﻧﯘﺵ ﻛﯧﻠﯩﭗ ﭼﯩﻘﯩﭗ، ﺳﻮﯞﯦﺖ ﻗﻮﺷﯘﻧﻠﯩﺮﻯ ﺋﯧﻐﯩﺮ ﻗﻮﺭﺍﻟﻼﺭﻧﻰ ﺋﯩﺸﻘﺎ ﺳﯧﻠﯩﭗ، ﺧﯩﺘﺎﻱ ﺗﻪﺭﻩﭘﻨﯩﯔ ﺑﯩﺮ ﭼﺎﺭﻻﺵ ﻗﻮﺷﯘﻧﯩﻨﻰ ﻗﯩﺮﻏﯩﻦ ﻗﯩﻠﻐﺎﻥ ﺋﯩﺪﻯ.

1997 - ﻳﯩﻠﻰ ﻗﺎﺯﺍﻗﯩﺴﺘﺎﻥ ﺑﯩﻠﻪﻥ ﺧﯩﺘﺎﻱ ﺋﯩﻜﻜﻰ ﺩﯙﻟﻪﺕ ﺋﺎﺭﯨﺴﯩﺪﯨﻜﻰ ﺑﯩﺮ ﻗﯩﺴﯩﻢ ﭼﯧﮕﺮﺍ ﻟﯩﻨﯩﻴﯩﻠﯩﺮﯨﺪﯨﻜﻰ ﺗﺎﻻﺵ - ﺗﺎﺭﺗﯩﺸﻼﺭﻧﻰ ﺋﺎﺧﯩﺮﻻﺷﺘﯘﺭﯗﭖ، 2000  - ﻳﯩﻠﻼﺭﻏﺎ ﻛﻪﻟﮕﻪﻧﺪﻩ ﺑﺎﺭﻟﯩﻖ ﭼﯧﮕﺮﯨﻼﺭﻧﻰ ﺋﯧﻨﯩﻖ ﺑﯧﻜﯩﺘﻜﻪﻥ.

ﺑﯘ ﻗﯧﺘﯩﻤﻘﻰ ﭼﺎﺭﻻﺷﻨﯩﯔ ﻣﻪﻗﺴﻪﺗﻠﯩﺮﯨﺪﻩ ﺳﯩﻴﺎﺳﯩﻲ ﻣﻪﯞﻗﻪ ﺗﻪﻛﯩﺘﻠﻪﻧﻤﯩﮕﻪﻥ. ﺋﻪﻣﻤﺎ، ﻗﺎﺯﺍﻗﯩﺴﺘﺎﻥ ﺑﯩﻠﻪﻥ ﺧﯩﺘﺎﻳﻨﯩﯔ ﺷﺎﯕﺨﻪﻱ ﻫﻪﻣﻜﺎﺭﻟﯩﻖ ﺗﻪﺷﻜﯩﻼﺗﻰ ﺭﺍﻣﻜﯩﺴﻰ ﺋﺎﺳﺘﯩﺪﺍ ﺋﯘﻳﻐﯘﺭ ﻣﯘﺳﺘﻪﻗﯩﻠﭽﯩﻠﯩﺮﯨﮕﻪ ﺯﻩﺭﺑﻪ ﺑﯧﺮﯨﺶ ﻣﻪﻗﺴﯩﺘﯩﺪﻩ ﺗﯧﺮﺭﻭﺭﭼﯩﻠﯩﻘﻘﺎ ﻗﺎﺭﺷﻰ ﺗﯘﺭﯗﺵ ﻧﺎﻣﻰ ﺋﺎﺳﺘﯩﺪﺍ ﺑﯩﺮﻟﻪﺷﻤﻪ ﻫﻪﺭﺑﯩﻲ ﻣﺎﻧﯧﯟﯨﺮ ﺋﯚﺗﻜﯜﺯﮔﻪﻧﻠﯩﻜﻰ ﻫﻪﻣﺪﻩ ﺑﯘ ﻣﻪﺳﯩﻠﻪ ﺑﻮﻳﯩﭽﻪ ﻫﻪﻣﻜﺎﺭﻟﯩﻖ ﻛﯧﻠﯩﺸﯩﻤﻠﯩﺮﻯ ﺗﯜﺯﮔﻪﻧﻠﯩﻜﻰ ﺳﯩﺮ ﺋﻪﻣﻪﺱ.