ﺩﯨﻠﺸﺎﺕ ﺭﯨﺸﯩﺘﻨﯩﯔ ﻛﯚﺭﺳﯩﺘﯩﺸﯩﭽﻪ، ﺋﯩﻠﻰ ﺋﻮﺑﻼﺳﺘﻠﯩﻖ ﺋﻪﺩﻟﯩﻴﻪ ﻣﻪﻫﻜﯩﻤﯩﺴﻰ ﺑﯘ ﻳﯩﻞ 5 - ﺋﺎﻳﺪﺍ ﺋﯩﭽﻜﻰ ﻫﯚﺟﺠﻪﺕ ﭼﯜﺷﯜﺭﯛﭖ، 1990 - ﺋﯩﻠﯩﺪﯨﻦ 2007 - ﻳﯩﻠﯩﻐﯩﭽﻪ ﺑﻮﻟﻐﺎﻥ ﺋﺎﺭﯨﻠﯩﻘﺘﺎ ﺋﻪﻣﮕﻪﻙ ﺑﯩﻠﻪﻥ ﺗﻪﺭﺑﯩﻴﯩﻠﻪﺵ ﺋﻮﺭﯗﻧﻠﯩﺮﯨﺪﯨﻦ ﻗﻮﻳﯘﭖ ﺑﯧﺮﯨﻠﮕﻪﻥ ﻣﻪﻫﺒﯘﺳﻼﺭﻧﯩﯔ ﻧﯧﻤﻪ ﺋﻮﻱ ﺑﯩﻠﻪﻥ ﻳﯜﺭﯛﯞﺍﺗﻘﺎﻧﻠﯩﻘﯩﻨﻰ ﺑﯩﻠﯩﺶ ﻣﻪﻗﺴﯩﺘﯩﺪﻩ ﺗﯩﺰﯨﻤﻼﺵ ﺧﯩﺰﻣﯩﺘﯩﻨﻰ ﺑﺎﺷﻠﯩﻐﺎﻥ.

ﺩﯨﻠﺸﺎﺕ ﺭﯨﺸﯩﺖ ﺗﻪﻣﯩﻨﻠﯩﮕﻪﻥ ﻣﺎﺗﯧﺮﯨﻴﺎﻟﺪﺍ ﺋﺎﺷﻜﺎﺭﯨﻠﯩﻨﯩﺸﯩﭽﻪ، ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﭘﺎﺭﺗﻜﻮﻣﻰ ﺗﺎﺭﻗﺎﺗﻘﺎﻥ "2008 - ﻳﯩﻠﻠﯩﻖ ﺋﻮﻟﯩﻤﭙﯩﻚ ﻣﯘﻗﯩﻤﻠﯩﻘﯩﻨﻰ ﻗﻮﻏﺪﺍﺵ ﺧﯩﺰﻣﻪﺕ ﭘﯩﻼﻧﻰ" ﻧﯩﯔ ﺭﻭﻫﯩﻐﺎ ﺋﺎﺳﺎﺳﻪﻥ، ﺋﯩﻠﻰ ﺋﻮﺑﻼﺳﺘﻠﯩﻖ ﺋﻪﺩﻟﯩﻴﻪ ﻣﻪﻫﻜﯩﻤﯩﺴﻰ، ﺋﻮﺑﻼﺳﺖ ﺗﻪﯞﻩﺳﯩﺪﯨﻜﻰ ﺑﺎﺭﻟﯩﻖ ﺷﻪﻫﻪﺭ ﯞﻩ ﻧﺎﻫﯩﻴﯩﻠﻪﺭﺩﻩ 35 ﻛﯜﻧﻠﯜﻙ، 1990 - ﻳﯩﻠﯩﺪﯨﻦ 2007 - ﻳﯩﻠﯩﻐﯩﭽﻪ ﺋﺎﺭﯨﻠﯩﻘﺘﺎ ﺗﯜﺭﻣﯩﺪﯨﻦ ﻗﻮﻳﯘﭖ ﺑﯧﺮﯨﻠﮕﻪﻥ ﻣﻪﻫﺒﯘﺳﻼﺭﻧﯩﯔ ﺋﻪﻫﯟﺍﻟﯩﻨﻰ ﺋﯩﮕﯩﻠﻪﺵ ﯞﻩ ﺗﯩﺰﯨﻤﻼﺵ ﺧﯩﺰﻣﯩﺘﯩﻨﻰ ﺑﺎﺷﻼﺗﻘﺎﻥ.

ﺋﯩﭽﻜﻰ ﻫﯚﺟﺠﻪﺗﻨﯩﯔ ﺋﯜﭼﯩﻨﭽﻰ ﺗﺎﺭﻣﯩﻘﯩﺪﺍ ﻣﯘﻧﺪﺍﻕ ﻛﯚﺭﺳﯩﺘﯩﻠﮕﻪﻥ: " ﺩﯙﻟﻪﺕ ﺑﯩﺨﻪﺗﻪﺭﻟﯩﻜﯩﮕﻪ ﺯﯨﻴﺎﻥ ﻳﻪﺗﻜﯜﺯﮔﻪﻥ ﻫﻪﻣﺪﻩ ﻗﺎﻧﯘﻧﺴﯩﺰ ﺩﯨﻨﯩﻲ ﭘﺎﺋﺎﻟﯩﻴﻪﺕ ﺑﯩﻠﻪﻥ ﺷﯘﻏﯘﻟﻼﻧﻐﺎﻥ، ﺑﻮﻟﯘﭘﻤﯘ ﻣﯩﻠﻠﯩﻲ ﺑﯚﻟﮕﯜﻧﭽﯩﻠﻪﺭﻧﯩﯔ ﻏﻮﻟﻠﯘﻕ ﺋﯘﻧﺴﯘﺭﻟﯩﺮﻯ، ﺗﯧﺮﺭﻭﺭﭼﻰ، ﺯﻭﺭﺍﯞﺍﻥ ﺟﯩﻨﺎﻳﻪﺗﭽﯩﻠﻪﺭ ﯞﻩ ﺩﯨﻨﯩﻲ ﺋﻪﺳﻪﺑﯩﻲ ﻛﯜﭼﻠﻪﺭﻧﯩﯔ ﺭﻩﻫﺒﻪﺭﻟﯩﺮﯨﻨﯩﯔ، ﺧﻪﺗﻪﺭﻟﯩﻚ ﻣﻪﻫﺒﯘﺱ، ﺋﯜﭺ ﺧﯩﻞ ﺋﯘﻧﺴﯘﺭ ﺟﯩﻨﺎﻳﯩﺘﻰ ﺑﺎﺭ ﻛﯩﺸﯩﻠﻪﺭﻧﯩﯔ ﺋﻪﻫﯟﺍﻟﯩﻨﻰ ﺋﺎﺳﺎﺳﻠﯩﻖ ﺗﻪﻛﺸﯜﺭﯛﭖ ﺋﯧﻨﯩﻘﻼﺵ، ﺷﯘﻧﯩﯔ ﺑﯩﻠﻪﻥ ﺑﯩﺮﻟﯩﻜﺘﻪ، ﻳﯘﻗﯩﺮﯨﺪﺍ ﺳﺎﻧﺎﻟﻐﺎﻥ ﺋﯘﻧﺴﯘﺭﻻﺭﻏﺎ ﺋﺎﻳﺮﯨﻢ ﺗﯩﺰﯨﻤﻼﺵ ﺧﺎﺗﯩﺮﯨﺴﻰ ﺗﯘﺗﯘﭖ، ﻳﯘﻗﯩﺮﯨﻨﯩﯔ ﺑﺎﺷﻘﯘﺭﯗﺷﯩﻐﺎ ﺋﺎﻻﻫﯩﺪﻩ ﺗﺎﭘﺸﯘﺭﯗﺵ."

ﻣﻪﺯﻛﯘﺭ ﺋﯩﭽﻜﻰ ﻣﺎﺗﯧﺮﯨﻴﺎﻝ ﻫﻪﻗﻘﯩﺪﻩ ﺗﻮﺧﺘﺎﻟﻐﺎﻥ ﺩﯨﻠﺸﺎﺕ ﺭﯨﺸﯩﺖ، ﺑﯘ ﺧﯩﻠﺪﯨﻜﻰ ﻫﯚﺟﺠﻪﺕ ﺋﺎﭘﺘﻮﻧﻮﻡ ﺭﺍﻳﻮﻥ ﺑﯘﻳﯩﭽﻪ ﺋﻮﺭﺗﺎﻕ ﭼﯜﺷﯜﺭﯛﻟﮕﻪﻥ ﺑﻮﻟﯘﭖ، ﻫﻪﺭ ﻗﺎﻳﺴﻰ ﻳﻪﺭﻟﯩﻚ ﻫﯚﻛﯜﻣﻪﺕ ﺋﺎﭘﭙﺎﺭﺍﺗﻠﯩﺮﻯ ﺋﻮﺯ ﺋﻪﻫﯟﺍﻟﯩﻐﺎ ﻗﺎﺭﺍﭖ ﻫﻪﺭ ﺧﯩﻞ ﺷﻪﻛﯩﻠﺪﻩ ﻳﯜﺭﮔﯜﺯﯛﺷﻜﻪ ﺑﺎﺷﻠﯩﻐﺎﻥ.

ﺩﯨﻠﺸﺎﺕ ﺭﯨﺸﯩﺖ، "ﺋﻪﺳﻠﯩﺪﯨﻨﻼ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺯﯨﻴﺎﻧﻜﻪﺷﻠﯩﻜﯩﮕﻪ ﺋﯘﭼﺮﯨﻐﺎﻥ ﺑﯘ ﺋﺎﺗﺎﻟﻤﯩﺶ ﻣﻪﻫﺒﯘﺳﻼﺭ ﺋﻮﻟﯩﻤﭙﯩﻚ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺋﻪﺭﻛﯩﻨﻠﯩﻜﯩﺪﯨﻦ ﻳﻪﻧﻪ ﺑﯩﺮ ﻗﯧﺘﯩﻢ ﻣﻪﻫﺮﯗﻡ ﻗﺎﻟﺪﯗﺭﯗﻟﻤﺎﺳﻠﯩﻘﻰ ﻛﯧﺮﻩﻙ" ﺩﯦﺪﻯ ﯞﻩ ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺗﻨﻰ ﺋﯘﻳﻐﯘﺭ ﺋﯩﻠﯩﺪﯨﻜﻰ ﻛﯩﺸﯩﻠﯩﻚ ﻫﻮﻗﯘﻕ ﺩﻩﭘﺴﻪﻧﺪﯨﭽﯩﻠﯩﻜﯩﮕﻪ ﺟﯩﺪﺩﯨﻲ ﺋﯧﺘﯩﺒﺎﺭ ﺑﯧﺮﯨﺸﻜﻪ ﭼﺎﻗﯩﺮﺩﻯ.