7 ‏ - ﺋﺎﻳﻨﯩﯔ 1 ‏ - ﻛﯜﻧﻰ، ﺧﯩﺘﺎﻳﺪﺍ ﻫﻪﺭ ﺩﻩﺭﯨﺠﯩﻠﯩﻚ ﭘﺎﺭﺗﯩﻴﻪ، ﻫﯚﻛﯜﻣﻪﺕ، ﺋﻪﺩﻟﯩﻴﻪ ﯞﻩ ﻫﻪﺭﺑﯩﻲ ﺋﻮﺭﮔﺎﻧﻠﯩﺮﻯ، ﺧﯩﺘﺎﻱ ﻛﻮﻣﻤﯘﻧﯩﺴﺘﯩﻚ ﭘﺎﺭﺗﯩﻴﯩﺴﯩﻨﯩﯔ 87 ﻳﯩﻠﻠﯩﻘﯩﻨﻰ ﺗﻪﺑﺮﯨﻜﻠﻪﺵ ﺋﯜﭼﯜﻥ ﭘﺎﺋﺎﻟﯩﻴﻪﺗﻠﻪﺭ ﺋﯧﻠﯩﭗ ﺑﺎﺭﺩﻯ. ﺑﯘ ﺩﻩﻝ ﮔﯜﻳﺠﯘ ﺋﯚﻟﻜﯩﺴﻰ ﯞﯦﯖﺌﻪﻥ ﻧﺎﻫﯩﻴﯩﺴﯩﺪﻩ ﻳﯜﺯ ﺑﻪﺭﮔﻪﻥ ﺋﺎﻣﻤﯩﻨﯩﯔ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﯛﺵ ﻫﻪﺭﯨﻜﯩﺘﻰ ﻳﯧﯖﻰ ﺑﺎﺳﺘﯘﺭﯗﻟﻐﺎﻥ ﭘﻪﻳﺘﻜﻪ ﺗﻮﻏﺮﺍ ﻛﻪﻟﺪﻯ.

ﺋﯩﺴﺘﺎﻧﺴﯩﻤﯩﺰ ﯞﻩ ﺑﺎﺷﻘﺎ ﺋﺎﺧﺒﺎﺭﺍﺕ ﯞﺍﺳﺘﯩﻠﯩﺮﻯ ﺋﯩﮕﯩﻠﯩﮕﻪﻥ ﻣﻪﻟﯘﻣﺎﺗﻼﺭﺩﯨﻦ ﻗﺎﺭﯨﻐﺎﻧﺪﺍ، ﺑﯩﺮ ﻗﺎﻧﭽﻪ ﻛﯜﻥ ﺋﯩﻠﮕﯩﺮﻯ، ﯞﯦﯖﺌﻪﻥ ﻧﺎﻫﯩﻴﯩﺴﯩﺪﻩ ﺑﯩﺮ ﺋﻮﺗﺘﯘﺭﺍ ﻣﻪﻛﺘﻪﭘﻨﯩﯔ ﻗﯩﺰ ﺋﻮﻗﯘﻏﯘﭼﯩﺴﻰ ﺑﺎﺳﻘﯘﻧﭽﯩﻠﯩﻘﻘﺎ ﺋﯘﭼﺮﯨﻐﺎﻧﺪﯨﻦ ﻛﯧﻴﯩﻦ، ﺋﯚﻟﺘﯜﺭﯛﻟﯜﭖ ﺋﯧﺮﯨﻘﻘﺎ ﺗﺎﺷﻠﯩﯟﯦﺘﯩﻠﮕﻪﻥ. ﺳﺎﻗﭽﯩﻼﺭ ﺋﯚﻟﮕﯜﭼﯩﻨﻰ ﺋﯚﺯﯨﻨﻰ ﺋﯚﻟﺘﯜﺭﯛﯞﺍﻟﻐﺎﻥ ﺩﻩﭖ ﻫﯚﻛﯜﻡ ﭼﯩﻘﯩﺮﯨﭗ، ﺩﯦﻠﻮﻧﻰ ﻳﺎﺧﺸﻰ ﺑﯩﺮ ﺗﻪﺭﻩﭖ ﻗﯩﻠﯩﺸﻨﻰ ﺗﻪﻟﻪﭖ ﻗﯩﻠﻐﺎﻥ، ﻗﯩﺰﻧﯩﯔ ﺋﺎﺗﺎ ‏ - ﺋﺎﻧﯩﺴﻰ ﯞﻩ ﺳﺎﯞﺍﻗﺪﺍﺷﻠﯩﺮﯨﻨﻰ ﺋﯘﺭﻏﺎﻥ. ﻧﻪﺗﯩﺠﯩﺪﻩ ﺋﺎﻣﻤﯩﻨﯩﯔ ﻧﺎﺭﺍﺯﯨﻠﯩﻘﻰ ﻣﻪﻳﺪﺍﻧﻐﺎ ﻛﯧﻠﯩﭗ، ﻧﻪﭼﭽﻪ ﻣﯩﯖﻠﯩﻐﺎﻥ ﻛﯩﺸﻰ ﻧﺎﻫﯩﻴﯩﻠﯩﻚ ﻫﯚﻛﯜﻣﻪﺗﻨﻰ ﻗﻮﺭﺷﺎﯞﻏﺎ ﺋﺎﻟﻐﺎﻥ ﯞﻩ ﻧﺎﻫﯩﻴﯩﻠﯩﻚ ﺳﺎﻗﭽﻰ ﺋﯩﺪﺍﺭﯨﺴﯩﻐﺎ ﺋﻮﺕ ﻗﻮﻳﻐﺎﻥ.

ﺧﻪﯞﻩﺭﻟﻪﺭﺩﯨﻦ ﺋﺎﺷﻜﺎﺭﯨﻠﯩﻨﯩﺸﯩﭽﻪ، ﺟﯩﻨﺎﻳﻪﺕ ﺳﺎﺩﯨﺮ ﻗﯩﻠﻐﺎﻥ ﮔﯘﻣﺎﻧﺪﺍﺭﻧﯩﯔ ﻳﯧﻘﯩﻦ ﺗﯘﻏﻘﯩﻨﻰ ﯞﯦﯖﺌﻪﻥ ﻧﺎﻫﯩﻴﯩﺴﯩﻨﯩﯔ ﺋﻪﻣﻪﻟﺪﺍﺭﻟﯩﺮﯨﺪﯨﻦ ﺑﯩﺮﻯ ﺋﯩﻜﻪﻥ.
ﺟﻪﻣﺌﯩﻴﻪﺕ ﻣﯘﻗﯩﻤﻠﯩﻘﻰ ﯞﻩ ﭘﺎﺕ ﺋﺎﺭﯨﺪﺍ ﺋﯚﺗﻜﯜﺯﯛﻟﯩﺪﯨﻐﺎﻥ ﺋﻮﻟﯩﻤﭙﯩﻚ ﻣﯘﺭﺍﺳﯩﻤﻰ ﺋﯜﭼﯜﻥ، ﺧﯩﺘﺎﻱ ﻫﯚﻛﯜﻣﯩﺘﻰ ﻗﻮﺭﺍﻟﻠﯩﻖ ﻗﯩﺴﯩﻢ ﺑﺎﺵ ﻗﻮﻣﺎﻧﺪﺍﻧﻰ ﻫﻪﻣﺪﻩ ﻧﻪﭼﭽﻪ ﺋﻮﻥ ﻣﯩﯖﻠﯩﻐﺎﻥ ﻗﻮﺭﺍﻟﻠﯩﻖ ﻫﻪﺭﺑﯩﻴﻨﻰ ﺋﯩﺸﻘﺎ ﺳﯧﻠﯩﭗ، ﻧﺎﺭﺍﺯﯨﻠﯩﻖ ﻫﻪﺭﯨﻜﯩﺘﯩﻨﻰ ﺑﺎﺳﺘﯘﺭﻏﺎﻥ.

ﺳﺎﻗﭽﻰ ﺩﺍﺋﯩﺮﯨﻠﯩﺮﻯ، ﺋﺎﻣﻤﯩﻨﯩﯔ ﻧﺎﺭﺍﺯﯨﻠﯩﻘﯩﺪﯨﻦ ﻛﯧﻴﯩﻦ ﺩﯦﻠﻮﻧﻰ ﻗﺎﻳﺘﯩﺪﯨﻦ ﺑﯩﺮ ﺗﻪﺭﻩﭖ ﻗﯩﻠﯩﺪﯨﻐﺎﻧﻠﯩﻘﻰ ﻫﻪﻗﻘﯩﺪﻩ ﯞﻩﺩﻩ ﺑﻪﺭﮔﻪﻥ.