ﺧﯩﺘﺎﻱ ﺋﺎﻟﻰ ﺳﻮﺕ ﻣﻪﻫﻜﯩﻤﯩﺴﻰ 2006 ‏- ﻳﯩﻠﻰ ﻳﻪﺭﻟﯩﻚ ﺳﻮﺗﻼﺭﻧﯩﯔ ﺋﯚﻟﯜﻡ ﺟﺎﺯﺍﺳﯩﻨﻰ ﺗﻪﺩﺑﯩﻘﻼﺵ ﻫﻮﻗﯘﻗﯩﻨﻰ ﻗﺎﻳﺘﯘﺭﯗﯞﺍﻟﻐﺎﻧﻠﯩﻘﯩﻨﻰ ﯞﻩ ﺑﯘ ﻫﻮﻗﯘﻗﻨﯩﯔ ﺋﯧﻬﺘﯩﻴﺎﺕ ﺑﯩﻠﻪﻥ ﻳﯜﺭﮔﯜﺯﯛﻟﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ. ﺋﺎﻟﯩﻲ ﺳﻮﺕ ﺟﯩﻨﺎﻳﻰ ﺟﺎﺯﺍ 3 ‏- ﻛﻮﻟﻠﯩﮕﯩﻴﯩﺴﯩﻨﯩﯔ ﺳﻮﺗﭽﯩﺴﻰ ﮔﺎﯞ ﺟﯩﻨﺨﯘﯓ، ﻣﯘﺗﻠﻪﻕ ﻛﯚﭖ ﻗﯩﺴﯩﻢ ﺩﯦﻠﻮﻻﺭﻧﯩﯔ ﺩﻩﻟﯩﻞ - ﭘﺎﻛﯩﺘﻼﺭ ﻳﯧﺘﻪﺭﺳﯩﺰ، ﺋﯚﻟﯜﻡ ﺟﺎﺯﺍﺳﯩﻐﺎ ﺋﯘﻳﻐﯘﻥ ﺋﻪﻣﻪﺳﻠﯩﻚ ﺳﻪﯞﻩﺑﯩﺪﯨﻦ ﺭﻩﺕ ﻗﯩﻠﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ.

"ﺟﯘﯕﮕﻮ ﮔﯧﺰﯨﺘﻰ" ﺑﯘ ﻫﻪﻗﺘﯩﻜﻰ ﺧﻪﯞﯨﺮﯨﺪﻩ ﺧﯩﺘﺎﻱ ﺧﻪﻟﻘﺌﺎﺭﺍ ﺋﯧﻘﯩﻤﻨﯩﯔ ﺋﯚﻟﯜﻡ ﺟﺎﺯﺍﺳﯩﻨﻰ ﻗﯩﺴﻘﺎﺭﺗﯩﺶ ﺗﻪﻟﯩﭙﯩﮕﻪ ﻣﺎﺳﻠﯩﺸﯩﯟﺍﺗﻘﺎﻧﻠﯩﻘﻰ، ﺋﻪﮔﻪﺭ " ﺋﯩﺠﺘﯩﻤﺎﺋﯩﻲ ﺷﻪﺭﺕ -ﺷﺎﺭﺍﺋﯩﺖ ﭘﯩﺸﯩﭗ ﻳﯧﺘﯩﻠﺴﻪ " ﺋﯚﻟﯜﻡ ﺟﺎﺯﺍﺳﯩﻨﯩﯔ ﺑﯩﻜﺎﺭ ﻗﯩﻠﯩﻨﯩﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﺪﻯ. ﺧﯩﺘﺎﻱ ﺩﯗﻧﻴﺎﺩﯨﻜﻰ ﻫﻪﺭ ﻗﺎﻳﺴﻰ ﺩﯙﻟﻪﺗﻠﻪﺭ ﺋﯩﭽﯩﺪﻩ ﺋﯚﻟﯜﻡ ﺟﺎﺯﺍﺳﯩﻨﻰ ﺋﻪﯓ ﻛﯚﭖ ﺋﯩﺠﺮﺍ ﻗﯩﻠﯩﺪﯨﻐﺎﻥ ﺩﯙﻟﻪﺕ، ﺩﻩﭖ ﻗﺎﺭﺍﻟﻤﺎﻗﺘﺎ. ﺑﻮﻟﯘﭘﻤﯘ ﺩﺍﺋﯩﺮﯨﻠﻪﺭﻧﯩﯔ ﺋﯘﻳﻐﯘﺭ ﺋﯧﻠﯩﺪﻩ ﺳﯩﻴﺎﺳﻰ ﻣﻪﻫﺒﯘﺳﻼﺭﻏﺎ ﺟﯩﻨﺎﻳﻰ ﺋﯩﺸﻼﺭ ﻗﺎﻧﯘﻧﯩﻐﺎ ﺋﺎﺳﺎﺳﻪﻥ ﻳﻪﯕﮕﯩﻠﻠﯩﻚ ﺑﯩﻠﻪﻥ ﺋﯚﻟﯜﻡ ﺟﺎﺯﺍﺳﻰ ﺑﯧﺮﯨﻠﯩﯟﺍﺗﻘﺎﻧﻠﯩﻘﻰ ﺋﻪﻳﯩﺒﻠﻪﻧﻤﻪﻛﺘﻪ ﺋﯩﺪﻯ.

ﻛﯩﺸﯩﻠﯩﻚ ﻫﻮﻗﯘﻗﻨﻰ ﻛﯚﺯﯨﺘﯩﺶ ﺗﻪﺷﻜﯩﻼﺗﯩﻨﯩﯔ ﺧﻮﯕﻜﻮﯕﺪﯨﻜﻰ ﺗﻪﺗﻘﯩﻘﺎﺗﭽﯩﺴﻰ ﻣﺎﺭﻙ ﺋﺎﻟﻠﯩﺴﻮﻥ، ﺑﯘ ﺧﻪﯞﻩﺭ ﻳﻪﺭﻟﯩﻚ ﺳﻮﺗﻼﺭﺩﺍ %15 ﺩﯦﻠﻮﻧﯩﯔ ﺗﻮﻏﺮﺍ ﺑﯩﺮ ﺗﻪﺭﻩﭖ ﻗﯩﻠﯩﻨﻤﯩﻐﺎﻧﻠﯩﻘﯩﻨﻰ، ﺋﯘﻻﺭﻏﺎ ﺑﯧﺮﯨﻠﮕﻪﻥ ﺟﺎﺯﺍ ﺋﯩﺠﺮﺍ ﻗﯩﻠﯩﻨﻐﺎﻧﻠﯩﻘﯩﻨﻰ ﻛﯚﺭﺳﯩﺘﯩﺪﯗ، ﺩﻩﭖ ﺋﻪﺳﻜﻪﺭﺗﺘﻰ.