ﺳﯩﭽﯘﻩﻧﺪﻩ ﺑﯘﻧﯩﯔ ﺋﺎﻟﺪﯨﺪﺍ ﻳﻪﻧﻰ12 - ﻣﺎﻳﺪﺍ ﻳﯜﺯ ﺑﻪﺭﮔﻪﻥ ﭼﻮﯓ ﻳﻪﺭ ﺗﻪﯞﺭﻩﺵ ﺋﺎﭘﯩﺘﻰ 70 ﻣﯩﯔ ﺋﻪﺗﺮﺍﭘﯩﺪﺍ ﺋﺎﺩﻩﻣﻨﯩﯔ ﺋﯚﻟﯜﺷﯩﻨﻰ ﻛﻪﻟﺘﯜﺭﯛﭖ ﭼﯩﻘﺎﺭﻏﺎﻥ ﺋﯩﺪﻯ.

ﺋﺎﻣﯧﺮﯨﻜﺎ ﺋﺎﯞﺍﺯﻯ ﺭﺍﺩﯨﺌﻮﺳﯩﻨﯩﯔ ﺧﻪﯞﯨﺮﯨﺪﻩ ﻛﯚﺭﺳﯩﺘﯩﻠﯩﺸﯩﭽﻪ، ﭼﯧﯖﻜﯜﻥ ﺗﯚﻣﯜﺭ ﻳﻮﻟﯩﻨﯩﯔ ﭘﻪﻧﺠﯩﺨﯘﺍ ﺑﯚﻟﯜﻛﻰ ﭘﯜﺗﯜﻧﻠﻪﻱ ﯞﻩﻳﺮﺍﻥ ﺑﻮﻟﻐﺎﻥ ﺑﻮﻟﯘﭖ، ﻛﯜﻧﻤﯩﯖﺪﯨﻦ ﺑﯘ ﺭﺍﻳﻮﻧﻐﺎ ﻗﺎﺗﻨﺎﻳﺪﯨﻐﺎﻥ ﺑﺎﺭﻟﯩﻖ ﺗﯚﻣﯜﺭ ﻳﻮﻝ ﻟﯩﻨﯩﻴﯩﻠﯩﺮﻯ ﺗﻮﺧﺘﯩﺘﯩﻠﻐﺎﻥ. ﺑﯘ ﺭﺍﻳﻮﻧﻐﺎ ﺟﺎﻳﻼﺷﻘﺎﻥ ﺑﯩﺮ ﭘﻮﻻﺕ ﺗﺎﯞﻻﺵ ﺯﺍﯞﯗﺗﯩﺪﯨﻦ ﺯﻩﻫﻪﺭﻟﯩﻚ ﺧﯧﻤﯩﻴﯩﻠﯩﻚ ﺳﯘﻳﯘﻗﻠﯘﻕ ﺗﺎﺭﻗﯩﻐﺎﻥ. ﺧﻪﻟﻘﺌﺎﺭﺍﻟﯩﻖ ﻗﯩﺰﯨﻞ ﻛﯩﺮﯨﺴﺖ ﺟﻪﻣﺌﯩﻴﯩﺘﻰ ﻧﯚﯞﻩﺗﺘﻪ ﺧﻪﻟﻘﺌﺎﺭﺍﻧﯩﯔ ﺑﯘ ﺋﺎﭘﻪﺕ ﺭﺍﻳﻮﻧﯩﻐﺎ ﻳﺎﺭﺩﻩﻡ ﺋﻪﯞﻩﺗﯩﺸﯩﻨﻰ ﺗﻪﻟﻪﭖ ﻗﯩﻠﯩﺸﻨﻰ ﺋﻮﻳﻼﺷﻤﺎﻗﺘﺎ ﺋﯩﻜﻪﻥ.

ﺧﯩﺘﺎﻱ ﻳﻪﺭ ﺗﻪﯞﺭﻩﺷﻨﻰ ﺋﯚﻟﭽﻪﺵ ﺋﯩﺪﺍﺭﯨﺴﯩﻨﯩﯔ ﺑﯜﮔﯜﻥ ﺗﺎﺭﻗﺎﺗﻘﺎﻥ ﺋﻪﯓ ﻳﯧﯖﻰ ﻣﻪﻟﯘﻣﺎﺗﯩﻐﺎ ﺋﺎﺳﺎﺳﻼﻧﻐﺎﻧﺪﺍ، ﻳﻪﺭ ﺗﻪﯞﺭﻩﺷﺘﻪ 40 ﺋﺎﺩﻩﻡ ﺋﯚﻟﮕﻪﻥ، ﻳﺎﺭﯨﻼﻧﻐﺎﻧﻼﺭ 675 ﻛﻪ ﻳﻪﺗﻜﻪﻥ. ﻳﻪﺭ ﺗﻪﯞﺭﯨﮕﻪﻥ ﺭﺍﻳﻮﻧﻨﯩﯔ ﺋﻮﻣﯘﻣﯩﻲ ﻧﻮﭘﯘﺳﻰ 940 ﻣﯩﯔ ﺑﻮﻟﯘﭖ، 390 ﻣﯩﯔ ﺋﯧﻐﯩﺰ ﺋﯚﻱ ﺋﯚﺭﯛﻟﮕﻪﻧﺪﯨﻦ ﺳﯩﺮﺕ، ﺑﯘ ﺟﺎﻳﺪﯨﻜﻰ ﻣﻪﻛﺘﻪﭖ ﺯﺍﯞﯗﺕ، ﻛﺎﺭﺧﺎﻧﯩﻼﺭ ﻫﻪﻣﻤﯩﺴﯩﺪﻩ ﺋﻮﺧﺸﯩﻤﯩﻐﺎﻥ ﺩﻩﺭﯨﺠﯩﺪﻩ ﺋﯚﺭﯛﻟﯜﺵ، ﺩﻩﺯ ﻛﯧﺘﯩﺶ ﻛﯚﺭﯛﻟﮕﻪﭼﻜﻪ ﺋﯩﺸﺘﯩﻦ ﺗﻮﺧﺘﯩﻐﺎﻥ.

ﺑﯘ ﺗﻪﯞﺭﻩﺵ ﻳﯜﻧﻨﻪﻥ ﺑﯩﻠﻪﻥ ﺳﯩﭽﯜﻩﻧﻨﯩﯔ ﭼﯧﮕﺮﯨﺴﯩﺪﺍ ﻳﯜﺯ ﺑﻪﺭﮔﻪﻥ ﺑﻮﻟﯘﭖ، ﻗﺎﺗﺘﯩﻖ ﻳﺎﻣﻐﯘﺭ ﻫﻪﻣﺪﻩ ﻗﺎﺗﻨﺎﺵ ﻗﻮﻻﻳﺴﯩﺰﻟﯩﻘﻰ ﻗﺎﺗﺎﺭﻟﯩﻖ ﺗﯜﺭﻟﯜﻙ ﺳﻪﯞﻩﺑﻠﻪﺭ ﺗﯜﭘﻪﻳﻠﯩﺪﯨﻦ ﻗﯘﺗﯘﻟﺪﯗﺭﯗﺵ ﺋﯩﺸﻠﯩﺮﻯ ﺗﻮﺳﺎﻟﻐﯘﻏﺎ ﺋﯘﭼﺮﯨﻤﺎﻗﺘﺎ ﺋﯩﻜﻪﻥ.