Хитай коммунист партийисигә тоққуз баһа (12)хитай коммунист партийисниң милли мәдәнийәтләрни вәйран қилиши

Хитай коммунист партийисниң милли мәдәнийәтләрни вәйран қилиши

Мав зедоң һакимийәт қуруштин бурунла "биз әксийәтчиләргә қарита һәргизму рәһимдил сиясәт қолланмаймиз" дәп җакарлиған иди - дәп давамлиқ баян қилиниду "хитай коммунист партийисигә баһа" намлиқ 9 парчә башмақалиниң "хитай коммунист партийсисиниң милли мәдәнийәтләрни вәйран қилиши" дегән қисмида - 50 нәччә йиллиқ әмәлийәт дәл шундақ болди. Хитай коммунист партийисиниң зораванлиқ сиясәтләрни иҗра қилиш усулиму интайин қәбиһ болди.

Хитай коммунист партийсиниң "тонушни бирликкә кәлтүрүш" дегән һелә-микриси

"9 Баһа" ниң "хитай коммунист партийисиниң милли мәдәнийәтләрни вәйран қилиши" дегән қисмида хитай коммунист партийисиниң мустәбитликни иҗра қилидиған һәрхил тәдбирлири һәққидә тохталған. Униңда баян қилинишичә, хитай коммунист партийә мәркизи комитети бир сияси һәрикәт қозғимақчи болса, алди билән "тонушни бирликкә кәлтүрүш" тоғрисида буйруқ чүшүриду. Хәлқни әркин пикир қилғузмаслиқ вә демукратийә һоқуқидин мәһрум қалдуруш үчүн мәркизи комитетниң муддиасини ‘әң али йолюруқ" , "бир җүмлиси миң җүмлигә тәң һәқиқәт", шуниң үчүн "партийә билән әң йүксәк дәриҗидә бирдәкликни сақлаш керәк", "партийә көрсәткән нишан буйичә алға илгириләш керәк" , "партийиниң итаәтмән қорали болуш керәк" дәп тәкитләйду. Һөкүмәтниң гезит-жорнал, телевизийә, радиолири һәммиси ваң - чоң көтүрүп дост тартишип, бу сөзләрни үзмәй тәкрарлап туриду. Сиртқи дунядин хәлқниң қолиқиға аңлинидиған буниңдин өзгә аваз йоқ. Мәтбуатлар җәмийәттә буниңға охшимайдиған бирәр гәп - сөзниң болишини қәти чәкләйду. Бу, хитай коммунист партийисиниң пүтүн хәлқ ичидә өзиниң мустәбитликини әмилиләштүридиған тәдбири.

Хитай коммунист партийсиниң дөләт ичигә вә дуняға теролуқ қилиши

"9 Баһа"да баян қилинишичә, хитайда дөләт ичидә бирәр апәт яки бирәр чоң бала - қаза йүз бәрсә, коммунист әмәлдарлири "адәм өлүш дегән даим болуп туридиған иш" яки " өлгән болса өзиниң шори" дәп униңға һәргиз һесдашлиқ қилмайду. Хәлқараға қарита болса "8 йүз милйон адәм урушқа кирмисә боламду?" , "уруш болса чегрисиз чәксиз уруш болиду", "әгәр атом уруши йүз берип хитай хәлқиниң йерими өлүп түгисә, йәнә қалған йерими дуняни игәлләп юрт - макан қурушқа йетиду" дәп җар салиду. Бу, дөләт ичидики хәлққә вә пүтүн дуняға қилиниватқан әң типик террорлуқ болмай немә?

Хитай коммунист партийсиниң хәлқ ичидә өчмәнлик пәйда қилиш тәдбири

"9 Баһа"да баян қилинишичә, хитай коммунист партийиси "синипий дәртләрни унтуп қалмаслиқ керәк", бу бизниң дөләт сияситимиз дәп йолюруқ чүшүрсә, униң тәшвиқат тармақлири "синипи көрәштики қан вә яш пәйда қилған өчмәнлик кишиләрниң қәлбигә чуңқур орнап, йилтиз тартип бехланмақта" дәп қутратқулуқ қилиду. Бу, хитай коммунист партийсиниң хәлқ ичидә кишиләр ара өчмәнлик, адавәт пәйда қилиш тәдбири.

Хитай коммунист партийсии тәшвиқатта ялғанчилиқ вә алдамчилиқитин айрилалмайду

"9 Баһа" да баян қилинишичә, хитай коммунист партийсии тәшвиқатта ялғанчилиқ вә алдамчилиқитин айрилалмайду. Ачарчилиқ болған йилларда "бирму йәрдин елинған һусул 10 миң җиңдин ашти дәп ялған әйтмиғанмиди? 1989 - йили 6 - айниң 4 - күни тиәнәнмен мәйданида қирғинчилиқ қилғандин кейин "4 - июн вәқәсидә бирму адәм өлмиди" дәп ялған әйтмиғанмиди? йеқинқи бир нәччә йил ичидә йәнә "биз сарс кесилини аллиқачан контрол қилип болдуқ" дәп ялған әйтмиғанмиди? "ақ ташлиқ китаб" елан қилип "һазир мәмликитимиздә кишилик һоқуққа һөрмәт қилиш әң яхши боливатиду" дәп ялған ейтмидиму? хәлқ сайлимиған коммунист әмәлдарлири "биз 3 кә вәкиллик қилимиз" дәп ялған әйтиватмамду? 30 - йилларда японға қарши уруштин пайда алған хитай коммунист партийиси "партийимиз рәһбәрлик қилған япунға қарши уруш" дәп ялған ейтмидиму? хитай коммунист партийиси йәнәнәндики тағлиқ мәһәллиләргә бикнивелип әпиюн ясаш җәрянида өлгән җаң сидени "хәлқ үчүн үзүл-кесил хизмәт қилған инқилаби қурбан" дәп ялған ейтмидиму? 50 - йилларда хитай коммунист партийиси корийәгә теҗавуз қилип қозғалған урушни "хитайниң корийәгә ярдәм берип америкиға қарши туруш уруши" дәп ялған ейтмидиму? 70 - йилларда хитай коммунист партийси ветнамға теҗавуз қилғанда, шу урушни "ветнамниң тиҗавузчилиқиға қарши туурп өзини қоғдап зәрбә бериш уруши" дәп ялған ейтмидиму? һазирйәнә ‘җоңхуа хәлқ җумһурийитидин айрилмаймиз" дәп пүтүн дуняға җакалаватқан тебәтниң дини даһиси даләй ламани, хитай коммунист партийиси қилчә иза тартмастин "террорчи" дәп ялған ейтиватмамду?

Хитай коммунист партийисиниң сөз оюни

"9 Баһа" да баян қилинишичә, хитай коммунист партийиси хәлқни қаймуқтуруш үчүн һәр дайим "азатлиқ уруши", "азатлиқ армийә" , "хәлқ үчүн хизмәт қилиш" , "йеңи җоңго қурулғандин кейин", "аз санлиқ милләтләргә ярдәм бериш, һүрмәт қилиш, етивар бериш" дегәндәк наһайити чирайлиқ аңлинидиған ибариләрни қоллинип кәлмәктә. Бу, хитай коммунист партийисиниң сөз уюни. У йәнә хәлқниң меңисини ююш үчүн "сотсиализм яхши" , коммунист партийә болмиса йеңи җоңго болмайтти" дегән ибариларни хәлқниң еңиға мәҗбурий теңиватмамду? (давами бар) (вәли)