Xitay kommunist partiyisige toqquz baha (14)xitay kommunist partiysi nimige tayinip égilik tiklidi?

Xitay kommunist partiysi nimige tayinip égilik tiklidi?

Mawzédong hakimiyet qurushtin burunla "biz eksiyetchilerge qarita hergizmu rehimdil siyaset qollanmaymiz" dep jakarlighan idi - dep dawamliq bayan qilinidu "xitay kommunist partiyisige baha" namliq 9 parche bashmaqalida - 50 nechche yilliq emeliyet del shundaq boldi. Xitay kommunist partiyisining zorawanliq siyasetlerni ijra qilish usulimu intayin qebih boldi.

Qutratquluq qilish arqiliq xelq ichide adawet peyda qilip pütün mülükni omumning qiliwétish

"Xitay kommunist partiyisige baha" namliq 9 parche bashmaqalining "xitay kommunist partiysi némige tayinip igilik tiklidi?" dégen qismida bayan qilinishiche, xitay yézilirida jama'et we urughdashliq belwaqliri ezeldin tartip chungqur yiltiz tartip, mülükchilik tüzümi shu asasta dawamlashqan idi. Yéza igilik ishlepchiqirishi tejribige bay kishilerning bashqurishida orunlinatti. Yéri yoqlar yéri barlardin yer ijarige élip tériqchiliq qilatti. Kishiler bundaq munasiwet arqiliq yer igiliri yersizlerni, yersizler yer igilirini béqip, bir - birige béqinip tirikchilik qilatti.. Namuwapiq bolghan ishlarni yéza aqilliri kéngiship tengsheytti.

Yézilardiki bundaq en'eniwi tertip xitay kommunist partiyisi üchün chong tosalghu idi. Shunglashqa kommunist partiye yézilarda "sinipi köresh" dégen nezériye bilen kishiler arisida adawet peyda qilishqa kirishti. Xelq riwayetlerdiki "aq chachliq qiz" eslide u bir ersh bilen zémin arisida yüridighan aq köshül perining obrazi idi. Uni xitay kommunist partiyisi sinipi köreshte izilip chéchi aqarghan hayat qiz dep özgertti. Bundaq özgertilgen riwayetni déramma, kino filimi, balit tiyatiri qilip teyyarlap sehnilerge élip chiqip, bu arqiliq sinipi küreshni qozghatti. Mushuninggha oxshash teshwiqatlar jeryanida, qoralliq kommunistlar yer igilirini, baylarni neq meydanda ölüm jazasigha höküm qilip ijra qiliwerdi. Ularning yer we mülkini musadire qilip namratlargha teqsim qilip berdi. Uningdin kéyin keyni - keynidin kapiratsiyilish, kommunalishish dégen heriketlerni qozghap, bu jeryanda yene qutratquluq qilip peyda qilghan adawet, ziddiyet we tuqunushlardin paydilandi. Bu qétim ٪ 95 kishi yaxshi adem,٪ 5 kishi düshmen dése, yene bir qétimda yene ٪ 5 kishini düshmen dep yoqitip, mushundaq tekrarlawérip birtalay ademni yoqitip boldi. Xitay kommunist partiyisi bundaq heriketlerni élip bérish arqiliq axirqi hésabta yer - zémin we bayliqlarni pütünley tartiwélip hemmini özining omum mülkige aylanduriwaldi.

Xitay kommunist partiyisi lükchek prolétariyatlargha tayinip igilik tikligen

"9 Baha"da bayan qilinishiche, kommunizm neziriyisini otturigha qoyghan markis "kompartiye xitapnamisi"da lükchek purulétariyatni ret qilip, uni "jemiyetning eng töwen qatlimidiki passép, chirik bir tebiqe, ular eng asan sétilip kétidighan, eksil heriketler bilen shughullinishni xahlaydighan tebiqe. Ular bir munche jaylarda purulétariyat inqilabigha qushuliwalghan" dep chüshendürgen bolsimu, emma maw zédong uni "jemiyette kishiler yirkinidighan lükchek, öktemler del yéza inqilabidiki eng batur, eng üzül - késil, eng qet'i tebiqe" dep medihiyilep, shulargha tayinip sowét hökümiti qurdi. Xitay kommunist partiyisi özining bu lükchek, öktemler qushunini "purulétariyat inqilapchiliri" dep atiwaldi. Pütün jemiyet ularni éyiplep chiqqanda, maw zédong yene otturigha chiqip "süyümlük ependiler, siler toghri dédinglar, biz xitayda uzun yilliq tejribilerni yekünligen shu lükchek, öktemler, biz emdi xelq démukratiye déktaturisini yürgüzidighan mustebitler" dégen idi.

Bulangchiliq qilip esker béqip tepriqichiliq qilish

"9 Baha"da bayan qilinishiche, xitay kommunist partiyisi özining qoralliq qushunini destlepte sowét ittipaqini dorap "qizil armiye' dep atighan idi. Bu qizil armiye eskerlerni béqish, qoral-yaraq, oq - dora toplap tebriqichiliq qilish üchün, nede bayliq bolsa shu jaygha bérip banditliq, bulangchiliq qilatti. Li shi'ennen ependining qizil armiyisi gherbi xubéyda "pul toplash" herikiti élip bérip dang chiqarghan. U baylarni öltürmey güröge éliwélip, uning uruq - tuqqanlirigha altun -kümüshlerni ekeldürüp weyran qilidighan eng qebih usul qollan'ghan. Xitay kommunist partiyisi hazirmu kim bay bolsa, u mustebitlikni xahlimaydighan kishi bolsla, uning mülkini xahlighan bir bednam bilen bulap -talap yoq qiliwatidu.

Étnik qirghinchiliq, top qirghinchiliq üchün teyyarliq

"9 Baha"da bayan qilinishiche, xitay kommunist partiyisi yer islahatida yer égilirining ediwini bérish, 3 ke qarshi turush, 5 ke qarshi turush dégen heriketlerde kapitalistlarning, sodigerlerning ediwini bérish, ongchilargha qarshi turushta rast sözleydighan ziyalilarning ediwini bérish, medeniyet inqilabida pen - ilim ehlili'irning ediwini bérish, 89 - yilidiki ti'en'enmén waqeside kommunist partiyining xiyanetchilik-chiriklikike qarshi turghan uqughuchilarning ediwini bérish qatarliq bir qatar cheklik qirghinchiliq arqiliq, u xelq'aradimu yene öz dostliridin qandaq yüz örüsh, jasusluqni qandaq yolgha quyush qatarliqlarni tejribe qilish arqiliq bir yürüsh keng kölemlik étnik qirghinchiliq, top qirghinchiliq üchün neziriye we emiliyet jehettin teyyarliq qildi. Xitay kommunist partiyisi 4 - iyun waqesidin kéyin "muqimliqni saqlash", "milli bölgünchilerge qarshi turush" , "térrorchiliqqa qarshi turush", "eksiyetchi dini pa'aliyetlerni cheklesh" dégendek bana-sewepler bilen yolgha qoyghan qattiq zerbe bérish, bixlinip bolghiche yuqitiwétish dégen qanunsiz heriketler del xitay kommunist partiyisi keng kölemlik étnik qirghinchiliq we top qirghinchiliq üchün élip barghan sinaqlardur. ( Dawami bar) (weli)