Xitay hökümiti nime üchün Uyghur rayonigha herbiy ofitsérlarni orunlashturushni "muhim nuqtining muhimi" dep tekitleydu?
2006.06.01
"Tengritagh tori"da "shinjang géziti" din élip xewer qilishiche, yéqinqi 5 yil ichide Uyghur aptonom rayonigha xitay armiyisidin kesp almashturghan ofitsérlardin 8371 ni orunlashturulup bolghan. Bularning 99% i biwaste partiye -hökümet organlirigha orunlashturulghan.
Xewerde bayan qilinishiche, aptonom rayonluq partkom teshkilat bölümi 5 - ayning 29 - küni "milletler ittipaqliqi terbiyisi éyi"dep atalghan siyasiy heriketning bir mezmuni qatarida herbiy septin kesp almashturghan kadirlar heqqide yene bir söhbet yighini achqan. Bu söhbet yighinida "herbiy septin kesp almashturghanlar Uyghur aptonom rayonining eng muhim kadirlar menbesi, herbiydin kesp almashturghan kadirlarni orunlashturushning ichide déwiziye, polk derijilik kadirlarni orunlashturush muhim noqtining muhimi" dep tekitligen.
Dunya Uyghur qurultiyining bayanatchisi dilshat rishit ependining tehlil qilishiche, hazir xitay armiyisidin kesp almashturghan ofitsérlarni, xitay hökümiti Uyghur aptonom rayonigha orunlashturushqa shu qeder ehmiyet bériwatqanliqini, xitay hökümitining Uyghurlarni térrorchi dégen bednam astida basturush jehettiki oy-pikri bilen munasiwetlik.
Dunya Uyghur qurultiyining bayanatchisi dilshat rishit ependining tehlil qilishiche, xitay armiyisidin herbiy ofitsérlarni Uyghur yurtlirigha orunlashtursh gerche "milletler ittipaqliqi" dégen ish bilen munasiwiti bolmisimu, emma buni zormu-zor "millertler ittipaqliqi" dewalghan. Mahiyette bu bir siyasiy taktika.
Dunya Uyghur qurultiyining bayanatchisi dilshat rishit ependining tehlil qilishiche, xitay armiyisidin herbiy ofitsérlarni Uyghur yurtlirigha orunlashturushta déwiziye, polk derijilik ofitsérlarni orunlashturush hazirqi muhim nuqtining muhim nuqtisi, dep tekitligenliki kelgüside Uyghur yurtlirining hoquqini heqiqiy kontrol qilidighan bu hakimlar xelqning saylishi kérek emeslikini, belki merkezdin biwaste orunlashturidighanliqi aldin uqturup qoyiwatqanliqi. (Weli)
Munasiwetlik maqalilar
- Xitay hökümiti herbiyliktin qaytqan kadirlarni orunlashturush heqqide her qaysi organlargha bésim ishletmekte
- 55 Mingdin artuq aliy mektep püttürgen oqughuchi gherbiy rayon'gha bérishqa hazirlanmaqta
- Bu yil téximu köpligen aliy mektep püttürgen oqughuchilar ishsiz qalidu
- Waqitliq oqutquchilar ishsiz qélish aldida turmaqta
- Xitayda iqtidarliq kishiler kem bolmaqta
Köp körülgen xewerler
RFA
- Uyghur mejburiy emgek mesilisi jenwede bashlan'ghan b d t “Soda we kishilik hoquq munbiri” ning muhim témisi boldi
- Jenwediki b d t yighinida xitay wekilliri yighin meydanini tashlap chiqip ketken
- Tuzini yep, tuzluqini chéqish: xitay yazghuchisi wang méngning Uyghur söygüsi qanchilik?
- Jenwediki b d t munbiride: “Uyghur teshkilatliri wekilliri Uyghur mejburiy emgikige da'ir herqandaq so'algha jawab bérishke teyyar! ”
- Ayyüje türkesh tash xanim: “Türkiyening ürümchide konsulxana échishi shert”