Közetküchiler, "inaq jem'iyet berpa qilish" mesilisi heqqide toxtaldi


2005-03-09
Share

Xitay bash ministiri wén jyabaw, béyjijngda échiliwatqan xelq qurultiyining tunji küni hökümet xizmitidin doklat bergende "inaq jem'iyet berpa qilish" teshebbusini otturigha qoyghan bolup, u inaq jem'iyet qurush mesilisini chüshendürgende, bu mesilini hel qilishning asasi ishsizlargha xizmet tépish, ijtima'iy parawanliq sistémisini qurush, kirim texsimatidiki tengsizlikni tügitish shundaqla yéza- bazarlardiki namratlarning turmush mesilisige köngül bölüsh qatarliqlar, dep tekitligen.

Amma xitay dölet re'isi xu jintaw seyshenbe küni shinjang wekillirining guruppa muzakiriside qilghan sözide, Uyghur aptonom rayonida "inaq jem'iyet berpa qilish" tiki teleplirini otturigha qoyup, "sotsiyalistik inaq jem'iyet berpa qilish marksizmliq diniy qarash we milletler qarishini turghuzup, partiyining milletler siyasiti, diniy siyasiti shundaqla milliy térritoriyilik aptonomiye qanunida ching turush we mukemmelleshtürüshni telep qilidu," dep körsetken.

Közetküchiler, xu jintawning Uyghur aptonom rayoni wekillirige qilghan marksizmliq milletler qarishini kücheytish toghrisidiki sözi, xitay rehberlirining shinjangda muqimliqni qoghdash hemmidin üstin deydighan en'eniwi köz - qarashning kölenggüsidin téxiche qutulalmighanliqini körsitidu, dep qarimaqta.

Analizchilarning qarashlirini muxbirimiz erkinning bu heqtiki programmisidin anglang.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet